2 Co 1:1 - Chuj San Sebastian Bible

¹ An Pablo in tic, schecb' in Jesucristo, yujto 'ixta x'el 'a sc'ojl Dios. An yet' cu'tac Timoteo, tzin tz'ib'j 'at jun in carta tic 'ayx yiglesia ex xo Dios 'a Corinto. Tzin tz'ib'n pax 'at 'ayx e masnil ex yic xo Dios 'a yol yic Acaya.

Chuj San Mateo Bible

¹ A in Pablo in, schecab' in Jesucristo, yujn̈ej to icha chi' ix el d'a sc'ool Dios. A in yed' vin̈ cuc'tac Timoteo, sco tz'ib'ejb'at jun co carta tic d'ayex yiglesia exxo Dios d'a chon̈ab' Corinto. Sco tz'ib'anpaxb'at d'ayex e masanil ex yiquexxo Dios d'a yol yic Acaya.

2 Co 1:1 Referans Kwoze

2 Ti 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. A Dios ya'jnac can sti', to 'oj yac' qui q'uinl 'a jun 'ejmn̈ej, yujto junxn̈ej caj yet' Cristo Jesús.

A Scarta San Pablo D'a Eb' Aj Filipos 1:1

An Pablo in tic, yet' Timoteo, ya'mal on̈ servil Jesucristo on̈. Tic tzca't jun qui carta tic 'ayx e masnil ex yic xo Dios 'a Filipos, ex junxn̈ej eyaj yet' Cristo Jesús. Tzqui tz'ib'j pax 'at 'ayx ex yilmal eb' creyente ta', yet' pax 'ayx ex diácono.

Ef 1:1

An Pablo in tic, schecb' in Jesucristo, yujto 'ixta x'el 'a sc'ojl Dios. Tic tzin tz'ib'j 'at jun in carta tic 'ayx ex yic xo Dios 'a chon̈b' Éfeso. Caw 'aych e c'ojl 'a Cristo Jesús si'mb'il.

Tito 1:1

An Pablo in tic, ya'mal in servil Dios. An̈jtona', schecb' in pax Jesucristo, sec wach' a eb' sic'b'ilx 'el yuj Dios, 'oj swach' 'a'c 'och eb' sc'ojl 'a 'a. 'Ay wopiso in cuyn eb' 'a jun cuynb'il caw yel, atn jun cuynb'il 'aj tzca'ch qui c'ojol.

1 Ti 1:1

An Pablo in tic, schecb' in Jesucristo, yujto 'ixta yaj yaln can Dios qui Colmal, yet' Cajlil Jesucristo, atn tzca'c 'och yipc qui c'ojol.

Gl 1:1

An Pablo in tic, schecb' in Jesucristo. Man̈oc junc 'anma 'ayn schecab'. An̈jtona', man̈oc junc 'anma 'a'jnac wopiso tic. Atn Jesucristo 'a'jnac wopiso yet' qui Mam Dios. A 'a'jnac pitzwc pax Jesucristo 'a scal eb' chamnac.

1 Co 16:10

Toto 'oj c'och Timoteo 'ayx ta', caw tzex tzaljn̈ej yet'oc, sec ma'oj cusoc, yujto tzmunlj 'a yic Cajlilec 'icha 'in tic.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

A Tas Sc'ulejnac Eb' Schecab' Jesús Hechos 16:1

'Ix c'och Pablo yet' Silas 'a chon̈b' Derbe. 'Ix 'atx eb' ta', 'ix c'och eb' 'a chon̈b' Listra. Ata x'ilchj jun creyente Timoteo sb'i yuj eb'. A jun cha, yune jun 'ix creyente israel, griego smam.

A Ch'an̈ Carta D'a Eb' Hebreo 13:23

Tic tzwalb't 'ayex, a cu'tac Timoteo, x'el 'a libre. Toto 'oj jawc 'a tic muc'uc, 'oj 'at wet'oc, ax 'at ex wilnoc.

2 Ts 1:1

An Pablo in tic, jun waj yet' Silvano, yet' Timoteo, tic tzca't jun qui carta tic 'ayx on̈, atn 'ayx ex creyente 'a chon̈b' Tesalónica. Yic ex xo qui Mam Dios, yic ex pax Cajlil Jesucristo.

1 Ts 1:1

An Pablo in tic, jun waj yet' Silvano, yet' Timoteo, tic tzwa't jun in carta tic 'ayx ex creyente 'a chon̈b' Tesalónica. Yic ex xo qui Mam Dios. Yic ex pax Cajlil Jesucristo. Tzin nib'ej, [a qui Mam Dios yet' Cajlil Jesucristo,] tzyac' swach'c'ojlal yet' sjunc'ojlal 'ayx ta'.

2 Co 11:10

Wach'xam tzwij chan̈ in b'a waln jun tzo'n̈ tic, palta may junc ex 'a lugar Acaya chi tztac' in stenn 'och wa'an. Caw yel tzwala, yujto a Cristo 'aych wet'oc.

2 Co 9:2

Yujto wojc xoni, to caw tze nib'j colwjc e b'a 'a eb'. Wan ex waln wach'l 'a eb' 'aj Macedonia tic. Tzwal 'ixtc 'a eb' eyu'uj: A eb' 'a yol yic Acaya, yab'lil xo sc'ojl eb' yi'n chan̈ yofrenda, xin chi. Ax eb' 'aj Macedonia tic, yic 'ix yab'n eb', to yelc'ojlal tzeyac' eyico', yuj cha, til wal eb' x'el 'a sc'ojl ya'n yic jun xo.

1 Co 16:15

A ticnec ex wu'tac, ex wanab', eyojtac a Estéfanas yet' yistzil yet' pax eb' yunnal, b'ab'l creyente eb' 'a yol yic Acaya 'aj 'ayx cha. A eb' cha, caw tzyac' servil eb' jun tzo'n̈ xo eb' quit creyenteal 'a smasnil sc'ojol.

1 Co 10:32

Wach'xam israel, mto man̈ israeloc, caw matz tac' ca'nec juwc 'el snab'en eb'. An̈jtona', yet' eb' yiglesia Dios quet'ec, matz tac' ca'nec juwc 'el snab'en eb'.

Ro 16:21

A Timoteo tic, junn̈j tzmunlj wet' 'a tic, a tz'a'n 'at stzatzl e c'ojl yet' eb' wit chon̈b' tic, atn Lucio, Jasón, yet' Sosípater.

Ro 16:5

Tic tzwa't stzatzl sc'ojl eb' creyente tzyam sb'a 'a yol yatut eb' cha. Tzwa'n pax 'at stzatzl sc'ojl cu'tac Epeneto. Caw chamc'ojlb'il wu'uj, yujto a sb'ab'l 'a'jnac 'och sc'ojl 'a Cristo 'a yol yic Asia.

Ro 15:26

Yujto a eb' 'aj Macedonia yet' eb' 'aj Acaya, x'el 'a sc'ojl eb', xyij chan̈ eb' jun ofrenda yic tz'at 'a eb' creyente meb'a 'ay 'a Jerusalén.

1 Co 16:24

'Ay in chamc'ojlal 'ayx e masnil yuj Cristo Jesús. [Ya' cab'i'.]

2 Co 1:19

A Cristo Jesús, yel Yunnal Dios, a yab'xil 'ec' waljnac 'a e cal. 'Ec' yaln pax Silvano yet' Timoteo. A Cristo, may jun 'ejmoc yaljnac 'ixtic: Inye, ¿tom xchi? Tzyaln paxi to ma'ay. Yujto cojn wal a tas yel, a yaljnac.

2 Co 1:23

Palta tzin nib'j ma'ix 'och e cusc'ojlal wu'uj, yuj cha, mant 'ic in 'e'x 'ayx 'a Corinto cha. Caw yel tzwala, tzyil Dios, yujto caw yojc tas 'ayc' 'a in nab'en.

Gl 3:26

Yujto tzca'c 'och 'a qui c'ojol, yuj cha, yunnaln̈ec xo Dios, junxn̈ej cajc yet' Cristo Jesús qui masnil.

1 Ts 3:2

Ax cu'tac Timoteo tic xqui checb't 'ayex, yujto ya'mal pax servil Dios. Tzyaln 'el wach' 'ab'x yic Cristo quet' on̈. A xit' 'a'nc e te'nal. Xit' ya'nc e nab'enoc, sec tze wach' 'a'j 'och Cristo 'a e c'ojol.

Filemón 1:1

An Pablo in tic preso waji, yujto tzwa'ch in nab'en 'a Cristo Jesús. An yet' cu'tac Timoteo, tzwa't jun in carta tic 'aych Filemón. Chamc'ojlb'ilch cuj on̈, yujto quitb'eymec qui b'a 'a smunljel Dios.