A Ch'an̈ Schab'l Libro Samuel 3:35 - Chuj San Sebastian Bible

³⁵ Xlajw cha, xjaw smasnil eb' chon̈b' 'a David, 'ix tew 'och eb' 'a 'a, sec tzwa jab'oc, ya' sb'a mantzac 'em c'u, palta xya'n David sti', xyaln 'ixtic: —A cab' Dios tz'a'n 'och yailal 'a wib'n̈ si'mb'il, toto tzin wa'i, mto tzin c'ux junc tas 'a yic mantzac 'em c'u, xchi.

Chuj San Mateo Bible

³⁵ Ix lajvi chi', ix yalan eb' d'a vin̈aj David chi' to sva jab'oc vin̈ yacb'an manto em c'u, palta ix yac' sti' vin̈ d'a yichan̈ Dios: —Aocab' Dios tz'ac'anoch yaelal d'a vib'an̈ tato svab'lej jab'oc vael ma junocxo tasi ayic manto em c'u, xchi vin̈.

A Ch'an̈ Schab'l Libro Samuel 3:35 Referans Kwoze

A Ch'an̈ Schab'l Libro Samuel 12:17

Ax eb' 'ichmtac winc tzmunlj yet' 'a sdespacho cha, 'ix c'och eb' 'a 'a, yic xcob' 'at yi'nc chan̈ eb' 'a sat lum cha, palta ma'ix schaj chan̈ sb'a, ma'ix yal sc'ojl xwa yet' eb'.

A Ch'an̈ Schab'l Libro Samuel 1:12

Caw x'oc' eb' yuj schamlil Saúl yet' Jonatán, an̈jtona yujto xlajw 'el eb' soldado israel 'a owal, atn eb' schon̈b' Jehová. 'Ix 'och pax eb' 'a c'ajb'c'ojlal masnto 'a yic xq'uic'b' 'ejm 'a yic jun c'u cha.

Jeremías 16:7

Man̈x 'a mach 'oj b'onc tas tzc'uxx yuj junc chaml cha, man̈x 'a mach 'oj 'a'nc sniwnal sc'ojl eb' yican jun tzcham cha, wach'xam to a win mamb'il mto a 'ix nunb'il tzchami.

Rt 1:17

A wal 'aj 'oj a chami, ata pax 'oj in chami, ata tzin nib'j tzin mucxi. Ya' cab' Jehová in yailal, toto tzach wactj cani, masnto a chamel a 'oj pojnc qui nan̈l et'oc, xchi 'ix.

Ez 24:17

Tza c'ultac 'ab'j syail, palta man̈ a ch'oxl a cusc'ojlal chi 'icha tzyac' eb' 'anma yuj mach tzcham 'a 'a. Man̈ e'l sc'oxl a jolom, man̈ e'l a xan̈ab', man̈ a mac a sat yic tza ch'oxn 'el a cusc'ojlal, man̈ a c'ux jun tzo'n̈ tas tzc'uxx yuj cusc'ojlal, xchi 'ayin.

Jueces 20:26

Xlajw cha, ax eb' soldado israel smasnil, yet' smasnil eb' chon̈ab', 'ix 'atx eb' 'a scajnub' Dios 'a Bet-el. 'Ix 'oc' eb' 'a yojltac Jehová 'a smasnil c'u masnto xq'uic'b'i. May jac tas sc'ux eb', 'ix ya'n eb' xajmb'al tz'a'i, yet' xajmb'al yic junc'ojlal.

Ez 24:22

Ax xo tic, 'oj e b'o 'icha xwutj in ch'oxn 'ayx tic; man̈ e mac e sat yic tze ch'oxn 'el e cusc'ojlal cha, man̈ e c'ux tas tzc'uxxi yic 'ay chaml tz'ochi.

A Ch'an̈ Schab'l Libro Samuel 3:9

Ya' cab' cot Jehová yailal 'a wib'n̈ si'mb'il, toto matz wa'ch in b'a yet' David yic tz'el'ch 'icha yutjnac Jehová ya'n can sti 'a 'a.

A Ch'an̈ B'ab'el Libro Samuel 3:17

'Ix sc'anb'n Elí chi 'ixtc 'a 'a: —¿Tas 'ix yal Jehová 'aych q'uiq'ui? Tzin tew 'ayach, may cab' tas tza c'ub'j 'el 'ayin. Ya' cab' Dios a yailal si'mb'il, toto matz al smasnil tas xyal 'aych cha, xchi.

A Ch'an̈ Schab'l Libro Samuel 3:34

Caw man̈ pixb'ilc a c'ab', man̈ pixb'ilc pax oc yet' q'uen cadena. 'Icha wal tz'aj scham eb' 'anma 'a yol sc'ab' eb' 'anma maysch'olnil, 'ixta wal ach 'aj a chami, xchi. Ax eb' 'anma', til wal yoc' eb' yuj schamlil Abner cha.

A Ch'an̈ Schab'l Libro Samuel 3:36

Smasnil 'anma x'ab'n jun tic, caw wal schaj sc'ojl eb' yab'ni, yujto a smasnil tas tzyal David, caw wach' tzyab' eb'.

1 Cr 10:12

Yuj cha, 'ix smol aln smasnil eb' winc to caw wal tec'an, 'ix 'at yi'noc eb' sniwnal Saúl yet' yic eb' yunnal, 'ix yi'n cot eb' 'a Jabes cha. Ata 'ix mucx sb'acl eb' 'a yich jun te ma'ach'. 'Ix 'och eb' 'a c'ajb'c'ojlal 'a uque c'u yuj cusc'ojlal.