2 Co 13:5 - Chuj San Sebastian Bible

⁵ Caw tze b'eyc'ojlej e b'a junjn ex, sec tzcheclji, toto yel 'aych e c'ojl 'a Cristo. Caw tzeyac' prowal e b'a junjn ex. ¿Tom man̈ eyojcoc, to a Jesucristo 'aych 'ayx junjn ex? Cojn toto man̈ ex creyenteoc 'a yel, to 'ixta', man̈ 'ayc 'och 'ayex.

Chuj San Mateo Bible

⁵ Tze cham naej val e b'a junjun ex, yic scheclaji tato yel ayoch Cristo d'a e c'ool. Aq'uec proval e b'a junjun ex. ¿Tom man̈ eyojtacoc to a Jesucristo ayoch d'ayex junjun ex? Palta tato man̈ ex creyenteoc d'a yel, man̈ ayococh d'ayex.

2 Co 13:5 Referans Kwoze

Lm 3:40

Qui b'eyc'ojloquec qui b'a tas yilx qui b'eyb'alec, tzlajw cha, tzon̈ meltzjec, tzcalnec pax qui b'a 'a Jehová.

1 Co 11:28

Yuj cha, junjn on̈ec, a yic mantzac qui wajec jun pan tic, tzcu'lb'anec jun vaso tic, yowlal tzqui b'eyc'ojlejec can qui b'a b'ab'el.

1 Co 9:27

Caw tzin tench wan in niwnal tic. Tzwac' cuenta in b'a si'mb'il. Yujto wach'xam til wal eb' xwawtj cot wet' 'a jun 'icha tajnel tic, palta toto matz wac' cuenta in niwnal tic, 'ay smay matz in chax 'och yet' eb'.

Apoc 2:5

Yuj cha, nac coti chajtl eyaj 'a yic mantzac juw 'el e nab'en. Nac e b'a, b'oc e b'eyb'al 'icha 'a yic yalan̈. Toto matz e na e b'a, 'oj in c'och 'ayx muc'uc, ax wi'n 'el e cantil 'a yet'ul.

Gl 6:4

Yowlal tzqui b'eyc'ojlej tas yilx qui b'eyb'al junjn on̈. To 'ixta', 'oj stac' qui tzalj yuj qui b'eyb'al junjn on̈ec. Man̈ yowlalc 'oj qui na sb'eyb'al junc xo, toto yel wach' quic 'a yib'an̈.

A Ch'an̈ Carta D'a Eb' Hebreo 12:15

Caw tzlaj eyac' cuenta e b'a, sec may junc ex 'oj eyactc e chan swach'c'ojlal Dios. Tzeyac' cuenta e b'a, sec may ex lajn tzex 'aj 'icha junc te tzq'uib'i, caw c'a. Toto 'ixta tz'aj e nab'en sjuwi, til wal eb' 'oj juwc 'el eyu'uj.

1 Co 11:31

Palta toto tzqui b'eyc'ojlej qui b'a junjn on̈ec, toto 'ixta', ax Cajlilec, man̈x yowlalc 'oj on̈ sb'eyc'ojloquec.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

Salmos 26:2

'Ilt in wal Mamin, 'a'lj in prowal. Say el in nab'en yet' in pixan.

Ro 8:10

Palta an̈ec tic, 'ayx 'och Cristo 'ayn̈ec. Yuj cha, wach'xam yowlal 'oj cham qui niwnalec tic yuj maysch'olnil tzb'o'o, ax qui pixnec, pitznn̈ej, yujto wach'n̈ec 'a sat Dios ticnec.

Salmos 119:59

'Ix in sayn wil in b'eyb'al, yuj cha, xin yamn 'och in yiclni tas tzala.

Hageo 1:7

An tzwal 'ayex: Tzcham wal e nan yuj tas xwal 'ayx tic.

A Ch'an̈ Carta D'a Eb' Hebreo 4:1

Ya'jnac can Dios sti', chajtlto tztac' tzon̈ 'ochc 'iljoc yu'uj. Yuj cha, caw ca'c cuenta qui b'a si'mb'il, sec toq'ue may junc mach 'a qui calc to ma'oj tzawnoc yoch 'iljoc yu'uj.

1 Co 9:24

Q'uinloc 'ay eb' 'aych 'a tajnel ticnec, tzya'n eb' carela. Eyojc xoni, smasnil eb' tzyac' carela. Palta an̈j jun tzb'ab'l c'ochi, an̈j tzchan spac yic cha. Yuj cha, 'icha eb' tz'a'n carela cha, yowlal 'ixta tzcutjec qui b'a 'a yic Cristo, sec 'oj qui chac spac quic junjn on̈ec.

1 Co 3:16

¿Tom man̈ eyojcoc, to yatut Yespíritu Dios eyaji, a Yespíritu chi cajn 'ec' 'a e cal?

Hageo 1:5

An tzwal 'ayex, tzam e yil cot e b'a tas wan eyaji.

Jn 15:4

Caw cann̈ecn̈ej wet'oc. An xo tic, 'oj in cann̈j pax eyet'oc. 'Icha junc sc'ab' te tz'el 'a snun, man̈xtzac stac' satni, 'ixta 'ex jun xo, toto matz ex can wet'oc.

Salmos 17:3

Ach tic Mamin, caw ojtac tas 'ayc' 'a in nab'en. 'A junjn 'ac'wal tzwul in a b'eyc'ojlani, tzin a'n prowal, palta may in mul tz'ilchj o'oj. May 'aj 'ix wal jun tzo'n̈ paxti to man̈ smojc walni.

Tito 2:2

Tzal 'a eb' 'ichmtac winac, to caw te'n tzyutj eb' snab'en. Caw wach' tzyutj sb'a eb', sec wach' 'ay yel'ch eb' 'a sat eb' yit 'anma'il. Yowlal caw tzyac' cuenta sb'a eb'. Caw tzya'ch eb' sc'ojl 'a jun tzo'n̈ cuynb'il caw yel. 'Ay cab' schamc'ojlal eb' 'a eb' yit 'anma'il. Caw te'n tzyutj sb'a eb' yab'n syail.

Ef 3:17

Tzin c'ann pax 'a 'a, sec 'oj wach' 'och cajn Cristo 'a e pixan, yujto 'aych e c'ojl 'a 'a. Toto 'ixta', 'oj wach' q'uib' e chamc'ojlal. 'Icha junc te caw niwn sch'an̈lyib', 'ixta 'oj eyaji.

Jn 17:26

An xwac' yojcoc 'el eb' tas yaj a nab'en. 'Oj in wach' 'a'c yojcoc 'el eb', sec wach' 'icha tzin otj in a chamc'ojlani, 'ixta tzotj a chamc'ojlan pax eb', ax woch cajn 'a eb' 'a jun 'ejmn̈ej, xchi Jesús 'a qui Mam Dios.

Jn 17:23

An 'ayn 'och 'a eb', ach xo 'aych 'och 'ayin, sec wach' caw junxn̈ej 'oj 'aj snab'en eb'. Yuj cha, ax eb' 'anma 'a yolyib'n̈q'uinl tic, 'oj nachjc 'el yuj eb', to ach checjnacn coti. 'Oj yil eb', 'icha tzotj in a chamc'ojlani, 'ixta tzotj a chamc'ojlan pax eb' tic jun xo.

Santiago 4:4

'Ay ex, 'icha junc 'ix, cojxn 'ajmulal tzsayq'ui, 'ixta 'ex 'a sat Dios. ¿Tom mant eyojcoc, to a yic tzqui chamc'ojlanec qui b'a yet' yolyib'n̈q'uinl tic, ax 'a Dios tzon̈ 'ochc 'ajc'ojlal? Yuj cha, tzann̈j mach tznib'j tz'och swach'c'ojloc yolyib'n̈q'uinl tic, ax 'a Dios tz'och 'ajc'ojlal.

A Scarta San Pablo D'a Eb' Aj Colosas 2:7

'Icha junc te caw 'ay sch'an̈l yib', caw wach' sq'uib'i, 'ixta cab' tzeyutj e nab'en 'a yol sc'ab' Cristo. Caw te'n tzeyutj eya'n 'och e c'ojl 'a 'a, 'icha x'aj yajx e cuyu'. Smasnil tiempo tzlaj eyac' yuj diosal 'a Dios.

A Scarta San Pablo D'a Eb' Aj Colosas 1:27

'Elnc 'a sc'ojol, to tzyac' cojcoquec 'eli. A jun tic, yel xo wal niwn yel'ch 'ayx ax man̈ ex israeloc. Atn jun tic x'ajx cojcoquec 'eli, to a Cristo cajn 'och 'a e pixn junjn ex quet' on̈. Yuj Cristo, tzca'nec 'och 'a qui c'ojol, to 'oj tz'acwc qui wach'l 'icha swach'l Dios.

A Scarta San Pablo D'a Eb' Aj Colosas 1:23

Palta yowlal tzeya'ch 'a e c'ojl 'a smasnil tiempo. Caw te'n tzeyutj e nab'en, 'icha junc te caw 'ay sch'an̈l yib'. A jun wach' 'ab'x yic colnb'il eyab'jnac xo, man̈ eyactc can eya'n 'och yipc e c'ojol. A jun wach' 'ab'x tic, wan yalx 'el 'a smasnil yolyib'n̈q'uinl tic. An xo Pablo in tic, wan waln 'el pax jun xo.

Gl 4:19

Ax xo, 'icha to caw wunnal ex. Caw niwn tzwab' syal eyu'uj, 'icha junc 'ix caw tzyab' syail, yic tz'alj yune'. An̈ja 'ixta 'oj wab' syal eyu'uj, masnto 'oj wach' lajnb'oc e nab'en yet' Cristo.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

1 Co 6:19

Eyojc xoni, to a qui niwnalec tic, to yatut Yespíritu Dios yaji. A 'aych 'a 'a, yujto a Dios 'a'jnac 'och 'ayn̈ junjn on̈ec. Man̈x quico'oquec qui b'a ticnec,

1 Co 6:2

¿Tom mant eyojcoc, to an̈ec yic on̈c xo Dios tic, an̈ec 'oj cochc yajlil 'a yib'n̈ eb' yic yolyib'n̈q'uinl tic? Yuj cha, smoj an̈ec tzqui b'oc yaj jun tzo'n̈ mayn̈ej wal yel'ch tic.

Jn 6:56

Tzann̈j eb' 'oj chinc in chib'jal tic, ax yu'n pax eb' in chic'l tic, junxn̈ej tz'ajcn eb' wet'oc. An xo tic, 'ayn 'och pax 'a eb'.

Jn 6:6

Palta ton̈j xyal 'ixta', sec tzyab'i tas 'oj yal Felipe chi 'a 'a, yujto yojc xoni tas 'oj sb'o'.

A Sb'ab'el Carta San Pedro 5:9

Caw te'n tzcutjec qui coln qui b'a 'a 'a. Te'n tzcutjec ca'n 'och qui c'ojl 'a Dios. Yujto cojquec xo, to a eb' quit creyenteal 'a yolyib'n̈q'uinl tic, wan yab'n pax eb' syal 'icha 'on̈c tic.

A Ch'an̈ Carta D'a Eb' Hebreo 6:8

Palta 'ay pax lum nab'a q'ui'ix, nab'a c'ultc tzpac' 'a 'a, may jac yopiso. Yuj cha, 'oj jawc yowl sc'ojl Dios 'a yib'an̈, c'uxn 'oj tz'a'oc.

Ez 18:28

Yujto tzyil cot sb'a to maysch'olnil tas tzb'o'o, yuj cha, 'oj colchjoc can 'eli.

1 Co 6:15

'In eyojc xoni, a qui niwnalec tic, 'icha to sniwnal Cristo yaji. Yuj cha, ¿tom tztac' qui'nec 'at sniwnal Cristo, tz'at ca'noc yitb'eymoc junc 'ix 'ajmul 'ix, sec junxn̈ej tz'aj yet' 'ix? May ton b'i'an.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Tito 1:13

Caw yel ton tzyal winac. Yuj cha, yowlal caw tza tench wan eb' si'mb'il, sec 'oj swach' 'a'c 'och eb' sc'ojl 'a jun cuynb'il caw yel.

2 Ti 3:8

'Icha win Janes yet' win Jambres, chichnnac 'och eb' 'a Moisés, 'ixta schichn 'och eb' 'anma chi 'a jun cuynb'il caw yel. Toxn juwnac 'el snab'en eb'. Toxn man̈xtzac ya'ch eb' sc'ojl 'a Dios.

1 Ti 2:15

A yopiso eb' 'ix, to tzq'uib'tzej eb' yune'. Palta 'oj colchjoc eb', yujto tzya'ch eb' Dios 'a sc'ojol. Toto 'ay schamc'ojlal eb', toto wach' sb'eyb'al eb' 'a sat Dios, tzya'n cuenta sb'a eb', 'oj colchjoc eb'.

A Scarta San Pablo D'a Eb' Aj Colosas 2:19

Yuj cha, man̈xtzac ya'ch eb' snab'en 'a Cristo. Palta 'icha qui jolom, 'ixta yaj Cristo 'ayn̈ec. Yujto a tz'a'n quipec, tzon̈ wach' te'nb'iec yu'uj. Yu'uj, caw junn̈j tzon̈ 'ajc qui masnil 'icha tznib'j Dios.

Jeremías 6:30

'Oj alxoc yuj eb' to lajn eb' 'icha q'uen plata julb'ilx 'eli, yujto an Jehová in tic, an xin patquilj can 'el eb', xchi 'ayin.