A Ch'an̈ Schab'l Libro Samuel 19:11 - Chuj San Sebastian Bible

¹¹ A smasnil jun tzo'n̈ 'ix yal eb' chon̈b' cha, 'ix alx 'a win rey David, yuj cha, 'ix 'at ya'nc win alxc 'a eb' ya'mal 'och sti eb' 'anma 'a Dios, atn Sadoc yet' Abiatar, xyaln win 'a eb' 'ixtic: Alc 'a eb' yichm wincal chon̈b' Judá, tze c'anb'n 'a eb', tas yuj slajb' xo tzyutj sb'a eb' 'a jun tzo'n̈ xo eb' quit israelal yic tzin yi'n 'at eb' an rey in tic 'a in despacho.

Chuj San Mateo Bible

¹¹ Yuj chi', a vin̈ rey chi' ix checanb'at aljoc d'a eb' vin̈ sacerdote, aton vin̈aj Sadoc yed' vin̈aj Abiatar icha tic: Alec d'a eb' yichamtac vinaquil chon̈ab' Judá icha tic: Toxo ix vab'i tastac van yalan juntzan̈xo macan̈il eb' quetchon̈ab'. ¿Tas yuj tzac'anxo tze na' tas tz'aj in c'ochxi d'a in palacio?

A Ch'an̈ Schab'l Libro Samuel 19:11 Referans Kwoze

A Ch'an̈ Schab'l Libro Samuel 15:29

Yuj cha, 'ix yi'n pax meltzjoc win Sadoc yet' win Abiatar te scaxail strato Dios 'a Jerusalén, axta xcan eb' ta'.

2 Ts 3:9

Wach'xam 'ay caln quic qui c'ann qui gasto 'ayx on̈, palta caw on̈ munlj yet' qui c'ab' on̈. 'Ixta cutjnac qui ch'oxn jun wach' b'eyb'al 'ayex, sec wach' tze b'eylb'ej qui b'eyb'al chi 'on̈.

2 Co 5:20

Yuj cha, schecb' Cristo caj on̈. 'Icha to caw a Dios wan stew 'at 'ayx cuj on̈. Yuj cha, caw sjel Cristo tzon̈ 'aj qui tew 'at 'ayx on̈, sec tzex can 'a junc'ojlal yet' Dios.

Mt 5:16

'Icha junc cantil cha, 'ixta 'ex cab'i', tze ch'oxl e sacq'uinlal 'a eb' 'anma'. Tzyal 'el'chi, atn e wach' b'eyb'al tze ch'ox yil eb', sec 'oj yal eb' wach' paxti 'a qui Mam 'ayc' 'a satcha'an̈.

A Ch'an̈ B'ab'el Libro Yic Yab'ixal Eb' Rey 2:35

Ax win rey chi 'ix 'a'n 'och Benaía yunnal Joiada, syajlilc eb' soldado sjelc Joab, yet' Sadoc 'ix 'ochcn ya'malc 'och sti eb' 'anma 'a Dios sjelc Abiatar.

A Ch'an̈ Schab'l Libro Samuel 19:10

Ax pax Absalón, cob' ca'jnac 'och qui reyloc, tox xcham pax win 'a scal owal. ¿Tas tzqui tan̈wjec, ton̈j sictac cajec? ¿tas yuj matz 'at qui'c paxt David qui reyloc? xchi eb'.

A Ch'an̈ Schab'l Libro Samuel 19:41

Smasnil eb' israel 'ix xit' eb' yil win rey, 'ix yaln eb' 'a win 'ixtic: —¿Tas yuj cojn eb' quit israelal 'a Judá, 'ix ach 'i'n coti, ach yij 'e't eb' yet' smasnil onnal 'a yojl a Jordán yet' smasnil eb' a soldado? xchi eb' 'a 'a.

A Ch'an̈ Schab'l Libro Samuel 18:14

'Ix ta'w win Joab 'a win 'ixtic: —Nab'an̈ej tzwij 'ec' in tiempo et'oc, xchi winac. 'Ix yi'n Joab chi 'oxe q'uen cotc lanza, 'ix 'at stecnc 'och 'a spixn Absalón, yujto pitznto win 'a sc'ab' te mach' cha.

A Ch'an̈ Schab'l Libro Samuel 18:15

Ax lajn̈wan̈ eb' soldado Joab, 'ix yoyn sb'a eb' 'a 'a, 'ix swach' miln cham eb' win Absalón cha.