A Ch'an̈ Schab'l Libro Samuel 23:16 - Chuj San Sebastian Bible

¹⁶ Yuj cha, ax eb' 'oxwn̈ soldado caw jeln cha, 'ix 'och eb' 'a scamplamento eb' filisteo, xit' yi'nc 'elt eb' a a 'ay 'a sti spuertail Belén cha, xlajw cha, 'ix yi'n cot eb' 'a David. Palta ma'ix yal sc'ojl xyuq'uej, ton̈j 'ix sec 'ejm 'a sat lu'um, 'icha junc ofrenda tz'ajx 'a Jehová.

Chuj San Mateo Bible

¹⁶ Axo eb' vin̈ oxvan̈ soldado te jelan chi', ix och eb' vin̈ d'a scampamento eb' filisteo, ix b'at yic'an a a' chi' eb' vin̈ d'a spuertail Belén chi', ix yic'ancot a' eb' vin̈ d'a vin̈aj David chi'. Palta maj yal-laj sc'ol vin̈ ix yuq'uej a', ton̈ej ix sequem a' vin̈ d'a sat luum icha junoc ofrenda tz'ac'ji d'a Jehová.

A Ch'an̈ Schab'l Libro Samuel 23:16 Referans Kwoze

2 Co 5:14

A schamc'ojlal Cristo tz'a'n yajlil 'ayn̈ on̈. Yujto cojc on̈, 'ay jun xcham qui jelc qui masnil. Yuj cha, qui masnil 'icha to chamnc on̈c yet'oc.

Gn 35:14

Xlajw cha, sayn win jun q'uen q'uen c'atn xoj, slin̈n can chan̈ win q'uen 'a 'aj xpaxtin yet' Dios cha, secn can 'ejm win aceite yet' yal uva 'a yib'n̈ q'ue'en, yuj siylab'il 'a Dios.

Ro 5:7

Q'uinloc 'ay junc mach wach' sb'eyb'al ticnec, tecn may mach tzyac' cham sb'a sjelc junc xo mach. Cojxn toto 'ay junc mach caw yel xo wach' snab'en, lemb'il 'ay junc tzte'wtzej sb'a ya'n cham sb'a sjelc junc xo mach.

Lm 2:19

Jab' cab' scal tzex q'ue wa'an, q'ue cab' eyaw 'a 'ac'wal, yuj e c'ann scolwal Cajlilec. 'A smasnil e c'ojol, tzex 'oc' 'a yojltac, b'achc 'at e c'ab' 'a 'a, yic tze c'an sniwnc'ojlal 'a yib'n̈ eb' eyunnal wan scham 'a yoltc caye yuj wejel, xchi winac.

A Scarta San Pablo D'a Eb' Aj Filipos 2:17

Yujto eya'jnac 'och e c'ojl 'a Cristo, wan eya'n 'och e b'a 'a yol sc'ab' 'icha junc xajmb'al. An xo tic, tzwac' in b'a 'a Cristo pax eyet'oc. Yuj cha, wach'xam 'oj in milx chamoc yic tz'acw junc e xajmb'al cha, 'oj in tzaljn̈ej pax eyet'oc.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

A Ch'an̈ Schab'l Libro Samuel 23:9

Ax win schab'l yaj 'a scal eb' 'oxwn̈ jeln cha, atn Eleazar yunnal Dodo, 'aj Aho. A xcan yet' David 'a Pasdamim yic 'ix syamn sb'a eb' filisteo ta', yic tzya'n eb' owal. A jun tzo'n̈ xo eb' israel 'ayc' ta', 'ix 'at eb' 'eloc.

A Ch'an̈ B'ab'el Libro Samuel 19:5

yujto eljnac, ya'jnac sq'uinl 'a yol sc'ab' chamel yic smiln cham win Goliat. 'Ixta yutjnac Jehová on̈ scolni. Ach xo tic, caw ach tzalji yic eln jun cha. ¿Tas yuj tza'ch a b'a 'a miln cham win 'a nab'an̈ej? xchi.

A Ch'an̈ B'ab'el Libro Samuel 7:6

Ax yic 'ix syamn sb'a eb' 'a Mizpa cha, 'ix yi'n q'uet eb' a a', xlaj secnc 'ejm eb' 'a yojltac Jehová. 'Ix ya'n 'och sb'a eb' 'a c'ajb'c'ojlal 'a jun c'u cha. Xyaln eb' 'ixtic: 'Ix 'och wal qui mul 'a Jehová, xchi eb'. Ax Samuel, 'ix jucb'tzan eb' yit chon̈b' 'a Mizpa.

Nm 28:7

Ax pax ofrenda tz'ajx 'a te yal uva, junjn litro tz'ajx yet' no calnelu tz'ajx tz'a cha. A jun yal uva cha, ata tzicx 'och 'a in cajnub' yic tz'ijx chan̈ in b'i.

1 Cr 11:18

Yuj cha, ax eb' 'oxwn̈ soldado caw jeln cha, 'ix 'och eb' 'a scamplamento eb' filisteo, 'ix 'at slechnc q'uet eb' a 'uc'b'ila 'ay 'a sti spuertail Belén cha, 'ix yi'n cot eb' a 'a David. Palta ma'ix yal sc'ojl David to xyuq'uej, ton̈j sec 'ejm ofrendail 'a Jehová.

Ec 4:12

A junc mach sch'ocoj, yajn̈ej tz'ajx ganar yuj junc 'ajc'ojol, palta ax yic chawn̈ sb'ey eb', tztac' ste'wtzan sb'a eb', 'icha junc lasu 'oxe yol sat, man̈ comnoc tzn̈i'chji.