A Ch'an̈ Schab'l Libro Samuel 7:2 - Chuj San Sebastian Bible

² 'ix yaln David 'ixtc 'a win Natán atn win schecb' Dios: —'In tzela, to nab'a c'ute stel watut 'aj cajn in 'eq'ui, ya' sb'a ax te scaxail strato Dios, ata 'aych te 'a yol jun mantiado, xchi.

Chuj San Mateo Bible

² ix yalan vin̈ d'a vin̈aj Natán schecab' Jehová: —Tic tzila' to nab'a c'ute' ayoch d'a in palacio tic, axo pax te' scaxail strato Dios jun, a d'a yol jun mantiado ayoch te', xchi vin̈.

A Ch'an̈ Schab'l Libro Samuel 7:2 Referans Kwoze

A Ch'an̈ Schab'l Libro Samuel 5:11

A Hiram win sreyl Tiro, 'ix ya't eb' smunljum 'a David: atn jun tzo'n̈ eb' josm te', yet' pax jun tzo'n̈ eb' tzeym q'ue'en. Xyi'n eb' jun tzo'n̈ te c'ute', xlajw cha, sb'on chan̈ eb' yatut David.

A Ch'an̈ Schab'l Libro Samuel 12:1

'Ix schecn 'at Jehová win Natán 'a David. Ax yic xc'och win 'a David cha, 'ix yaln win 'ixtc 'a 'a: —'Ay chawn̈ winc 'a jun chon̈ab', jun winac caw wal rico, ax junx winac, caw wal meb'a'.

A Tas Sc'ulejnac Eb' Schecab' Jesús Hechos 7:46

A David cha, caw niwn swach'c'ojlal Dios schajnac. Yuj cha, 'ix snib'j sb'o jun yatut sDiosal Jacob, atn qui Diosalec.

Jn 2:17

Ax eb' scuywum, 'ix snan cot eb' tas tzyal 'a Ch'an̈ U'un̈, 'a 'aj tzyal 'ixtic: Caw pitz'n 'och 'a in c'ojl in ya'iln atut, xchi.

Hageo 1:4

Palta ax xo tic, tze b'o eyatut man̈x jantcoc swach'l tz'aji, tze comn cajni, ya' sb'a ax watut lan̈chjnac can 'ejmi, ¿tom wach' 'ixta tze na'a?

1 Cr 29:29

A yab'xil tas sb'ojnac rey David cha, yictax 'ix 'el yich masnto 'a slajub', ata tz'ib'b'il can 'a eb' ch'an̈ libro tz'ib'b'il can yuj eb' schecb' Dios, atn Samuel, Natán, yet' pax Gad.

1 Cr 16:1

'Ixta x'aj te scaxail strato Dios sjawi, 'ix 'ajx 'och te 'a yol jun mantiado 'ix yac' David b'o'oc, to yic xon te yaji. Xlajw cha, 'ix ya'n eb' xajmb'al to tz'a smasnil, yet' xajmb'al yic junc'ojlal 'a yojltac Dios.

Salmos 132:5

ya' sb'a mantzac in b'o scajnub' Jehová 'aj tz'aj cajan, atn jun mach tz'a'n yipl eb' yin̈tl Jacob, xchi.

2 Cr 1:4

Palta a David yijnacx cot te scaxail strato Dios 'a Quiriat-jearim, 'ix ya'n can 'och 'a jun Mantiado b'ob'il yuj 'a Jerusalén.

1 Cr 14:1

A win Hiram sreyl chon̈b' Tiro, 'ix ya't schecb' 'a David. An̈jtona', xya't eb' albanil, yet' eb' josmte', 'ix yi'n 'at eb' te c'ute yet'oc, yic tzb'on chan̈ eb' sdespacho David.

A Ch'an̈ Schab'l Libro Samuel 7:17

'Icha wal xyutj Natán yilni, yet' tas xyab' 'a 'icha waychil, 'ixta wal xyutj yaln 'a David cha.

A Ch'an̈ Schab'l Libro Samuel 6:17

Ax yic xjaw te scaxail strato Jehová chi yuj eb', 'ix sb'on 'och eb' 'a yet'l 'a yol jun Mantiado b'ob'il yuj David cha. Xlajw cha, xya'n David tz'a no xajmb'al, yet' no xajmb'al yic junc'ojlal 'a yojltac Jehová.

A Ch'an̈ Schab'l Libro Samuel 11:11

'Ix ta'w win Urías 'ixtic: —Matz tac' in comn 'at 'a watut, yic tzin wa'i tzwu'n tas tzwuq'uej, tzin way yet' wistzil ya' sb'a a te scaxail strato Jehová, yet' eb' soldado quit israelal yet' eb' 'aj Judá, mantiado yaj yet'l eb', ax eb' a soldado yet' Joab, 'a'lic 'aj tzway eb'. Yuj cha, matz tac' in b'on 'icha tzal chi mamin rey, xchi winac.

A Ch'an̈ B'ab'el Libro Yic Yab'ixal Eb' Rey 1:22

Wanto spaxtin 'ix yet' win rey, 'ix c'och Natán win schecb' Dios.

A Ch'an̈ B'ab'el Libro Yic Yab'ixal Eb' Rey 8:17

A David, atn in mam, caw snib'jnac sb'o junc n̈a 'aj tzb'inax sb'i Jehová qui Diosalec an̈ israel on̈c tic.

1 Cr 22:7

'Ix yaln 'ixtc 'a 'a: Ach wunnal, caw 'ayc' 'a in nab'en in b'on chan̈ junc yatut Jehová qui Diosal.

2 Cr 9:29

Ax jantc to yab'xil Salomón, yictax yel yich, masnto 'a slajub', ata tz'ib'b'il can 'a jun tzo'n̈ ch'an̈ libro yic eb' schecb' Dios, atn Natán, yet' Ahías 'aj Silo, yet' pax jun tzo'n̈ 'icha waychil 'ix yil jun schecb' Dios Iddo sb'i, yuj tas alb'il can 'a spatquil Jeroboam, yunnal Nabat.

2 Cr 29:25

An̈jtona', xya'n pax 'och rey Ezequías eb' levita 'a yatut Jehová, yet' jun tzo'n̈ yamc'ab: Atn q'uen platillo, salterio yet' arpa, 'icha yutjnac rey David yaln can yet' Gad. A win cha, ya'mal 'och snab'en rey David yaji. Locn pax Natán, schecb' Dios 'ix alni. Yujto a jun tzo'n̈ checnb'il cha, a Jehová x'a'n yalcn eb' schecab'.

A Ch'an̈ B'ab'el Libro Yic Yab'ixal Eb' Rey 1:8

Palta ax Sadoc ya'mal 'och sti eb' 'anma 'a Dios, yet' Benaía yunnal Joiada, yet' Natán win schecb' Dios, yet' Simei, yet' Rei, yet' pax smasnil eb' soldado 'aych stan̈malc David, max ya'ch sb'a eb' yet' Adonías cha.

A Ch'an̈ B'ab'el Libro Yic Yab'ixal Eb' Rey 4:5

A Azarías yunnal Natán, a yajl yaj 'a scal eb' gobernador; Zabud yunnal pax Natán, ya'mal 'och sti eb' 'anma 'a Dios, ya'mal pax snab'en win rey yaji.