A Ch'an̈ Schab'l Libro Samuel 18:9 - Chuj San Sebastian Bible

⁹ Ax win Absalón cha, 'ix schaj sb'a win yet' eb' soldado yic David, 'ay q'ue win 'a yib'n̈ schej. Ax x'aji, 'ix yecn 'ec' sb'a no chej chi 'a yaln̈ sc'ab' jun te ma'ach'. Ax 'a scal sc'ab' te chi 'ix can locn sjolm win Absalón cha. 'Ix 'emt can t'un̈n winac, ax no chej cha, 'ix 'atcn no'.

Chuj San Mateo Bible

⁹ Ayq'ue vin̈aj Absalón chi' d'a yib'an̈ jun noc' smula. Ayic ix schalan sb'a vin̈ yed' eb' soldado vin̈aj rey David chi', ix meltzaj vin̈ d'a spatic. Axo ix aji, a d'a yalan̈ sc'ab' jun te' mach' ix ec' n̈icnaj noc'. Ix can n̈ac'naj sjolom vin̈ d'a scal xachul te' sc'ab' chi', ix can locan vin̈, axo noc' chej chi' ix b'atn̈ej noc'.

A Ch'an̈ Schab'l Libro Samuel 18:9 Referans Kwoze

A Ch'an̈ Schab'l Libro Samuel 14:26

At 'a yab'lil, tzjoxx 'el xil sjolm Absalón, yujto caw wal 'al tzyab'i. Yuj cha, a yic tzya'n joxxoc 'el xil sjolom, chan̈e libra yal-l xil sjolm cha. 'Ixta tz'aj yechtax 'a yechtab' eb' rey tzc'ana.

Pr 30:17

A mach tzpatquiln can 'el smam, matz yiclj xon tas tzyal snun, smoj wal yijx 'elt yol sat yuj no joj, ax no 'usj tzchin sniwnal.

Job 31:3

A eb' maysch'olnil, yet' eb' may Dios 'a sat, tzjawn̈j yailal 'a yib'n̈ eb'.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Mr 7:10

Yaljnac can Moisés 'ixtic: 'Ay cab' yel'ch e mam e nun 'a e sat, a mach tzb'aj smam snun, yowlal tzchami, xchi.

Jeremías 48:44

A eb' 'oj 'at 'elc 'a eb' tzpechn b'eyc'oc cha, 'oj 'atcn eb' 'a yol junc xab'. A mach 'oj yac' ganar sq'uet 'a yol junc xab' cha, 'oj cancn 'a junc ch'an̈ ya'al, yujto an Jehová in, an 'oj wa' cot yailal nab'il wuj 'a yib'n̈ Moab.

Pr 20:20

A mach tzb'aj smam snun, 'oj 'ijxoc 'ec' sq'uinal, 'icha junc cantil tztupi.

A Ch'an̈ Schab'l Libro Samuel 18:14

'Ix ta'w win Joab 'a win 'ixtic: —Nab'an̈ej tzwij 'ec' in tiempo et'oc, xchi winac. 'Ix yi'n Joab chi 'oxe q'uen cotc lanza, 'ix 'at stecnc 'och 'a spixn Absalón, yujto pitznto win 'a sc'ab' te mach' cha.

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

Dt 27:20

Catb'tzaxc cab' eb' tzmuln yet' yistl smam, yujto 'a yet' jun 'ix chi tzyij 'el sq'uixwel smam, xchi eb' levita. 'Ixta cab' tz'aji, 'oj xchic eb' chon̈ab'.

Dt 27:16

Catb'tzaxc cab' eb' may yel'ch smam snun 'a sat, xchi eb' levita. 'Ixta cab' tz'aji, 'oj xchic eb' chon̈ab'.

Dt 21:23

a sniwnal jun 'anma cha, matz tac' scan junc 'ac'wl 'a 'aj 'ayc' cha. Yowlal tzmucx 'a jun c'u cha, sec matz eyixtj 'el lum lum 'oj yac' Jehová eyico'oc, yujto a junc 'anma tzq'ue t'un̈n 'a spenc te', tzcatb'tzax can yuj Dios.

Mt 27:5

Yic xyab'n win jun cha, 'ix sjuln can 'och win q'uen tumn chi 'a yol yatut Dios. Xlajwn̈ej cha, x'at winac, 'ix ya'n 'och jun ch'an̈ 'a sjaj, 'ix st'unn̈q'ue sb'a winac, 'ix chami.

A Ch'an̈ Schab'l Libro Samuel 13:29

Ax eb' schecb' cha, 'ix syiclj eb' 'icha x'aj yalx 'a cha, 'ix smiln cham eb' win Amnón. Yuj cha, 'ix q'ue wan somnjoc smasnil eb' yunnal win rey cha, junjn eb' 'ix q'ue eb' 'a yib'n̈ schej, 'ix cot eb' 'eloc.

A Ch'an̈ Schab'l Libro Samuel 18:8

'Ix puc eb' 'anma chi yac' owl 'a smasnil lugar, yel xo wal niwn 'anma mun 'ix cham 'a scalte cha, 'icha eb' xcham yuj q'uen espada.

A Ch'an̈ Schab'l Libro Samuel 18:10

Ax x'aji, 'ay jun win soldado chi xyil sb'a 'a win Absalón cha, 'ix 'at yalnc 'a Joab 'ixtic: —'Ix 'ilchj win Absalón wu'uj, t'un̈n can sjolm win 'a sc'ab' jun te ma'ach', xchi.