A Ch'an̈ Schab'l Libro Samuel 15:20 - Chuj San Sebastian Bible

²⁰ 'Ewt pax ach jawi, ¿tom tztac' waln 'ayach to tzach 'at mu'c quet' on̈? Yujto an tic, man̈ wojcoc 'aj 'oj in c'ochi. Tztac' a meltzji, tze'n meltzjoc eb' et chon̈b' tic et'oc. Ya' cab' Jehová swach'c'ojlal 'a eb'an̈, 'och cab' et' 'a smasnil tiempo, xchi win rey cha.

Chuj San Mateo Bible

²⁰ Toto janac ach, max yal-laj ach vac'an pural a b'at qued'oc, yujto a in tic man̈ vojtacoc b'ajtil ol in c'ochoc. Vach' tzach meltzaji, ic'b'at eb' vin̈ etchon̈ab' tic ed'oc. Yac'ocab' svach'c'olal Jehová d'a eyib'an̈ d'a masanil tiempo, xchi vin̈ rey chi'.

A Ch'an̈ Schab'l Libro Samuel 15:20 Referans Kwoze

A Ch'an̈ B'ab'el Libro Samuel 23:13

Yuj cha, 'ix 'el David 'a Keila cha, yet' eb' ajun yet'oc 'aym waque'oc ciente eb'. Chucchc lugar 'aj tz'ec' eb'. Ax yic 'ix c'och speclal 'a Saúl, to tox 'ix 'el David 'a chon̈b' Keila, yuj cha, man̈xtoc 'ix 'at 'a spatc eb'.

A Ch'an̈ Schab'l Libro Samuel 2:6

A ticnec jun, ya'cab' Jehová swach'c'ojlal yet' schamc'ojlal 'a eyib'an̈. An̈jtona pax an tic, wach' 'oj wutc in b'a 'ayex, yuj jun tas xe b'o cha.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Am 8:12

'Oj oyb'xoc 'ec' eb' 'anma sayn 'ec' mach tzaln 'el in paxti'. 'Oj 'at eb' 'a sti a Mar Muerto, masnto 'oj c'och eb' 'a sti a Mar Mediterráneo. 'Oj 'ec' eb' 'a schan̈paq'uil yolyib'n̈q'uinal, palta may mach 'oj 'ilchjoc yuj eb'.

Pr 14:22

A eb' cojn maysch'olnil tznib'j sb'o', satnc xo eb' 'a sb'e; ax eb' to a wach' tznib'j sb'o', caw tzchaml sc'ojl eb' 'anma yet' eb', tz'o'ch pax sc'ojl eb' 'a eb'.

Salmos 89:14

A a despacho caw te'n yaj yuj tojlal yet' yuj wach'il. Ata tzcheclj 'el a chamc'ojlal to yel tz'el'ch tas tzala.

Salmos 85:10

'Oj sch'ox Dios schamc'ojlal 'a scal eb' schon̈ab', ax yoch eb' yiclumal 'a 'a. A eb' 'anma tojl sb'eyb'al, 'oj scha eb' sjunc'ojlal Dios.

Salmos 61:7

Wa' cab' yajlil 'a ojltac yuj a wach'c'ojlal. Tan̈wj in yet' a chamc'ojlal, yujto tz'el'chn̈ej tas tzala.

Salmos 59:15

Caw matz 'och wan xon eb' sb'eyq'ui tz'ec' 'ac'wal, yic tzsayn 'ec' eb' tas tzc'uxu, tz'el yaw eb' 'icha 'oques, yujto matz c'och sc'ojl eb'.

Salmos 57:3

A yuj a chamc'ojlal yet' yuj tz'el'chn̈ej tas tzala, yuj cha, tza' cot colnb'il 'ayn 'a satcha'an̈, ax in a coln 'el 'a yol sc'ab' eb' tzin 'ixtni.

Salmos 56:8

B'isb'il o'oj jay 'ejm tzin 'elq'ui, ojtac jantc wal tzin 'aj woq'ui. Tz'ib'b'il jun tzo'n̈ tic oj 'a a libro.

Salmos 25:10

Yuj a chamc'ojlal yet' yuj yeln̈j tas tzala, yuj cha, tze'n b'ey eb' tzyiclni a trato yet' a checnb'il.

Pr 3:3

Man̈ actc can a b'eylb'an chamc'ojlal yet' yiclumal, molcn wal 'a a nab'en, man̈ ac' sat a c'ojl 'a 'a.

A Ch'an̈ Schab'l Libro Samuel 2:5

yuj cha, 'ix schecn 'at David chi jun tzo'n̈ eb' schecb' 'at yal 'a eb' 'ixtic: Ya' cab' Jehová syaxilal 'a eyib'an̈, yujto caw 'ix 'o'ch e c'ojl 'a Saúl, atn jun eyajlil, wach' eyutjnac e mucni.

Salmos 61:8

'Ixta 'oj wutc in b'itnan a b'i 'a smasnil tiempo. 'A junjn c'u ax in yiclni tas 'aj 'ix wac' in ti 'ayach.