2 Co 2:3 - Chuj San Sebastian Bible

³ 'Ixta wutjnac waln 'at 'ayx 'a junx in carta, yujto in nib'jnac, ma'in 'at wa'ch e cusc'ojlal. Smoj to ax tzeyac' in tzaljc'ojlal. Xwa'ch yipc in c'ojol, toto tzjaw in tzaljc'ojlal, ax sjaw pax e tzaljc'ojlal jun xo.

Chuj San Mateo Bible

³ Yuj chi', icha chi' vutejnac valanb'at d'ayex d'a jun in carta, yujto malaj in gana b'at vac'och e cusc'olal. Yujto a ex val smoj eyac'an in tzalajc'olal. Svac'anoch yipoc in c'ool, yujto tzin na'a, tato sja in tzalajc'olal, ol japax e tzalajc'olal ved'oc.

2 Co 2:3 Referans Kwoze

Gl 5:10

A Cajlilec tzwa'ch yipc in c'ojl eyu'uj, to ma'oj e wach' 'a'c 'at e nab'en 'a junc xo chuc cuynb'ilal. Palta tzann̈j mach tz'a'n e c'ojloc cha, ax Dios 'oj 'a'nc syailal.

2 Co 8:22

'Ay pax junx cu'taquec 'oj qui checb't yet' eb' tic on̈. A jun tic, til wal 'ejm 'ix ch'ox sb'a, to yelc'ojlal tzmunlj 'a Cajlilec. Al ticnec, yel xo wal tznib'j tzmunlji, yujto caw tzex ya'ch yipc sc'ojol.

Filemón 1:21

Tic tzwalb't jun tzo'n̈ tic 'ayach, yujto caw yiclum tzotj a b'a. Wojtac, jantcn̈ej tas tzwalb't 'ayach, 'oj a b'o'. Palta 'oj a wach' b'oc jun tzo'n̈ xo.

2 Co 7:12

A jun in carta cha, man̈ yujoc jun 'ochnc smul cha, in tz'ib'n 'ati, man̈ yujoc pax jun 'aj 'ochnc smul. Palta in tz'ib'jnac 'ati, sec tznachj 'el eyu'uj, to a 'a sat Dios, caw 'ay e chamc'ojlal 'ayn̈ on̈.

2 Ts 3:4

Tzca'ch Cajlil yipc qui c'ojl eyuj on̈, chajtlto wan eyiclni jun tzo'n̈ checnb'il caljnac can 'ayx on̈, ax eyiclni pax 'a smasnil tiempo.

2 Co 12:21

Tzin xiw in 'at 'ayx jun 'ejm xo, toq'ue a qui Diosal 'oj 'a'nc in q'uixwloc eyu'uj. Toq'ue caw 'oj woc' eyu'uj, yujto 'a yictax yalan̈, caw niwn ex tze b'o maysch'olnil. Caw matz eyactj can e b'on jun tzo'n̈ maysch'olnil yet' e niwnal, atn 'ajmulal yet' jun tzo'n̈ xo tas caw q'uixweltac.

2 Co 12:11

'Icha to man̈ nab'enal waji, yic tzwaln 'at in b'a wach'l 'ayex, palta ax xo in eyac' pural walni. Yujto smoj ax tzin eyal wach'il. 'Ay eb' cob' tzyalch sb'a schecb'oc Cristo si'mb'il. A 'a eb' tzlaj cob' eya'ch e nab'en. Wach'xam may xon jac wel'chi, palta may wal jac yel'ch eb' 'a in sat.

2 Co 7:8

Wach'xam caw x'och e cusc'ojlal yuj jun carta wa'jnac 'at 'ayex, palta matz in cus yu'uj. Cusnc in ton yuj 'a jun 'el, yujto xwab'i, to 'ochnc e cusc'ojlal jun tiempoal yu'uj.

2 Co 7:6

Palta a Dios, a tz'a'n sniwnal sc'ojl jantcn̈ej mach 'aych 'a scusc'ojlal. A x'a'n sniwnal qui c'ojl on̈, yujto xjaw Tito 'a tic.

2 Co 1:15

'Ixta wutjnac wa'n 'och yipc in c'ojol. Yuj cha, in nani, to tzex 'ec' in b'ab'l 'iloc, sec wach' cha'ejm tzin 'ec' 'ayx muc'uc, ax e wach' chan swach'c'ojlal Dios.

1 Co 4:21

Palta a ticnec, ¿'aja junc tas tze nib'j tz'at in b'o 'ayex? ¿Tom tze nib'j tz'at ex wac' cuenta yuj e mul? ¿Mto tze nib'ej, to tz'at in ch'ox in chamc'ojlal 'ayex, 'emmquilal tz'at wutc in b'a 'ayex?

2 Co 1:23

Palta tzin nib'j ma'ix 'och e cusc'ojlal wu'uj, yuj cha, mant 'ic in 'e'x 'ayx 'a Corinto cha. Caw yel tzwala, tzyil Dios, yujto caw yojc tas 'ayc' 'a in nab'en.

2 Co 2:9

In tz'ib'jnac 'at 'ayx yuj jun tic 'a jun 'el, yic wa'n ex prowal. Yujto in nib'j wojcoc 'eli, toto yel tzeyiclj tas tzwala.

2 Co 7:16

Caw tzin tzalj ticnec, yujto tztac' ex wa'n 'och yipc in c'ojol.

2 Co 13:10

Tzin b'ab'l tz'ib'j 'at jun in carta tic 'ayex, yic mantzac in c'och eyet' ta'. Yujto tzin nib'ej, man̈ yowlalc caw ow 'oj wutc in b'a 'ayx yuj jun wopiso tic, ax in c'och ta'. A Cajlilec 'a'jnac jun wopiso tic, yic tzwa'n 'och e te'nal 'a e creyenteal, man̈ yujoc ex wa'n juwc 'eli, ya'n 'ayin.