A Ch'an̈ Schab'l Libro Samuel 15:27 - Chuj San Sebastian Bible

²⁷ 'Ix yaln pax win rey chi 'ixtc 'a win Sadoc cha, win ya'mal 'och sti eb' 'anma 'a Dios: —Ach schecb' Dios, meltzjan̈ 'a junc'ojlal yet' win Abiatar 'a yol chon̈b' yet' chawn̈ eb' eyunnal, win onnal Ahimaas yet' win Jonatán yunnal Abiatar.

Chuj San Mateo Bible

²⁷ Ix yalanxi vin̈ rey chi' d'a vin̈aj sacerdote Sadoc chi': —Ach schecab' Dios, meltzajan̈ d'a junc'olal yed' vin̈aj Abiatar yed' chavan̈ eb' eyuninal tic, vin̈aj Ahimaas, vin̈ ico' yed' vin̈aj Jonatán vin̈ yic vin̈aj Abiatar.

A Ch'an̈ Schab'l Libro Samuel 15:27 Referans Kwoze

A Ch'an̈ Schab'l Libro Samuel 17:17

Ax win Jonatán yet' win Ahimaas, ata 'ayc' eb' 'a sti jun a spac'b'a 'a En-rogel, sec may mach tz'iln ewin 'a yol chon̈b' cha, ax jun 'ix ya'mal servil eb' x'at alnc 'a ewinac. Yajn̈j wal cha, 'ix 'at ewin 'at yal jun 'ab'x chi 'a win rey David.

A Ch'an̈ B'ab'el Libro Samuel 9:9

(A 'a pecti', toto 'ay junc eb' quit chon̈b' tznib'j sc'anb'c junc tas 'a Dios, 'ixtc tzyutj eb' yalni: Cotn̈ec, 'at quilc win tztac' yiln junc tas, xchi eb'. Ax ticnec schecb' Dios sb'i eb'. A 'a pecti cha, win Tztac' yiln junc tas, 'ixta sb'i jun chi yuj eb'.)

1 Cr 25:5

Smasnil jun tzo'n̈ eb' tic, yunnal Hemán eb'. A Hemán cha, ya'mal snab'en win rey 'a jun tzo'n̈ tas yic Dios. 'Ix yac' Dios chan̈lajn̈wan̈ yunnal Hemán tic, yet' 'oxwn̈ yisil, yuj ya'n 'el'choc Dios sti ya'jnac 'a 'a, sec tz'ijx chan̈ sb'inab'ilal.

A Ch'an̈ Schab'l Libro Samuel 24:11

Ax 'a yic sacb'el 'a junx c'u, 'a yic mantzac q'ue wan David, 'ix yaln Jehová 'a Gad atn jun schecab', 'a'm nab'en pax yaj 'a win rey David cha, 'ix yaln 'a 'ixtic:

A Ch'an̈ Schab'l Libro Samuel 15:36

A pax ta 'ayc' win Ahimaas yunnal Sadoc yet' win Jonatán yunnal Abiatar, smasnil tas tzab'i, a 'a win tzala, ax ewin tzwul alnoc wab'i', xchi David 'a win Husai.

A Ch'an̈ Schab'l Libro Samuel 15:34

Palta yel xo wach' tzach pax 'a Jerusalén, ax yic tzach c'ochi, tzaln 'a win Absalón chi 'ixtic: Mamin rey, an tic tzin can a checb'oc, 'icha 'ix wutj wa'n servil a mam, 'ixta cab' tzin 'ajx cani, xa chi 'a 'a; 'ixta 'oj otc in a colni, yic 'oj a junc tas nab'il yuj win Ahitofel cha.

A Ch'an̈ B'ab'el Libro Samuel 9:6

'Ix ta'w win moso chi 'a 'ixtic: —A 'a jun chon̈b' tic, 'ay jun win schecb' Dios caw wal 'ay yel'ch 'a sat eb' 'anma'. Smasnil tas tzyal-li, tz'el'chn̈ej. Con̈ 'at qui say quil winac. Lemb'il tzyal win 'ayon̈, tas tzon̈ 'aji, xchi winac.

A Ch'an̈ B'ab'el Libro Yic Yab'ixal Eb' Rey 1:42

Wanto wal spaxtin cha, 'ix c'och Jonatán, yunnal Abiatar ya'mal 'och sti eb' 'anma 'a Dios. 'Ix yaln Adonías 'ixtic: —'Ochn̈ta ach tic, caw wal niwn el'chi, wach' am tas tzwul ala', xchi 'a 'a.

A Ch'an̈ B'ab'el Libro Yic Yab'ixal Eb' Rey 4:15

Ahimaas, atn win nupnnac yet' 'ix Basemat yisl Salomón, a 'ajcuenta yi'n cot jun tzo'n̈ chi 'a yol yic Neftalí.

A Ch'an̈ Schab'l Libro Samuel 18:19

Yuj cha, ax win Ahimaas win yunnal Sadoc, xyaln 'ixtc 'a Joab: —Tzwal 'ayach, to tzin a chaj 'ati yic tz'at walnc yab' win rey, chajtlto 'ix colx 'el yuj Jehová 'a yol sc'ab' eb' 'ajc'ojl yajch 'a 'a, xchi.