A Ch'an̈ Schab'l Libro Samuel 12:31 - Chuj San Sebastian Bible

³¹ Xyi'n pax 'elt eb' 'anma xcan 'a yol chon̈b' cha, 'ix ya'n munljoc eb' yet' q'uen serucho, q'uen piyocha, q'uen ch'acab', 'ay pax eb' x'och n̈usj ladrillo 'a lum jorna. 'Ixtan̈ej x'aj eb' 'anma chi smasnil 'a junjn chon̈b'al eb' amonita cha. Xlajw cha, 'ix meltzj David 'a chon̈b' Jerusalén yet' smasnil eb' soldado cha.

Chuj San Mateo Bible

³¹ Axo eb' anima ixto cani, ix ic'jielta eb' yuj vin̈, ix ac'jioch eb' d'a munlajel ya, icha d'a q'uen sierra, q'uen piocha yed' pax q'uen ch'acab'. Ix ac'jipaxoch eb' d'a mucoj ladrillo d'a horno. An̈eja' icha pax chi' ix aj masanil eb' ay d'a juntzan̈xo schon̈ab' eb' amonita yuj vin̈. Ix lajvi chi', ix meltzaj vin̈ yed' masanil eb' soldado d'a Jerusalén.

A Ch'an̈ Schab'l Libro Samuel 12:31 Referans Kwoze

1 Cr 20:3

Ax jantc to eb' 'anma xcan to yuj 'a jun chon̈b' cha, 'ix 'ijx 'elt eb' yu'uj. 'Ix 'ajx pural eb' smunlj yet' q'uen serucho yet' q'uen piyocha, yet' ch'acab'. An̈jtona', 'ixta pax 'ix yutj David chi eb' amonita 'a jun tzo'n̈ xo chon̈ab'. Xlajw xoj cha, 'ix paxt David chi yet' smasnil eb' soldado 'a Jerusalén.

Am 1:3

A Jehová a 'ix aln 'ixtic: A wal eb' 'aj Damasco, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto 'icha wal tz'aj ste'x 'ixm trigo, 'ixta wal x'aj yixtx 'el eb' 'aj Galaad yuj eb'.

A Ch'an̈ Schab'l Libro Samuel 8:2

An̈jtona', xya'n ganar David eb' moabita. Xya'n 'em n̈ojn eb' 'a sat lu'um, xlajw cha, xyechtan yet' jun ch'an̈ tz'echtan lu'um. A jantc mach tzcan 'a yojl chab' ch'an̈il, tzcham eb', ax eb' tzcan 'a yojl yoxl ch'an̈il, matz cham eb'. 'Ixta 'ajnc yochcn eb' moabita 'a yaln̈ schecnb'il David, x'ochcn eb' yac' stojlb'al 'a 'a.

A Ch'an̈ Carta D'a Eb' Hebreo 11:37

'Ay eb' julxnac cham yet' q'uen q'ue'en. 'Ay eb' polb'il t'ucchjoc snan̈l yet' q'uen serucho. 'Ay eb' caw 'ajxnac prowal. 'Ay pax eb' chamnc yuj q'uen espada. 'Ay eb' 'icha xoj meb'a'il yeq'ui. Cojxn stz'umal no calnelu, no chiwo 'aych spichloc eb'. Caw meb'a eb', til wal yailal 'ec' yab'jnac eb', yajx pax 'och syailal eb'.

1 Cr 20:2

Xlajw cha, 'ix c'och David, xyi'n cot scorona sreyl eb' amonita. A jun corona cha, nab'a oro, til wal q'uen q'uen wach' yilx 'aych 'a 'a, 'oxe aroba yalil. 'Ix ya'n q'ue eb' 'a sjolm David cha. An̈jtona', til wal tas chan̈ stojl 'ix yij 'elt eb' 'a jun chon̈b' cha.

Jeremías 43:9

'Ij 'at jaye'oc niwc q'uen 'a yojltac eb' et chon̈b' 'aj Judá, tza mucn can 'a yaln̈ lum chab'ic lum 'a 'amc' 'a yojltac sdespacho win sreyl Egipto 'a yojl jun chon̈b' tic.

Josué 10:15

Masnto 'a yic xlajw owl cha, xpax Josué yet' eb' soldado 'a scamplamento eb' 'aycn 'a Gilgal.

Am 1:13

A Jehová tzaln 'ixtic: A wal eb' 'aj Amón, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Yujn̈ej snib'n eb' yi' jacx slum, yuj cha, xlaj stecnc 'elt eb' yolsc'ojl eb' 'ix 'ix yet'x yune cajn 'a yol yic Galaad.

Am 1:14

Yuj cha, 'oj wac' n̈usxoc tz'a smuroal chon̈b' Rabá, ax jun c'ac' chi 'oj satnc 'el scuartel eb'. Caw 'oj 'el yaw eb' yuj owal. A jun owl cha, 'icha wal junc niwquil 'ic', 'ixta 'oj 'aj sjawi.