A Ch'an̈ Schab'l Libro Samuel 12:14 - Chuj San Sebastian Bible

¹⁴ Palta yuj jun xa b'o tic, yuj cha, tu tas tzyal eb' 'anma 'ajc'ojl yajch 'a Jehová, atn yuj jun cha, ax scham win onnal tot x'alj cha, xchi Natán.

Chuj San Mateo Bible

¹⁴ Palta a yuj tas ix a c'ulej chi', tz'alji chucal lolonel d'a Jehová yuj eb' ajc'ol yajoch d'ay, yuj chi' ol cham jun uninal toto ix alji chi', xchi vin̈aj Natán chi'.

A Ch'an̈ Schab'l Libro Samuel 12:14 Referans Kwoze

Ro 2:24

A 'a Ch'an̈ U'un̈, ata tzyal 'ixtic: Yuj e b'eyb'al, yuj cha, ton̈j tzb'uchwj eb' man̈ israeloc 'a Dios, xchi.

Is 52:5

Ax ticnec ¿tas 'oj wutc in b'a an Jehová in tic? 'In ton̈j xcomn 'ijx 'at eb' in chon̈b' tic 'a Babilonia 'a nab'an̈ej. Ax eb' tzyac' yajlil 'a yib'n̈ eb', caw wal tzb'an̈ sb'a eb', toxn matz 'och wan eb' in sb'uchni.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

A Ch'an̈ Carta D'a Eb' Hebreo 12:6

Yujto a eb' chamc'ojlbil yuj Cajlil, caw tzyac' cuenta eb'. A eb' tzyij 'och yunnaloc, caw tzyac' syailal eb', xchi 'a Ch'an̈.

Salmos 94:12

Mamin Jehová, caw wach' yic eb' to ach tza' cuenta, tza'n pax yojcoc 'el eb' a cuynb'il,

1 Co 11:32

A yic tzon̈ b'eyc'ojlax yuj Cajlilec cha, a tz'a'n yailal 'a quib'n̈ec, sec wach' man̈x 'oj qui 'atcn 'a junx niwn yailal yet' eb' yic yolyib'n̈q'uinl tic.

Mt 18:7

'Oltac wal eb' 'anma yuj jun tzo'n̈ tas tz'a'n juwc 'el snab'en. Smasnil tiempo 'ay jun tzo'n̈ cha, palta a wal eb' tzc'anlb'ani, tzya'n eb' juwc 'el snab'en yit 'anma'il, caw wal 'oltac eb'.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.

Salmos 74:10

Ach qui Diosal on̈, ¿b'a'n̈to wal 'oj 'och wan eb' 'ajc'ojl on̈ stzuntzn on̈? ¿B'a'n̈to wal 'oj 'och wan sb'uchwj eb' 'ayach?

Nehemías 5:9

Xwaln pax jun 'ejm xo 'a eb' 'ixtic: A jun tas wan e b'on tic man̈ wach'oc. Smoj to tze ch'oxli to niwn yel'ch qui Diosalec 'a e sat, sec wach' man̈xtzac b'uchwj jun tzo'n̈ nacion̈ 'ajc'ojl yajch 'ayn̈ec.

A Ch'an̈ Schab'l Libro Samuel 12:15

Xlajw cha, xpax win Natán 'a yatut. Ax Jehová 'ix 'a'n 'och syailal win nene 'unn yic David chi yet' 'ix yistzil can win Urías cha, caw wal ow x'ajch syailal win cha.

Salmos 69:6

Mamin Jehová tzta'n̈j oj smasnil. A wal eb' tzach 'a'n 'och yipc sc'ojol, comnoc matz q'uixw 'el eb' yuj in mul tz'ochi. An̈ israel on̈ tic on̈, caw yel qui Diosal ach on̈, a wal eb' tzyac' 'ejm sb'a 'ayach, comnoc matz somchj sc'ojl eb' yuj in paltail.

Salmos 99:8

Mamin Jehová qui Diosal ach on̈, tzach ta'wn̈ej 'a eb' a checb' cha. 'Ix a'n lajwc smul eb' quit chon̈b' on̈, palta 'ix ac' syailal eb' yuj tas maysch'olnil sb'o'o.