A Ch'an̈ Schab'l Libro Samuel 21:16 - Chuj San Sebastian Bible

¹⁶ 'Ay jun winc caw niwquil ste'il, tzcuch Isbi-benob, yin̈tl eb' niwc ste'il, atn jun chi xnib'n milnc cham David. A slanza cha, 'aym uque'oc libra yalil, ax 'a sincho 'a snan̈al, ata locn 'och jun 'ac' espada.

Chuj San Mateo Bible

¹⁶ Ay jun vin̈ scuchan Isbi-benob, yin̈tilal eb' chaan̈ steel, ix snib'ej vin̈ smilcham vin̈ rey chi'. A q'uen slanza vin̈, ec'to uque' libra yalil q'ueen, axo d'a jun cincho vin̈ ayoch d'a snan̈al locanoch jun q'uen espada ac'to.

A Ch'an̈ Schab'l Libro Samuel 21:16 Referans Kwoze

A Ch'an̈ Schab'l Libro Samuel 21:20

Ax 'a Gat, 'ix 'och junx owal. 'Ay jun winc caw wal niwquil stel ta', yin̈tl eb' niwc stel cha, lajchwe yune sc'ab', lajchwe pax yune yoc.

A Ch'an̈ Schab'l Libro Samuel 21:18

Xlajw cha, 'ix 'och junx owl yet' eb' filisteo 'a Gob. A yic jun tiempoal cha, a Sibecai 'aj Husa, a 'ix miln cham win Saf. A jun winc cha, yin̈tl eb' niwc ste'il.

A Ch'an̈ Schab'l Libro Samuel 21:22

A chan̈wn̈ eb' niwc stel cha, yin̈tl Refa eb', atn win 'aj Gat, palta a eb' cha, 'ix 'ajx ganar eb' yuj rey David, yet' yuj eb' soldado cha.

A Ch'an̈ Schab'l Libro Samuel 5:18

'Ix jaw eb' filisteo 'a span̈nil Refaim, axta sb'o eb' scamplamento.

Dt 9:2

A eb' 'anma cajn ta', niwc wincn̈ej eb', niwc stel eb', yin̈tl can win Anac eb', cab'jnaquec yalxi: ¿Mach wal junc 'oj ste'wtzoc sb'a 'a yojltac eb' yin̈tl win Anac? xchi.

Dt 3:11

(Cojxn win Og chi yin̈tl eb' 'anma niwc stel 'aycn 'a jun lugar cha. A scaxail b'ob'il, q'uenn̈ej smasnil, chan̈e metro yoc, jab'xoj man̈toc chab' metro sat, checl to yaj jun chi 'a chon̈b' Rabá 'a yol slugar eb' amonita.)

Dt 2:21

A eb' 'anma cha, caw niwn sb'isl eb' 'a yol schon̈ab', caw niwc pax stel eb'. Lajn eb' 'icha eb' yin̈tl Anac. Palta a Jehová, a satn 'el eb' yuj eb' amonita. A yic xlajw 'el eb' 'a sat lu'um, ax eb' amonita chi xcajn lu'um.

Dt 2:10

(A jun lum tic, cajb'il lum yuj eb' 'anma 'a pecti', atn eb' tzcuch emita. Caw niwc wincn̈ej eb', caw niwn pax sb'isl eb', niwc pax stel eb', lajn eb' 'icha eb' yin̈tl win Anac.

Dt 1:28

Ax ticnec, ¿'aj wach' tzon̈ c'ochec? A eb' quit chon̈b'ec tic, 'ix yal eb' to a 'a jun lugar cha, 'ay eb' 'anma caw jeln to 'a quib'n̈ec. Caw niwc stel eb', caw niwc pax ab' schon̈b' eb', chan̈ pax ab' ya'jt smuroal schon̈b' eb' cha. Xyiln pax ab' eb' ewin yin̈tl win Anac, atn eb' niwc ste'il, caw 'ay smay eb', atn wal yuj jun tzo'n̈ eb' cha, caw tzon̈ xiwec, xe chi.

Gn 14:5

Ax 'a yic junx ab'il cha, a Quedorlaomer yet' eb' 'oxwn̈ rey 'aych yet'oc, 'ix jaw eb' 'a yol yic Astarot Karnaim. Ata 'ix 'ajx ganar ewin refaíta yuj eb'. 'Ix 'ajx ganar pax ewin zuzita yuj eb' 'a yol yic Ham, ax ewin emita 'ix 'a'n ganar eb' 'a Save-quiriataim.

Gn 6:4

A 'a yic jun tiempoal cha, xyij sb'a eb' yunnal Dios yet' eb' 'ix yisl ewin 'anma cha, ax yunnal eb' x'alji, 'ix 'ajx sb'ic eb' Nefilim. Atn wal ta 'ix checlj chan̈ eb' 'anma to caw wal 'ay yip, b'inab'il eb' 'a yic pecti cha.

Nm 13:22

'Ix 'ec' eb' 'a lum Neguev, masnto xc'och eb' 'a Hebrón. Ata cajn Ahimán, Sesai yet' Talmai. A eb' tic, yin̈tl can win Anac eb'. A chon̈b' Hebrón cha, yucl xo ab'il sb'o'i, yic 'ix b'o chon̈b' Zoán 'a Egipto.

Nm 13:28

Palta ax eb' 'anma cajn 'a sat lu'um, caw wal 'ay yip eb'. A schon̈b' eb', caw wal niwac, 'aych pax smuroal. An̈jtona', xquil pax eb' yin̈tl win Anac on̈, caw wal niwc stel eb'.

Josué 15:14

A 'oxwn̈ eb' yin̈tl win Anac chi spechl Caleb chi 'a lum Hebrón cha, atn Sesai, Ahimán yet' win Talmai.

Dt 2:11

Wal yel a eb' 'anma 'a jun lugar cha, niwcn̈ej stel eb', caw 'ay smay eb', yuj cha emita sb'i eb' yuj eb' moabita.

Josué 11:22

Yuj cha, man̈x 'a junc eb' yin̈tl win Anac xcan 'a sat slum eb' israel. Cojxn 'a Gaza, 'a Gat yet' 'a Asdod, ata xcan jaywn̈ xo eb' yin̈tl win cha.

A Ch'an̈ B'ab'el Libro Samuel 17:7

Caw wal niwquil spatquil yoc jun slanza yet'i, 'aych q'uen hierro 'a sn̈i', 'ec'b'al lajchwe libra yal-l q'ue'en. B'ab'l jun win 'et'jnac q'uen tzmacn sat jul-lab' yu'uj.