2 Co 2:1 - Chuj San Sebastian Bible

¹ Yuj cha, xin nani, to man̈x 'oj in c'ochx 'ayx 'a scal cusc'ojlal.

Chuj San Mateo Bible

¹ Yuj chi', a tzin na'a, man̈xo ol in c'och d'ayex d'a scal cusc'olal.

2 Co 2:1 Referans Kwoze

2 Co 1:23

Palta tzin nib'j ma'ix 'och e cusc'ojlal wu'uj, yuj cha, mant 'ic in 'e'x 'ayx 'a Corinto cha. Caw yel tzwala, tzyil Dios, yujto caw yojc tas 'ayc' 'a in nab'en.

2 Co 13:10

Tzin b'ab'l tz'ib'j 'at jun in carta tic 'ayex, yic mantzac in c'och eyet' ta'. Yujto tzin nib'ej, man̈ yowlalc caw ow 'oj wutc in b'a 'ayx yuj jun wopiso tic, ax in c'och ta'. A Cajlilec 'a'jnac jun wopiso tic, yic tzwa'n 'och e te'nal 'a e creyenteal, man̈ yujoc ex wa'n juwc 'eli, ya'n 'ayin.

2 Co 2:4

A yic in tz'ib'n 'at jun carta chi 'ayex, caw in 'och 'il eyu'uj. Caw wab'jnac syail, caw 'o'nc in paxi. Palta man̈ yujoc wa'n 'och e cusc'ojlal in tz'ib'n 'ati. In tz'ib'jnac 'ati, sec tzeyojquej 'eli, to caw niwn in chamc'ojlal 'ayex.

1 Co 4:21

Palta a ticnec, ¿'aja junc tas tze nib'j tz'at in b'o 'ayex? ¿Tom tze nib'j tz'at ex wac' cuenta yuj e mul? ¿Mto tze nib'ej, to tz'at in ch'ox in chamc'ojlal 'ayex, 'emmquilal tz'at wutc in b'a 'ayex?

Tito 3:12

'Oj in checb't cu'tac Artemas 'ayach, mto a cu'tac Tíquico 'oj 'atoc. A yic tzc'och 'ayach, caw tzac' 'ip a 'at mu'c 'a chon̈b' Nicópolis. Ata 'oj qui c'umc qui b'a ta', yujto tzin nib'j ata 'ayn 'eq'ui, ax yec' n̈ab'lq'uinal.

1 Co 5:3

An xo tic, wach'xam man̈ in 'ayc 'ec' eyet' ta', palta 'icha wal to caw 'ayn 'ec' eyet'oc. Yuj cha, tox xin b'eyc'ojlej jun win tzb'on maysch'olnil cha, yujto 'icha wal to 'ayn 'ec' eyet' ta'.

1 Co 2:2

Yujto a yic wec' 'ayx ta', may junc xo tas tzin nib'j tzwojquej 'eli. Cojn yab'xil Jesucristo 'ec' waljnac 'el 'ayex, chajtlto chamnc 'a spenc culus.

A Tas Sc'ulejnac Eb' Schecab' Jesús Hechos 15:2

Ax Pablo yet' Bernabé, caw 'ix stej sb'a eb' yet' ewinac, palta ma'ix b'o yuj eb'. Yuj cha, xyaln eb' creyente, chajtlto tz'at Pablo 'a Jerusalén yet' Bernabé. Tz'at pax jun tzo'n̈ xo eb' creyente yet' eb' yic tz'at sc'anb'noc eb' junc nab'en 'a eb' schecb' Jesús, yet' 'a eb' anciano 'a jun iglesia cha.

A Tas Sc'ulejnac Eb' Schecab' Jesús Hechos 11:29

Yuj cha, ax eb' creyente 'aj Antioquía, 'ix 'el 'a sc'ojl eb' scolwj 'a eb' creyente 'aj Judea. A tzyala, jantc tztac' ya'n junjn eb'.

A Tas Sc'ulejnac Eb' Schecab' Jesús Hechos 15:37

Ax Bernabé, tznib'j tzyij 'at Juan Marcos yet' eb'.