A Ch'an̈ Schab'l Libro Samuel 14:12 - Chuj San Sebastian Bible

¹² —Mamin rey, tzin tew 'och wal 'ayach, comnoc tza chaj wal ab' junc xo paxti'al, xchi 'ix. —Al cab'noc, xchi winac.

Chuj San Mateo Bible

¹² Ix ochxi ijan ix yalan icha tic: —Mamin rey, elocab' d'a a c'ol to tza cha ab' jun b'elan̈ lolonel ol val d'ayach, xchi ix. —Ala', xchi vin̈ d'a ix.

A Ch'an̈ Schab'l Libro Samuel 14:12 Referans Kwoze

A Tas Sc'ulejnac Eb' Schecab' Jesús Hechos 26:1

Xlajw cha, xyaln win Agripa 'a Pablo 'ixtic: —Tztac' 'aln a paxti ticnec, xchi winac. Ax Pablo 'ix ya'n chan̈ sc'ab', 'ix syamn 'och yaln 'ixtic:

Jeremías 12:1

'Ix waln 'ixtc 'a Dios: Mamin Jehová, toto tzin a'ch 'a tejb'al et'oc, ach tic, caw wal tojln̈ej yaj tas tzala. Palta caw tzin nib'j tzin c'anb'j jun tzo'n̈ tas 'ayach. ¿Tas yuj caw wach'n̈j sc'ojl eb' maysch'olnil sb'eyb'al? ¿Tas yuj caw tzaljc'ojlaln̈ej yaj eb' cojn tas tu tzna'a?

A Ch'an̈ B'ab'el Libro Samuel 25:24

'Ix c'och 'ix 'a yojltac, 'ix yaln 'ixtic: —Ach wajlil, a smul win wichmil cha, can cab' 'a wib'an̈. Tzin tew 'ayach, to tzac' 'in permiso in paxtin jac et'oc, tzab'n tas 'oj wal an a checb' in tic.

Gn 44:18

Xlajw cha, snitzn 'ochch sb'a Judá 'a stz'ey José, xyaln 'a 'ixtic: —Tzin tew 'och 'aych mamin, comnoc tzyal a c'ojol tzwal tas tzin nib'j tzwal 'ayach, yuj wal dios 'ayach, matz cot cab' owl 'ayin, 'icha wal to rey ach.

Gn 18:32

'Ix yaln Abraham jun 'ejm xo: —'Ac' wal niwnc'ojlal 'ayn Mamin, ach Wajlil matz cot cab' owl 'ayin, cojxn jun 'ejm tic tzin tew 'ayach. ¿Tas tzotej toto cojxn lajn̈wan̈ 'anma wach' sb'eyb'al tz'ilchj o'oj? xchi. 'Ix yaln pax Dios 'a 'a: —Toto 'ay lajn̈wan̈ 'anma wach' sb'eyb'al, matz in satl jun chon̈b' cha, xchi Dios.

Gn 18:27

'Ix yaln pax Abraham 'ixtic: —'Ac' niwnc'ojlal 'ayin, to tzin paxtin to jacx et'oc, ach tic Yajl ach, an tic 'anmann̈ej, may jac wel'chi.

A Ch'an̈ Schab'l Libro Samuel 14:11

Palta 'ix 'och wal tecn 'ix 'a win rey cha, 'ix yaln 'ix 'ixtic: —Tzin tew 'och 'aych mamin rey, comnoc tza c'an 'a Jehová qui Diosalec, sec a jun wican tznib'j milwjc sb'a cha, comnoc matz niwtj scham 'anma yu'uj, yic tznib'n smil junx wune cha, xchi 'ix. 'Ix ta'w win rey chi 'ixtic: —Q'ueln 'och wal Jehová tzwalni, may wal jac tas 'oj 'i'nc win one cha, xchi winac.

A Ch'an̈ Schab'l Libro Samuel 14:13

'Ix yaln 'ix 'ixtic: —¿Tas yuj 'icha wal tz'aj yoch eb' wican chi 'ajc'ojlal 'ayin, tas yuj 'ixta tzach 'aj 'och 'ajc'ojlal 'a eb' schon̈b' Dios? Yujto a tas tzal 'a yib'n̈ eb' wican chi mamin rey, locn ach 'oj jawc 'a eb'n̈ yu'uj, yujn̈ej to matz a chaj meltzjoc win onnal 'aycn 'at 'eloc.

A Ch'an̈ Schab'l Libro Samuel 20:17

A yic 'ix c'och Joab 'a stz'ey jun 'ix cha, 'ix sc'anb'n 'ix 'a win 'ixtic: —¿Tom ach tic Joab ach? xchi 'ix 'a 'a. —An toni, xchi winac. —'Ab' wal tas 'oj wal an 'a checb' in tic, xchi 'ix. —Tic tzwab'i, xchi win 'a 'ix.

A Ch'an̈ B'ab'el Libro Yic Yab'ixal Eb' Rey 2:14

'Ix syamn 'och win yal 'ixtic: 'Ay jun in nab'en tzwul wal 'ayach, xchi winac. —Al 'an, xchi 'ix.