A Ch'an̈ Schab'l Libro Samuel 21:14 - Chuj San Sebastian Bible

¹⁴ 'ix mucx sb'acl eb' chi smasnil 'a 'aj mucn win Cis, atn smam Saúl, 'a jun lugar tzcuch Zela, 'a yol yic Benjamín. 'Ix b'o smasnil 'icha 'ix yutj win rey yalni. Xlajw cha, 'ix schaj sc'ojl Dios tas 'ix sc'an win rey yuj swach'loc schon̈ab'.

Chuj San Mateo Bible

¹⁴ Ix mucji sb'aquil eb' vin̈ chi' d'a Zela d'a yol yic Benjamín, aton b'aj mucan vin̈aj Cis smam vin̈aj Saúl chi'. Ix uji masanil tas icha ix aj yalan vin̈ rey chi'. Ix lajvi chi', ix yab' Dios tas ix c'anchaj d'ay yuj svach'iloc chon̈ab'.

A Ch'an̈ Schab'l Libro Samuel 21:14 Referans Kwoze

A Ch'an̈ Schab'l Libro Samuel 24:25

'Ix sb'o chan̈ David jun yet'l xajmb'al 'a Jehová 'a jun lugar cha, 'ix yac' tz'a xajmb'al, yet' xajmb'al yic junc'ojlal. 'Ixtnta 'ix yutj Jehová yab'ni, yuj tas 'ix sc'an yuj chaml wan yoch 'a chon̈b' Israel, yuj cha, 'ix 'och wan jun yab'il cha.

Josué 7:26

Xlajw cha, 'ix si'n can eb' syam sb'a q'uen q'uen chi 'a yib'n̈ eb'. 'Ix q'uecn b'uln̈ q'ue'en. A jun b'uln̈ q'uen q'uen cha, 'ix cann̈j q'uen ta'. Yuj cha, a jun niwn 'a'lic cha, an̈j 'ijnoc Acor sb'i. 'Ixtnta wal 'ix 'aj yoch wan yowl sc'ojl Jehová 'a yib'n̈ chon̈b' Israel 'a jun tiempoal cha.

Zacarías 6:8

Xlajw cha, x'awj jun ángel chi 'ayn 'ixtic: 'Ilt nab'an, yuj wal jun caruaje 'ix 'at 'a jun nacion̈ 'ay 'a stojlal norte, ax yoch wan yowl sc'ojl Jehová 'a yib'n̈ jun nacion̈ cha, xchi.

Jonás 1:15

A yic xlajw yaln eb' jun tzo'n̈ cha, 'ix sjuln 'at eb' Jonás 'a yojl a mar, ax a mar cha, 'ix 'och numn a'.

A Ch'an̈ Schab'l Libro Samuel 4:12

Xlajw cha, 'ix yaln David 'a eb' soldado chajtlto tzmilx cham ewinac, yuj cha, stzu'x 'el sc'ab' ewinac, yet' yoc ewinac, st'un̈n can q'ue ewin sniwnal eb' chi 'a sti 'aj tzyam sb'a a a 'a Hebrón. Xlajw cha, xyi'n 'at eb' sjolm win Is-boset cha, axta smuc eb' 'aj mucn win Abner 'a yol yic Hebrón cha.

A Ch'an̈ Schab'l Libro Samuel 3:32

Axta smuc eb' sniwnal Abner chi 'a Hebrón. A win rey cha, caw ji'jmtac yoc' 'ejm win 'a yib'n̈ 'aj xmucx can win Abner cha. 'Ix 'oc' pax smasnil eb' 'anma yet'oc.

A Ch'an̈ B'ab'el Libro Samuel 10:2

A ticnec a yic 'oj qui pojn can qui b'a et' tic, 'oj 'ilchjoc chawn̈ winc e yuj 'a stz'ey 'aj mucb'il 'ix Raquel 'a chon̈b' Selsah 'a yol yic Benjamín. A eb' 'oj alnc 'ayex, chajtlto tox 'ix 'ilchj e no b'uru tze sayc' cha. A 'a mam man̈x 'ayc 'och 'a somc'ojlal yuj e no', palta to 'aych 'a somc'ojlal oj ach tic, tzyaln 'ixtic: ¿Tas 'oj 'aj yilchj win wunnal chi wu'uj? xchi.

Nm 25:13

To tzwac' jun 'opiso tic 'a 'a, yet' 'a eb' yin̈tl b'aquin̈, yic tz'ochcn eb' ya'malc 'och sti eb' 'anma 'ayn 'a jun 'ejmn̈ej. Caw locn 'ix yab' syal wet'oc, 'ix ya'n sicb'oc yowl in c'ojl 'a yib'n̈ eb' chon̈b' tic, xchi Dios.

A Ch'an̈ Schab'l Libro Samuel 21:13

'Ix ya'n win rey David 'ijxc 'at sb'acl Saúl yet' yic Jonatán, win yunnal, yet' pax yic eb' ucwn̈ 'ix q'ue t'un̈n cha,

Nm 25:8

'Ix 'och tza'n yuj win israel cha, yet' 'ix 'aj Madián cha, masnto 'ix c'och win yet' eb' 'a yol smantiado. Cojn wal xc'och win muc'uc, stecn 'och win q'uen lanza chi 'a sc'ojl win israel cha, yet' 'a 'ix 'ix cha. Cojn yic 'ix cham eb', 'ix 'och wan scham eb' 'anma yuj jun yailal xyac' cot Jehová a scal eb' israel cha.