2 Co 11:10 - Chuj San Sebastian Bible

¹⁰ Wach'xam tzwij chan̈ in b'a waln jun tzo'n̈ tic, palta may junc ex 'a lugar Acaya chi tztac' in stenn 'och wa'an. Caw yel tzwala, yujto a Cristo 'aych wet'oc.

Chuj San Mateo Bible

¹⁰ Vach'chom svic'chaan̈ in b'a valan juntzan̈ tic, palta malaj junoc ex aj Acaya ex chi' syal in e cachanoch vaan. Yel sval yuj jun tic, yujto a Cristo ayoch ved'oc, yel syala'.

2 Co 11:10 Referans Kwoze

Ro 9:1

A jun tzo'n̈ 'oj walb't 'ayx tic, caw yel tzwala, yujto 'aych in c'ojl 'a Cristo eyet'oc. Caw man̈ 'esc jun tzo'n̈ 'oj wal tic. A jun in nab'en tzin 'a'n cuenta tic, a tzch'oxni to yel jun tzo'n̈ tic 'oj walb't 'ayex, yujto a Yespíritu Dios tz'a'n mandar in nab'en tic.

Ro 1:9

An tic, tzwac' servil Dios 'a smasnil in c'ojol, tzwaln 'el yab'xil Yunnal. Tzyil Dios, to a yic tzin leslwi 'a junjn 'ejem, tzin leslwi pax eyu'uj.

A Tas Sc'ulejnac Eb' Schecab' Jesús Hechos 18:12

Ax 'a jun tiempoal cha, 'aych win Galión yajlil 'a Acaya cha. Ax eb' israel, 'ix slajtij sb'a eb' 'a spatc Pablo. 'Ix yi'n 'at eb' 'a yojltac win yajl cha.

2 Co 1:23

Palta tzin nib'j ma'ix 'och e cusc'ojlal wu'uj, yuj cha, mant 'ic in 'e'x 'ayx 'a Corinto cha. Caw yel tzwala, tzyil Dios, yujto caw yojc tas 'ayc' 'a in nab'en.

1 Ti 2:7

Yuj wal jun tic, x'ajx wopiso waln 'el jun 'ab'x tic. In 'ajx 'och schecb'oc Jesucristo. Yuj cha, x'ajx pax wopiso in cuyn eb' man̈ israeloc 'a jun cuynb'il caw yel, sec tzya'ch eb' sc'ojl 'a Cristo. Caw yel tzwala, yujto 'aych in c'ojl 'a Cristo. Man̈ 'esc tzwac'a.

1 Ts 2:10

Yic 'ayn̈ 'ec' ta 'on̈, caw wach' qui b'eyb'al on̈. Tojl cutjnac pax qui nab'en 'ayx ax creyente ex quet' on̈. May jac maysch'olnil 'ec' qui sayjnac ta 'on̈. Eyojtac to 'ixta 'ec' cutjnac qui b'a ta 'on̈. An̈jtona pax Dios, yojtac.

1 Ts 2:5

Eyojtac, man̈toc ton̈j ex 'ec' cob' cal wach'l on̈. Man̈ yujoc ganar tumin 'ec' calnc 'el 'ayx on̈. Tzyil Dios, caw yel tzcal on̈.

Gl 1:20

A 'a sat Dios tzwaln 'at 'ayex, caw yel jun tzwal tic.

2 Co 12:19

Tecn tze na'a, to ton̈j tzqui col qui b'a 'a eyojltac on̈. Palta man̈ 'ichcta tzcutj qui b'a on̈, yujto a 'a sat Dios, wan caln 'at jun tzo'n̈ tic 'ayx on̈ 'icha tznib'j Cristo, sec 'oj laj 'och e te'nal.

2 Co 11:31

A Dios, atn Smam Cajlil Jesús, smasnil tiempo smoj tzalx wach' paxti 'a 'a. A 'ojtnac, chajtlto caw yel tzwala.

2 Co 11:12

Palta an̈j 'ijnocn̈ej 'oj wutc in b'a, 'ichan̈ej 'ec' wutjnac in b'a xon 'a e cal. Sec wach' a eb' tzsayc' tas tzyutj sb'an̈n sb'a, 'oj can eb' 'a yaln̈ wu'uj, yujto tzcob' yal eb', to lajn yopiso eb' quet' on̈.

2 Co 10:15

May 'aj tzquij chan̈ qui b'a 'a spatc smunljel junc xo mach on̈. Matz cal quico'oc on̈. Palta tzca'ch junx tic yipc qui c'ojl on̈, a yic 'oj e wach' 'a'c 'och e c'ojl 'a Dios. Ata 'oj stac' qui wach' munlj 'a e cal on̈. Palta ma'oj qui c'axw 'ec' 'a junc xo lugar on̈.

2 Co 9:2

Yujto wojc xoni, to caw tze nib'j colwjc e b'a 'a eb'. Wan ex waln wach'l 'a eb' 'aj Macedonia tic. Tzwal 'ixtc 'a eb' eyu'uj: A eb' 'a yol yic Acaya, yab'lil xo sc'ojl eb' yi'n chan̈ yofrenda, xin chi. Ax eb' 'aj Macedonia tic, yic 'ix yab'n eb', to yelc'ojlal tzeyac' eyico', yuj cha, til wal eb' x'el 'a sc'ojl ya'n yic jun xo.

2 Co 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. An yet' cu'tac Timoteo, tzin tz'ib'j 'at jun in carta tic 'ayx yiglesia ex xo Dios 'a Corinto. Tzin tz'ib'n pax 'at 'ayx e masnil ex yic xo Dios 'a yol yic Acaya.

1 Co 16:15

A ticnec ex wu'tac, ex wanab', eyojtac a Estéfanas yet' yistzil yet' pax eb' yunnal, b'ab'l creyente eb' 'a yol yic Acaya 'aj 'ayx cha. A eb' cha, caw tzyac' servil eb' jun tzo'n̈ xo eb' quit creyenteal 'a smasnil sc'ojol.

Ro 16:5

Tic tzwa't stzatzl sc'ojl eb' creyente tzyam sb'a 'a yol yatut eb' cha. Tzwa'n pax 'at stzatzl sc'ojl cu'tac Epeneto. Caw chamc'ojlb'il wu'uj, yujto a sb'ab'l 'a'jnac 'och sc'ojl 'a Cristo 'a yol yic Asia.

A Tas Sc'ulejnac Eb' Schecab' Jesús Hechos 18:27

Xlajw cha, x'el 'a sc'ojl Apolos chi x'at 'a yol yic Acaya. Yuj cha, ax eb' creyente, 'ix colwj eb' 'a 'a. 'Ix stz'ib'n eb' jun carta tzyij 'at 'a eb' creyente, sec caw wach' tzyutj eb' schan sc'ochi. Yic 'ix c'och 'a yol yic Acaya cha, caw 'ix sjucb'tzej eb' ya'jnac 'och sc'ojl 'a Jesucristo yuj swach'c'ojlal Dios.

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.