A Ch'an̈ Schab'l Libro Samuel 18:27 - Chuj San Sebastian Bible

²⁷ 'Ix yaln win 'ilwjum chi jun 'ejm xo: —A jun b'ab'l cha, 'icha wal sb'ey Ahimaas win yunnal Sadoc, 'ixta wal sb'ey tzwila, xchi winac. —Toto a win cha, wach' 'ab'x tzwul yal win 'ayin, yujto wach' snab'en xon winac, xchi win rey cha.

Chuj San Mateo Bible

²⁷ Ix yalanxi vin̈ stan̈vumal chon̈ab' chi': —A jun vin̈ b'ab'el chi' icha val sb'ey vin̈aj Ahimaas yuninal vin̈aj Sadoc svila', xchi vin̈. Ix tac'vi vin̈ rey chi': —Tato a vin̈ chi', vach' spensar vin̈, vach' am tas ol ul yal vin̈, xchi vin̈.

A Ch'an̈ Schab'l Libro Samuel 18:27 Referans Kwoze

A Ch'an̈ Schab'il Libro Yic Yab'ixal Eb' Rey 9:20

'Ix yaln pax win stan̈mal chon̈b' chi jun 'ejm xo: —An̈jtona junx win cha, 'ix c'och 'a 'aj tzjaw eb' cha, palta mantzac 'ilx smeltzji. A jun mach tzjaw 'a yol caruaje, coyn wal to 'a Jehú yixchicn Nimsi, yujto yet' smasnil yip tzjaw 'icha xon sb'eyb'al, xchi winac.

A Ch'an̈ B'ab'el Libro Yic Yab'ixal Eb' Rey 1:42

Wanto wal spaxtin cha, 'ix c'och Jonatán, yunnal Abiatar ya'mal 'och sti eb' 'anma 'a Dios. 'Ix yaln Adonías 'ixtic: —'Ochn̈ta ach tic, caw wal niwn el'chi, wach' am tas tzwul ala', xchi 'a 'a.

Ro 10:15

¿Tas 'oj yutc eb' 'at yalnc 'el wach' 'ab'ix, toto may mach tzchecn 'at eb'? Yuj cha, tzyaln pax 'a Ch'an̈ Un̈ chi 'ixtic: Til wal sja'l yilxi yic tzjaw junc win alm 'ab'ix, junc 'et'jnac wach' 'ab'ix, [atn yab'xil junc'ojlal], xchi.

Is 52:7

Til wal sja'l yilxi yic tzjaw junc win alm 'ab'x 'a eb' lum tzalctac, junc 'et'jnac wach' 'ab'ix, atn yab'xil junc'ojlal, tzyaln 'el yab'xil colnb'il yic tz'el eb' 'anma 'a libre, tzyaln 'ixtc 'a yib'n̈ eb' 'aj Sión: A 'e Diosal x'och reyal, xchi.

Pr 25:25

'Icha wal sja'l yu'x a sicla 'a yic 'ay qui tacn̈tilec, 'ixta wal sja'l yab'x junc wach' 'ab'x tzcot 'a najat.

Pr 25:13

A junc checb' yiclum schecxi, lajn wal 'a spatron̈ 'icha yic tzcu'nec a sicla 'a yic caw 'ay qui tan̈til 'a scal c'ac', caw tzsicb' qui c'ojlec yu'uj, 'ixta jun checb' chi 'a spatron̈ cha.

A Ch'an̈ Schab'l Libro Samuel 18:26

ax xyiln pax 'at win 'ilwjum cha, carela sjaw junx winac, yuj cha, x'awj 'emt pax win 'a win stan̈mal sti puerta: —Sjaw junx winac, caw carela sjawi, xchi winac: —An̈jtona junx win cha, wach' 'ab'x tzwul yal winac, xchi win rey cha.