A Ch'an̈ Schab'l Libro Samuel 6:9 - Chuj San Sebastian Bible

⁹ A wal 'a jun c'u cha, caw xiw David 'a Jehová, yuj cha, xyaln 'ixtic: ¿Tas to 'oj wutc wi'n 'at te scaxail strato Jehová tic 'a 'aj cajn in 'eq'ui? xchi.

Chuj San Mateo Bible

⁹ A d'a jun c'u chi', ix xivcanq'ue vin̈aj rey David chi' d'a Jehová. Yuj chi' ix yal vin̈ icha tic: Vach' am maxtzac vic'b'at te' scaxail strato Jehová tic b'aj cajan in, xchi vin̈.

A Ch'an̈ Schab'l Libro Samuel 6:9 Referans Kwoze

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

A Ch'an̈ B'ab'el Libro Yic Yab'ixal Eb' Rey 8:27

Palta ach in Diosal, ¿yel am wali 'oj stac' aj cajn 'a sat lum lum tic? 'Intax a satcha'an̈, may yalnb'il 'aj tzlajw c'ochi, palta caw matz techj ach smolni, ¡Ocxom wal jun yune n̈a 'ix in b'o eco'oc tic!

A Ch'an̈ B'ab'el Libro Samuel 6:20

Yuj cha, xyaln eb' 'aj Bet-semes chi 'ixtic: ¿Mach wal junc tztac' sc'och 'a yojltac Jehová, atn jun Dios caw 'ay smay? Mach wal 'aj tz'at ca'c can te', yic tz'el te 'a qui tz'eyc tic? xchi eb'.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

A Sb'ab'el Carta San Pedro 3:6

'Ixta yutjnac sb'a 'ix Sara. Caw yiclum yutjnac sb'a 'ix 'a Abraham. 'In yaljnac 'ix 'ixtic: Wajlil ach, xchi 'ix 'a winac. Yuj cha, toto wach' tzeyutj e b'a jun xo, may junc tas 'aj tzex xiw jab'oc. Toto 'ixta', lajn e nab'en yet' Sara cha.

A Ch'an̈ Schab'l Libro Samuel 6:8

Caw wal xcot yowl David yujto xcham Uza yuj Jehová, yuj cha, scuchn can jun lugar chi Peres-uzá, an̈ja 'ixta sb'i ticnec.

Mt 25:25

Yuj cha, in xiw o'oj, xin mucn can 'ejm q'uen a tumn tic 'a yol lu'um, yaj q'uen a tumn tic smasnil, xchi winac.