A Ch'an̈ Schab'l Libro Samuel 4:5 - Chuj San Sebastian Bible

⁵ Ax eb' yunnal Rimón 'aj Beerot, atn Recab yet' Baana, 'ix 'at eb' 'a yatut win Is-boset. A wal yowb' c'ac' 'a yic chimc'ual 'ix c'och eb', c'uxn wal waync win 'a sat sch'at.

Chuj San Mateo Bible

⁵ Axo ix aji to a vin̈aj Recab yed' vin̈aj Baana chi', ix b'at eb' vin̈ d'a spat vin̈aj Is-boset ayic te ov c'ac' d'a chimc'ualil. Vaynac vin̈ d'a sch'at yic syic' jab'oc yip.

A Ch'an̈ Schab'l Libro Samuel 4:5 Referans Kwoze

2 Cr 25:27

Atxo yic xyi'n 'el sb'a Amasías 'a Jehová, atxo ta xc'ojl eb' 'ajc'ojl 'a Jerusalén snani, to tzmil cham eb' Amasías cha, yuj cha, x'at 'eloc, axta xc'och 'a chon̈b' Laquis; palta xya't eb' schecb' 'a spatquil 'a Laquis cha, axta smil cham eb'.

2 Cr 24:25

A yic x'el paxt eb' sirio chi ta', jab'xoj ma'ix chamcn yuj eb', xya'cn 'och eb' syailal si'mb'il. Ax eb' 'aych yajlil yet'oc, 'ix smol alj eb' tas tzyutj eb' swach' miln chamoc, yic tzya'n can pax eb' spac schamlil win yunnal Joiada, win ya'mal 'och sti eb' 'a Dios. Yuj cha, axta swach' milj cham eb' 'a sat sch'at. Xlajw cha, 'ix mucx 'a Schon̈b' David, palta man̈oc 'a 'aj tzmucx eb' rey.

A Ch'an̈ B'ab'el Libro Yic Yab'ixal Eb' Rey 16:9

Palta 'ay jun win syajlil nan̈l eb' soldado tz'ec' yet' te caruaje yic owal, Zimri sb'i winac. 'Ix sc'ultac naj win 'a spatc win Ela. 'Ay jun c'u 'ix c'och win Ela 'a yatut win Arsa 'a Tirsa cha, smayltoma win rey yaj winac, ax x'aji, 'ix yu'n win rey 'an̈ yet' winac, caw xq'ue te 'an̈ chi 'a sjolom.

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

A Ch'an̈ Schab'l Libro Samuel 2:8

Ax win Abner yunnal win Ner, syajlil eb' soldado yic Saúl, a win 'ix 'i'n 'at win Is-boset yunnal Saúl chi 'a Mahanaim,

2 Cr 33:24

A eb' 'aych yajlil yet'oc, 'ix meltzj 'och eb' 'ajc'ojlal 'a 'a, smiln cham eb' 'a yol sdespacho.

A Ch'an̈ Schab'l Libro Samuel 4:2

Palta 'ay chawn̈ schecb' winac, yajl yaj eb' 'a jun b'uln̈ eb' 'elc'um. 'Ay jun win tzcuch Baana, junx win tzcuch Recab. Yunnal Rimón eb', win 'aj Beerot, yin̈tl can Benjamín ewinac. (A eb' 'anma cajn 'a Beerot, 'ojcab'il chajtlto yin̈tl can Benjamín eb'.