A Ch'an̈ Schab'l Libro Samuel 3:21 - Chuj San Sebastian Bible

²¹ 'Ix yaln Abner 'a David 'ixtic: —A ticnec mamin rey, yowlal tzin 'ati yic tz'at in molb'tzanc smasnil eb' quit chon̈b'ec yic tzb'on eb' junc strato et'oc, sec 'ixta wal 'oj otc a'n reyl 'a 'icha wal tznib'j a c'ojol, xchi. —'Ixc 'an, xchi David cha. Xlajw cha, xyaln can sb'a Abner 'a David, 'ix 'at 'a tzaljc'ojlal.

Chuj San Mateo Bible

²¹ Ix lajvi chi', ix yalan vin̈aj Abner chi' d'a vin̈aj David chi' icha tic: —A ticnaic mamin rey, yovalil tzin b'at in molb'ej masanil eb' quetisraelal, yic sb'oan junoc trato eb' ed'oc, icha val chi' ol aj ac'an reyal icha val tas tza nib'ej, xchi vin̈. —Ixic an, xchi vin̈aj David chi'. Ix lajvi chi', ix yalancan quilcob'a vin̈aj Abner chi', ix b'at vin̈ d'a tzalajc'olal.

A Ch'an̈ Schab'l Libro Samuel 3:21 Referans Kwoze

A Ch'an̈ B'ab'el Libro Yic Yab'ixal Eb' Rey 11:37

An 'oj ach wa'ch reyl 'a yib'n̈ smasnil tas tza nib'ej, atn chon̈b' Israel.

A Ch'an̈ Schab'l Libro Samuel 3:12

Yuj cha, 'ix schecn 'at Abner jun tzo'n̈ eb' schecb' 'a David, yic tz'at yalnc eb' 'a 'ixtic: —¿Tom man̈oc in 'ay wopiso 'a yib'n̈ jun nacion̈ tic? Qui b'o junc qui trato, tzin 'och et'oc, sec tz'och smasnil eb' quit chon̈b'ec tic et'oc, xchi.

A Ch'an̈ Schab'l Libro Samuel 3:10

Yaljnac to tzyij 'ec' yopiso Saúl 'a eb' yin̈til, ax 'a David tzya'x can jun 'opiso cha, sec a tz'ochx can sreyloc chon̈b' Israel yet' 'a Judá, tz'eln̈j yich 'a Dan masnto tzc'och 'a Beerseba, xchi.

A Scarta San Pablo D'a Eb' Aj Filipos 2:21

Yujto junjn eb', cojn yic eb' tzlaj sna'. Matz na xon eb' jac smunljel Cristo Jesús.

Salmos 20:4

Ya' cab' 'el'choc smasnil tas tza nib'ej, scha cab' pax sc'ojl a b'on smasnil tas tza nalb'ej a b'oni.

A Ch'an̈ Schab'l Libro Samuel 2:9

axta 'ix ya'ch can win reyl 'a yib'n̈ Galaad, 'a Gesuri, 'a Jezreel, a Efraín, 'a Benjamín yet' 'a smasnil chon̈b' Israel.

A Ch'an̈ Schab'l Libro Samuel 3:20

Xlajw cha, xjaw Abner 'a Hebrón 'aj 'ayc' David, ajun junc'lwan̈ eb' soldado yet'oc. Xya'n David b'o jun niwn wa'el, yic tzwa Abner yet' eb' ajun yet' cha.

A Ch'an̈ Schab'l Libro Samuel 5:3

'Ixta 'ajnc smasnil eb' yichmtac wincal chon̈b' Israel xwulc' paxtinc yet' win rey David 'a Hebrón. 'Ix sb'on win rey chi jun strato yet' eb' 'a Hebrón cha, xya'n 'och eb' Jehová stestigooc. 'Ix ya'n can 'och eb' David chi sreyloc.