A Ch'an̈ Schab'l Libro Samuel 24:16 - Chuj San Sebastian Bible

¹⁶ Ax yic 'ix ya'n 'at jun ángel sc'ab' 'a yib'n̈ Jerusalén, yic tzya'n lajwc yalni, 'ix cus sc'ojl Jehová yuj tas 'ix yutj cha, yuj cha, 'ix yaln 'a jun ángel wan ya'n lajwc eb' 'anma cha, ¡Colb'xo cha, 'ochn̈ wa'an! xchi Jehová. A 'a ste'lab' trigo win Arauna jebuseo, ata 'ayc' jun ángel cha yic xyaln Jehová cha.

Chuj San Mateo Bible

¹⁶ Ayic ix yac'anb'at sc'ab' jun ángel d'a yib'an̈ Jerusalén yic syac' lajvoc eb' anima yalani, ix cus sc'ol Jehová yuj tas ix uji chi', yuj chi' ix yal d'a jun ángel chi': C'ocb'ilxo chi', ochocab' vaan, xchi. A d'a stec'lab' trigo vin̈aj Arauna aj Jebús, ata' ayec' jun ángel chi' ayic ix alji chi' d'ay.

A Ch'an̈ Schab'l Libro Samuel 24:16 Referans Kwoze

Ex 12:23

Yujto a yic 'oj 'ec' Jehová 'a jun 'ac'wl cha, 'oj 'ec' smil cham eb' 'anma 'a Egipto tic, ax yiln 'och chic' 'a sti smac eyatut cha, c'ax'e'l 'oj 'ec'oc, ma'oj chaxc 'och jun ángel chi smil eb' b'ab'l 'unn 'a yol eyatut.

Gn 6:6

Yuj cha, xyaln 'ixtic: Octom wal ma'ix in b'o jun tzo'n̈ 'anma tic, caw wal ya tzwab' yuj eb'.

A Tas Sc'ulejnac Eb' Schecab' Jesús Hechos 12:23

Yajn̈j wal cha, 'ix 'ajx can telwc win yuj jun yángel Cajlil, yujto ma'ix yala, to cojn qui Mam Dios 'ay yel'chi. 'Ix 'ocht ay winac. 'Ixta to b'i'an, 'ix chami.

2 Cr 3:1

'Ix 'el yich sb'on eb' munljum yatut Jehová 'a Jerusalén, yic schab'l xo c'u yoch schab'l 'uj yic schan̈l ab'il yoch Salomón reyl 'a Israel. Ata xb'o 'a lum jolm witz Moriah, 'a 'aj sch'oxjnac sb'a Jehová 'a David. Atn jun lum chi yic yatut Dios yajcn yuj David cha, atn 'a ste'lab' trigo win Ornán 'aj Jebús.

A Ch'an̈ Schab'il Libro Yic Yab'ixal Eb' Rey 19:35

A 'a yic jun 'ac'wl cha, 'ix xit' jun yángel Jehová smil cham 185 mil eb' soldado asirio 'a scamplamento, ax yic sacb' 'el 'a junx c'u, chamnc xo eb' soldado chi smasnil.

A Ch'an̈ B'ab'el Libro Samuel 15:11

Comnoc ma'ix wa'ch Saúl tic reyal. Caw wal tzwab' syal yu'uj, yujto xin spatquilj can 'eli, ma'ix syiclj tas xwala, xchi. Ax Samuel caw xcus sc'ojol, yuj cha, 'ix leslwi 'a Jehová 'a smasnil 'ac'wl cha.

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

2 Co 2:6

A jun yailal eya'jnac 'och 'a yib'an̈, yic eya'n cuenta, colb'il cab'i'.

Mr 14:41

Ax yic xjapx leslwoc 'a yox'ejmal, 'ix yaln 'a eb' 'ixtic: —¿Tom an̈ja caw wayn̈c ex? ¿Tom ton̈j tzex comn 'ilji? A ticnec, colb'il xo tic, xc'och yorail wajx 'och an 'Ochnc in 'Anmal tic 'a yol sc'ab' ewin maysch'olnil.

Zacarías 9:7

Man̈x 'oj wac' schi eb' no chib'j 'ayt 'och schiq'uil, man̈x 'oj sc'ux eb' jun tzo'n̈ tas to 'ay yowlal sc'uxxi, 'icha yaln sleyal. Palta a 'a scal jun tzo'n̈ 'anma cha, 'ayt eb' 'oj canoc, 'oj 'ochcn eb' wico'oc. Lajn 'oj 'ajcn eb' 'icha eb' 'aj Judá. Ax eb' 'aj Ecrón, lajn 'oj 'ajcn eb' 'icha eb' jebuseo.

Habacuc 3:2

Mamin Jehová, a wal yic tzwab'n yab'xil smasnil tas tzlaj a b'o', caw wal tzsat in c'ojl yu'uj. B'o tas 'a qui tiempoal tic, 'icha tas a b'ojnac 'a yic pecti cha. Wach'xam 'a scal yowl a c'ojol, palta ch'ox quil tas tz'aj yo'ch a c'ojl 'ayn̈ on̈.

Am 7:6

Yuj cha, 'ix snan Jehová yuj jun tic, 'ix yaln 'ixtic: —Ma'oj ujc pax jun tic, xchi.

Am 7:3

Yuj cha, snan Jehová yuj jun tic, 'ix yaln 'ixtic: —A jun tic, ma'oj ujoc, xchi.

Is 57:16

Man̈x 'oj wowx 'och 'a eb' in chon̈b' tic, man̈x 'oj cot wowl 'a eb' 'a smasnil tiempo, toq'ue laj 'oj schab'c'ojloc pax sb'a eb', atn eb' 'anma b'ob'il wu'uj.

Is 27:8

A Dios 'ix ya'ch yailal 'a yib'n̈ schon̈ab', atn 'a yic yijx 'at eb' 'icha presoal. 'Icha wal tz'aj yutz'x 'at junc tas yuj 'ic' tzcot 'a 'aj tzq'uel c'u, 'ixta wal 'ajnc yijx 'at eb'.

Salmos 135:14

'Oj a b'oyaj eb' a chon̈b' tic, ax yo'ch pax a c'ojl 'a eb' a checab'.

Salmos 90:13

Mamin Jehová, ¡colwjan̈ pax quet' on̈! ¿Jantc to wal tiempo 'oj 'ec' o'oj? 'O'ch cab' wal a c'ojl 'ayn̈ a checb' on̈ tic on̈.

Salmos 78:38

Palta a Dios, caw tz'o'ch sc'ojl 'a eb', tzyac' lajwc smul eb', matz satx 'el eb' yu'uj. Til wal 'ejm tzyij 'ec' yowl sc'ojl 'a yib'n̈ eb', matz yac' 'el'choc yowl sc'ojl 'a eb'.

Salmos 35:6

Q'uic'q'uinl cab'i', n̈el-li cab' sb'e eb' 'aj tzb'eyi, ax cab' jun sat ángel chi tzpechn b'eyc'oc eb'.

A Ch'an̈ B'ab'el Libro Yic Yab'ixal Eb' Rey 19:4

Xlajw cha, 'ix 'at 'a lum cusltac lu'um, jun c'u 'ix b'ey'ti, ax x'aji, 'ix c'unb'cha'an̈. Yuj cha, 'ix 'em wocn 'a yich jun te te'; ata 'ix snib'j cham sb'a. 'Ix yaln 'ixtic: Colb'l xo wal wil tic Mamin Jehová, tztac' xo wal in chami, ¿tom an yel xo wach'n 'a yib'n̈ eb' in mam wicham? xchi.

A Ch'an̈ Schab'l Libro Samuel 24:18

A 'a jun c'u cha, 'ix jaw win Gad 'a David, xwul yalnoc 'a win 'ixtic: Q'uen̈ c'och 'a ste'lab' trigo win Arauna jebuseo, tza b'on chan̈ junc yet'l xajmb'al 'a Jehová ta', xchi.

Jueces 19:11

'Ix yaln win checb' chi 'a win levita chi 'ixtic: —¿Tas xa chi ach tic, q'uinloc tzon̈ wayc junc 'ac'wl 'a chon̈b' Jebús tic? xchi winac.

Jueces 1:21

Palta ax eb' yin̈tl Benjamín, ma'ix stac' spechx 'el eb' jebuseo cajn 'ec' 'a Jerusalén yuj eb'. Yuj cha, a eb' jebuseo yet' eb' yin̈tl Benjamín, junn̈j xcan cajn eb' 'a Jerusalén cha.

Josué 15:63

Ax eb' yin̈tl Judá, ma'ix stac' spechx 'el eb' jebuseo cajn 'a Jerusalén yuj eb', yuj cha, an̈j 'ijnoc 'ayt eb' cajnn̈ej 'ec' 'a scal eb'.

Ex 12:13

A schic'l no noc' chi 'oj e succh 'a smac eyatut cha, a 'oj ch'oxnoc 'ajtil 'ay te n̈a chi 'aj cajn ex, sec a yic 'oj wec' in mil cham eb' b'ab'l 'unn 'a eb' 'aj Egipto tic, may junc ex 'oj e chami. A yic 'oj wilnc 'och chic' cha, c'ax'e'l 'oj weq'ui.

Ex 9:28

'In caw wal tz'ec' 'a yib'n̈ sma'n sb'a c'u, yet' yejm q'uen sacb'at tic. Yuj cha, man̈x 'oj wi'c tiempo 'ayex, tztac' e 'at 'a 'ajtil tzeyal cha. Leslwan̈c 'a Jehová, sec tzyij 'el jun yailal tic 'a quib'n̈ on̈, xchi winac.

Ex 32:14

Xlajw cha, 'ix sjeln Jehová snab'en yic matz satl eb' schon̈b' cha.

1 Co 10:10

Matz tac' qui comn alnec speclal Cajlilec. Yujto 'ay eb' aljnac speclal, yuj cha, xlajw 'el eb' yuj jun ángel 'ay yopiso smiln cham 'anma'.

Jeremías 26:19

Toc yuj cha, 'ix milx cham Miqueas yuj win rey Ezequías, yet' yuj smasnil eb' chon̈ab'. A yic eb', to 'ix xiw eb', 'ix leslwi eb' 'a Jehová, sec tz'o'ch sc'ojl 'a eb'. Yuj cha, man̈x 'ic ya' cot Jehová jun yailal tox 'ix alx 'el 'a yib'n̈ eb' cha. Toto an̈ec tic, 'oj qui milc cham Jeremías tic, caw 'oj jawc yailal 'a quib'n̈ec, xchi eb'.

1 Cr 1:14

A 'a win Canaán, ata cotnc yin̈tl eb' jebuseo, eb' amorreo, eb' gergeseo,

Jeremías 42:10

Toto tzchaj e c'ojl tzex can cajn 'a jun lum tic, caw 'oj ex wac' q'ue'choc yet' tas 'ay 'ayex. Man̈x 'oj ex in satli, caw wal ya 'ix wab'i, yujto 'ix wa' cot jun niwquil yailal chi 'a eyib'an̈.