A Ch'an̈ Schab'l Libro Samuel 1:14 - Chuj San Sebastian Bible

¹⁴ —¿Tas yuj 'ix a te'wtzej a b'a a miln cham win rey sic'b'il 'och yuj Jehová? xchi David.

Chuj San Mateo Bible

¹⁴ —¿Tas yuj ix a tec'b'ej a b'a a milancham vin̈ sic'b'ilel yuj Jehová chi'? xchi vin̈aj David chi'.

A Ch'an̈ Schab'l Libro Samuel 1:14 Referans Kwoze

A Ch'an̈ B'ab'el Libro Samuel 26:9

—Man̈ a mil chamoc, yujto tzann̈j mach tzmiln cham win rey to sic'b'il 'el yuj Jehová, tzjaw yailal 'a yib'an̈.

A Schab'il Carta San Pedro 2:10

'Ay eb' caw tzya'ch snab'en sb'on jun tzo'n̈ maysch'olnil tznib'j 'och yet' sniwnal. May jac yel'ch Cajlilec 'a sat eb', yujto matz chaj eb' 'ajxc mandar sb'a yu'uj. Atn eb' chi 'oj wach' 'ajx can 'och 'a syailal. Man̈xtzac xiw eb' jac sb'on jun tzo'n̈ maysch'olnil cha. Toxn̈ej tzcomn b'oj eb' 'icha tznib'ej. 'In matz xiw eb' sb'uchwj 'a jun tzo'n̈ caw niwn spoder.

Salmos 105:15

Man̈ e tzuntzc eb' sic'b'il 'el wuj tic, man̈ eyixtc eb' in checb' tic, xchi.

A Ch'an̈ B'ab'el Libro Samuel 31:4

Yuj cha, 'ix yaln 'ixtc 'a win schecb' 'et'jnac syamc'ab' tzmacn sat jul-lab': —'Ij q'uet espada, tzin a tecn cham yet'oc, sec a jun tzo'n̈ chuc chon̈b'al tic, ma'oj tzaljoc eb' in smilni, xchi Saúl. Palta ax win 'et'jnac syamc'ab' cha, ma'ix syiclj tas xyala, yujto caw tzxiw winac. Yuj cha, xyi'n q'uet Saúl chi yespada, sjuln 'ejm lachn̈joc sb'a 'a yib'n̈ q'uen espada cha.

A Ch'an̈ B'ab'el Libro Samuel 24:6

'ix yaln 'ixtc 'a eb' winc ajun yet' cha: —¡A cab' Jehová matz chan in b'o tas tu 'a win rey tic, yujto a 'a'jnac 'och win reyal! xchi.

Nm 12:8

q'uelc'mb'a wal tzin 'aj in paxtin yet'oc, jichn tzwutj paxtinc in b'a 'a 'a, tzin yilchj wal si'mb'il. ¿Tas pax yuj tze te'wtzej e b'a eyaln speclal? xchi Dios 'a eb' chawn̈ cha.

A Ch'an̈ B'ab'el Libro Samuel 10:1

Xlajw cha, xyi'n cot Samuel jun yet'l aceite, 'ix secn q'ue aceite chi 'a sjolm Saúl, 'ix stz'ub'n 'elt sti', xyaln 'a 'ixtic: A Jehová a tzach 'a'n 'och syajlilc qui chon̈ab'.

A Ch'an̈ B'ab'el Libro Samuel 12:3

A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.

A Ch'an̈ B'ab'el Libro Samuel 26:11

A cab' Jehová matz chan in mil cham win rey to sic'b'il 'el yu'uj. Palta 'ij cot slanza 'ayc' 'a sjolmtac cha, yet' a a 'ay 'a yol yet'l cha, tzlajw cha, tzon̈ 'atxi, xchi David.

Lm 4:20

A jun qui reyl cob' yipc'ojlal yaj cuj on̈, atn jun sic'b'il 'el yuj Jehová, tox 'ix yamchj win yuj eb' 'ajc'ojol. An̈ tic on̈, xqui na cob'i', to 'oj on̈ scol win 'a jun tzo'n̈ xo nacion̈.

A Ch'an̈ B'ab'el Libro Samuel 24:7

'Ixtnta xyutj David stenn 'och wan eb' winc ajun yet' cha, ma'ix yac' spermiso eb' smiln cham Saúl. 'Ix 'el paxt win 'a yojl q'uen n̈aq'uen cha, 'ix 'atxi.

A Ch'an̈ B'ab'el Libro Samuel 24:11

Mamin rey, 'ilt nab'n sti a jucn pichl 'ayc' 'a yol in c'ab' tic. Q'uinloc to xyal in c'ojol caw wal may syaloc ach in miln chamoc. A yet' jun tic tzojquej 'eli chajtlto may junc maysch'olnil tzin na 'a a patquil. May 'aj x'och in mul, may 'aj xwij chan̈ in b'a 'ayach, palta ach tic tzin 'a sayq'ui yic tzin 'a'n milxoc.