A Ch'an̈ Schab'l Libro Samuel 14:22 - Chuj San Sebastian Bible

²² Ax Joab, 'ix 'em n̈ojn 'a sat lum 'a yojltac win rey cha, yic tzch'oxn 'el syiclumal, 'ix yaln swach' paxti 'ixtc 'a winac: —A ticnec mamin rey, 'ix wojquej 'eli to 'ay wel'ch 'ayach, yujto 'ix a chaj ab' tas tzin nib'j wal 'ayach, xchi winac.

Chuj San Mateo Bible

²² Yuj chi' ix em n̈ojan vin̈aj Joab chi' d'a yichan̈ vin̈ rey chi' d'a sat luum, yuj sch'oxanel vin̈ to nivan yelc'och vin̈ rey chi' d'a sat vin̈. Ix yalan vach' lolonel vin̈ d'a vin̈ rey chi' icha tic: —A ticnaic mamin rey, ix nachajel vuuj to ay velc'och d'ayach, yujto ix a cha ab' tas tzin nib'ej ix val d'ayach, xchi vin̈.

A Ch'an̈ Schab'l Libro Samuel 14:22 Referans Kwoze

Pr 31:28

A eb' yune 'ix cha, yet' win yichmil 'ix, tzyal eb' wach' paxti yuj 'ix, tzyaln eb' 'a 'ix 'ixtic:

Job 31:20

a xil e no 'in calnelu xwac' b'o'oc, xwa'n ya'ch eb' sq'uixnaloc; yuj cha, xlaj yalnc eb' yuj diosal 'ayin.

Job 29:11

A yic tzyab'n eb' 'anma in paxtini, caw wach' tzlaj yal eb' 'a in patic, tzch'oxn eb' swach' nab'enal 'ayin.

Nehemías 11:2

Xlajw cha, xyaln eb' chon̈b' wach' paxti 'a smasnil eb' x'el 'a sc'ojl tz'at cajn 'a Jerusalén.

A Ch'an̈ Schab'l Libro Samuel 19:39

Smasnil eb' ajun yet'oc, 'ix 'e't eb' 'a yojl a Jordán cha. A yic tox 'ix 'e't win rey, 'ix stz'ub'n can 'elt win sti win Barzilai, 'ix yaln can sb'a win 'a 'a. Xlajw cha, 'ix meltzj win Barzilai 'a yatut.

A Ch'an̈ B'ab'el Libro Samuel 20:3

'Ix yaln David 'ixtc 'a Jonatán: Caw wal yojc a mam cha, chajtlto caw wach' waj et'oc, yuj cha, matz yal ab'i', sec matz ach cus wu'uj. Palta tzyil Jehová chajtlto jab'xoj sjaw chaml 'a wib'an̈, xchi.

Rt 2:2

Ax 'ix Rut cha, 'ix yal 'ix 'a 'ix Noemí 'ixtic: —Tzin tew 'ayach, to tzac' in permiso tzin 'at 'a 'aj wan yoch polj cebada, toq'ue 'ay junc polm cebada tzchaj sc'ojl in si'n chac sjolm quic 'a spatctaquil, xchi 'ix. —'Ixc 'an, xchi 'ix Noemí cha.

Gn 6:8

Cojxn wal Noé wach' snab'en 'a sat Jehová.

Gn 47:7

Xyi'n pax 'at José smam 'a yojltac win rey, sec wach' tzyojquej 'el winac; 'ix ya'n Jacob stzatzl sc'ojl win rey cha.

A Ch'an̈ Schab'l Libro Samuel 14:21

Yuj cha, 'ix yaln win rey chi 'ixtc 'a Joab: —A ticnec, 'ix in na'a to tzwac' 'el'choc 'icha tas xa na'a. 'Ixic 'at 'ij meltzjoc ni quelm Absalón cha, xchi.

A Ch'an̈ Schab'l Libro Samuel 14:23

Xlajw cha, 'ix 'at Joab 'a chon̈b' Gezur, 'ix 'at yi'nc paxt win Joab chi win Absalón yic tzjapx win 'a Jerusalén.

A Ch'an̈ Schab'l Libro Samuel 14:4

'Ix jaw 'ix 'aj Tecoa chi 'a yojltac win rey cha, 'ix 'em n̈ojn 'ix 'a yojltac winac, yic tzch'oxn 'ix yemmquilal, 'ix yaln 'ix 'ixtic: —Colwjan̈ wet' mamin rey, xchi 'ix.