A Ch'an̈ Schab'l Libro Samuel 1:21 - Chuj San Sebastian Bible

²¹ Man̈x cab' 'em n̈ab' yet' chicb'chan̈ 'a yib'n̈ eb' lum switzl Gilboa, man̈x 'a tas 'oj 'awxoc yic tz'ajx ofrendail. Man̈x 'oj stac' yawx eb' lu'um yujto ata x'och chamel. Ata xte'x can 'ejm jun tzo'n̈ tas tzmacn sat jul-lab' 'a eb' syajlil chon̈b' Israel. Ata 'ix can stzictznil jun q'uen tzmacn sat jul-lab' tzc'anlb'ej Saúl.

Chuj San Mateo Bible

²¹ Man̈xoocab' em n̈ab' yed' yal ac'val d'a yib'an̈ vitzal Gilboa chi', yic maxtzac q'uib' tas tz'ac'ji d'a ofrendail, yujto ata' ix laj tec'jican smaclab' jul-lab' eb' vin̈ soldado yic Israel te tec'an. Ata' ix satel scopopial yilji smaclab' jul-lab' vin̈aj Saúl.

A Ch'an̈ Schab'l Libro Samuel 1:21 Referans Kwoze

A Ch'an̈ B'ab'el Libro Samuel 31:1

'Ix 'och eb' filisteo yac' owl yet' eb' israel, ax eb' soldado israel 'ix 'at eb' 'elc yuj eb'. Caw niwn eb' xchamcn 'a lum witz tzcuch Gilboa.

Is 21:5

Tox sb'o' 'ejm eb' te mexa, lista xo yaj 'aj tz'em wocn eb' 'anma swa'i, tzyu'n eb' tas tzyuq'uej, wanto wal cha, 'ix 'och jun 'aw 'ixtic: Q'uen̈ec wan ex syajlil eb' soldado, 'a'c lista e b'a yet' tas tzmacn sat jul-lab', xchi xwab'i.

A Ch'an̈ B'ab'el Libro Samuel 10:1

Xlajw cha, xyi'n cot Samuel jun yet'l aceite, 'ix secn q'ue aceite chi 'a sjolm Saúl, 'ix stz'ub'n 'elt sti', xyaln 'a 'ixtic: A Jehová a tzach 'a'n 'och syajlilc qui chon̈ab'.

Jl 2:14

Meltzjan̈c 'a 'a, toq'ue matz ya'ch yailal 'a quib'n̈ec, ax tz'aji, tzya'n cot yaxilal 'a quib'n̈ec, atn qui trigo, yet' yal qui uva. Yuj cha, 'ay tas tztac' ca'nec ofrendail 'a 'a.

Jl 1:9

'Ixta cab' tz'aj yoc' eb' ya'mal 'och qui ti 'a Dios, yujto man̈x 'a tas tzc'uxxi, man̈x 'a pax yal uva 'a yatut Dios, atn wal jun tzo'n̈ ofrenda tz'ajx 'a Jehová.

Ez 31:15

An Jehová Yajl in, an tzwala: A yic xc'och jun te niwquil te chi 'a 'aj 'ay yet'l eb' chamnc cha, 'ix tacj chan̈ eb' a a 'ay 'a yol lum yuj cusc'ojlal, 'ix 'och wan sb'ey eb' a niwc a', 'ix wa'n cus eb' lum jolmctac witz yic Líbano, ax smasnil eb' te te', 'ix tacj chan̈ eb' te'.

Is 5:6

'Oj can 'a cusltacl wu'uj, may xon mach 'oj mesnoc 'el te sc'ab', may mach 'oj 'i'nc 'el ya'nil, 'oj q'uib'x chan̈ sc'ultcal, nab'a q'uix 'oj 'ajoc. Ax waln 'a 'asun, to man̈xtzac yac' cot n̈ab' 'a yib'n̈ jun lum cha, xchi win 'aj munljel cha.

1 Cr 10:8

Ax 'a junx c'u, 'ix 'at eb' filisteo, spojn 'ec' eb' tastc 'ay 'a eb' xcham cha. 'Ix 'ilchj Saúl yuj eb' yet' eb' yunnal, t'ocn 'ec' eb' 'a lum jolm witz Gilboa, chamnc xo eb'.

1 Cr 10:1

'Ix yac' eb' filisteo owl yet' chon̈b' Israel, ax x'aji 'ix 'at eb' israel chi 'elc yuj eb' filisteo cha, caw niwn eb' israel chi xcham 'a lum witz tzcuch Gilboa.

Jueces 5:23

Ax jun yángel Jehová xaln 'ixtic: Jaw cab' scatb' Jehová 'a yib'n̈ chon̈b' Meroz, yet' 'a yib'n̈ smasnil eb' 'anma cajn 'a 'a, yujto ma'ix 'och eb' yet' Jehová yic xya'n owal, 'icha xyac' jun tzo'n̈ xo eb' soldado ma'ix xiwi, xchi.

Cantares 4:4

A 'a jaj, lajn wal yilx 'icha jun torre b'ob'il yuj David, jun 'aj locn 'och jun mil eb' q'uen smacl sat jul-lab' yic eb' 'a'm owl caw jelan.

A Ch'an̈ B'ab'el Libro Samuel 31:8

Ax 'a junx c'u, 'ix 'at eb' filisteo chi 'at yi'c tastc 'a eb' israel 'ix chamcn 'a owl cha. Ax xyiln eb' t'ocn 'ec' Saúl yet' 'oxwn̈ eb' yunnal xcham 'a lum witz tzcuch Gilboa.