A Ch'an̈ Schab'l Libro Samuel 23:18 - Chuj San Sebastian Bible

^18-19 Ax win Abisai, yu'tac win Joab, win yune 'ix Sarvia, 'aych syajlilc eb' lajn̈schawinc soldado caw jelan. A 'a jun 'el, 'ix smil cham 'oxe ciente winc yet' slanza. 'Ixtnta 'ix yutj ya'n ganar sq'ue'ch 'a yopiso, palta ma'ix q'ue'ch 'icha ewin 'oxwn̈ cha.

Chuj San Mateo Bible

¹⁸ A vin̈aj Abisai yuc'tac vin̈aj Joab yune' ix Sarvia, a vin̈ ayoch yajaliloc 30 eb' vin̈ soldado te jelan. A junel ix smilcham 300 vinac vin̈ yed' q'uen slanza. Icha chi' ix aj snivanb'i yelc'och vin̈, icha val eb' vin̈ oxvan̈ chi'.

A Ch'an̈ Schab'l Libro Samuel 23:18 Referans Kwoze

A Ch'an̈ Schab'l Libro Samuel 10:14

A yic xyiln eb' amonita cha, to x'at eb' sirio chi 'eloc, yuj cha, 'ix 'at pax eb' 'elc 'a yojltac Abisai. 'Ix 'och eb' sc'ub'c 'el sb'a 'a yol chon̈b' cha. Yuj cha, 'ix 'och wan Joab ya'n owl yet' eb' amonita, 'ix pax 'a Jerusalén.

A Ch'an̈ Schab'l Libro Samuel 10:10

Ax nan̈l xo eb' soldado cha, 'ix can eb' yuj 'a yol sc'ab' win Abisai yu'tac Joab cha, sec ax win tz'a'n owl yet' eb' amonita.

A Ch'an̈ Schab'l Libro Samuel 18:2

'Ix spojn 'el David eb' soldado cha, 'oxc'aj x'el eb': junc'aj eb' xcan yet' win Joab, junc'aj xo eb', a yet' win Abisai xcan eb', win yune 'ix Sarvia yu'tac Joab cha, ax junc'aj xo eb', a yet' win Itai x'atcn eb', win 'aj Gat. Xlajw cha, xyaln win rey chi 'a eb' 'ixtic: —'Oj in 'at pax eyet' 'a owl cha, xchi winac.

1 Cr 2:16

Yanb' ewin tic 'ix Sarvia yet' 'ix Abigail. Ax eb' yune 'ix Sarvia, 'oxwn̈ sb'ey eb': atn Abisai, Joab yet' Asael.

A Ch'an̈ Schab'l Libro Samuel 20:10

Ax Amasa cha, toxn ma'ix snal jac yuj q'uen espada yet' win Joab cha. Yajn̈ej 'ix stecn 'och win Joab q'uen espada chi 'a sc'ojl winac. Smasnil yol sc'ojl winac 'ix 'ejm lan̈njoc 'a sat lu'um. Junn̈j xyac' win Joab chi 'a winac, 'ix chami. Xlajw cha, 'ix 'at win Joab yet' win yu'tac Abisai 'a spatquil Seba.

A Ch'an̈ Schab'l Libro Samuel 3:30

A Joab yet' jun yu'tac tzcuch Abisai, a eb' xmiln cham Abner cha, yujto a yic yoch owl 'a Gabaón, a Abner chi miljnac cham jun win yu'tac eb' cha.

A Ch'an̈ Schab'l Libro Samuel 2:18

Ata 'ayc' 'oxwn̈ ewin yune 'ix Sarvia: atn ewin tic, win Joab, win Abisai yet' win Asael. A win Asael tic, caw jeln sb'ey win 'icha no c'ultquil chej.

Ec 4:12

A junc mach sch'ocoj, yajn̈ej tz'ajx ganar yuj junc 'ajc'ojol, palta ax yic chawn̈ sb'ey eb', tztac' ste'wtzan sb'a eb', 'icha junc lasu 'oxe yol sat, man̈ comnoc tzn̈i'chji.