A Ch'an̈ Schab'l Libro Samuel 1:22 - Chuj San Sebastian Bible

²² Caw may 'aj ton̈j 'ix meltzj Saúl yet' Jonatán 'a 'ichn̈jta 'a owal. A yico', to xb'on̈xn̈ej yespada yet' sjul-lab' 'a scal schiq'uil yet' 'a xepual eb' 'ajc'ojl caw jeln cob' 'a owl cha.

Chuj San Mateo Bible

²² Juntaquel ix meltzaj vin̈aj Saúl yed' vin̈aj Jonatán d'a oval, chic'tac, ma xepu'tac q'uen yespada eb' vin̈ yed' sjul-lab'. Malaj b'aj smeltzaj eb' vin̈ d'a ichn̈ejta', a eb' ajc'ol nivac yelc'ochi, a eb' smilcham eb' vin̈.

A Ch'an̈ Schab'l Libro Samuel 1:22 Referans Kwoze

A Ch'an̈ B'ab'el Libro Samuel 18:4

'Ix yi'n 'el Jonatán jun spotl 'aych yu'uj, 'ix ya'n 'a David, yet' jun tzo'n̈ xo spichl 'aychi, xya'n pax yespada yet' sjul-lab', yet' pax sinchoal snan̈al.

Dt 32:42

Caw chi'ctac 'oj 'aj in jul-lab' yuj schic'l eb', ax wespada 'oj tzu'nc can 'at snan̈l schib'jal eb' chamnc cha, yet' eb' yamchjnac cot 'a owal. A sjolm eb' yajl yajch 'a eb' 'ajc'ojl cha, caw chi'ctac xoj 'oj 'ajcni, xchi Dios.

A Ch'an̈ B'ab'el Libro Samuel 14:47

A yic yochcn Saúl reyl 'a chon̈b' Israel, syamn 'och yac' owl yet' smasnil eb' 'ajc'ojl oyn 'och 'a stz'ey, atn eb' 'aj Moab, eb' yin̈tl Amón, eb' yic Edom, yet' eb' sreyl Soba, yet' pax eb' filisteo. Tzann̈j 'ajtil tz'at yac' owal, an̈j tz'a'n ganar.

A Ch'an̈ B'ab'el Libro Samuel 14:48

'Ix ste'wtzan sb'a Saúl ya'n owl yet' eb' amalecita, 'ix can eb' 'a yaln̈ yu'uj. 'Ixta xyutj scoln 'el eb' israel 'a yol sc'ab' eb' 'elc'um.

Jeremías 50:9

Yujto 'oj wi' cot jun b'uln̈ eb' chon̈b' 'ay 'a stojlal norte, yic tzwul ya'nc eb' owl yet' Babilonia. Caw jun jit'n̈ 'oj yutc sb'a eb', 'oj 'ejmc yuj eb', yujto caw jeln eb' ya'n owal. A yic 'oj julwjc eb', may junc sjul-lab' eb' chi ton̈j 'oj 'ec'oc.