A Ch'an̈ Schab'l Libro Samuel 1:12 - Chuj San Sebastian Bible

¹² Caw x'oc' eb' yuj schamlil Saúl yet' Jonatán, an̈jtona yujto xlajw 'el eb' soldado israel 'a owal, atn eb' schon̈b' Jehová. 'Ix 'och pax eb' 'a c'ajb'c'ojlal masnto 'a yic xq'uic'b' 'ejm 'a yic jun c'u cha.

Chuj San Mateo Bible

¹² Ix te oc' eb' yuj schamel vin̈aj Saúl yed' vin̈ yuninal chi', aton vin̈aj Jonatán, yujto toxo ix ac'ji ganar eb' soldado israel schon̈ab' Jehová yuj eb' filisteo. Majxo valaj eb' yuj cusc'olal masanto ix em c'u.

A Ch'an̈ Schab'l Libro Samuel 1:12 Referans Kwoze

Mt 5:44

Palta an tzwal 'ayex, yowlal tze chamc'ojlej eb' 'ajc'ojl yajch 'ayex. [A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. Wach'n̈j tzeyutj e b'a 'a eb' tzchichn 'och 'ayex. Ax eb' tzex b'uchni,] yet' eb' tz'a'n 'och 'a eyib'an̈, tzex leslwi pax yuj eb'.

Pr 24:17

Man̈ ex tzaljoc yic tzcot 'a yib'n̈ eb' 'ajc'ojl yajch 'ayex.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

2 Co 11:29

Toto 'ay eb' mant 'a ste'nal, caw tzin 'och 'il yuj eb', 'icha to may in te'nal yet' eb'. Toto 'ay eb' tz'ajx juwc 'el snab'en, caw tzwab' syal si'mb'il yuj eb'.

Am 6:6

A 'a yol niwc vaso tzeyu'j yal uva jawnc sti', a wal perjuma caw chan̈ stojol a tze c'ana, palta matz ex 'och 'il jab'oc, toto wan yixtx 'el yol qui nacion̈ec tic.

A Ch'an̈ Schab'l Libro Samuel 3:35

Xlajw cha, xjaw smasnil eb' chon̈b' 'a David, 'ix tew 'och eb' 'a 'a, sec tzwa jab'oc, ya' sb'a mantzac 'em c'u, palta xya'n David sti', xyaln 'ixtic: —A cab' Dios tz'a'n 'och yailal 'a wib'n̈ si'mb'il, toto tzin wa'i, mto tzin c'ux junc tas 'a yic mantzac 'em c'u, xchi.

Jeremías 9:1

¡Comnoc wal lajn yol in sat tic yet' junc a spac'b'a tz'el yoctac, sec sc'ual, yac'wlil woc' yuj smasnil eb' wit chon̈b' xlaj chami!

A Ch'an̈ B'ab'el Libro Samuel 31:13

Xlajw cha, 'ix swach' mucj can eb' sb'acl eb' chi 'a yich jun te te 'ay 'a yol yic Jabes cha. Uque c'u 'ix 'och eb' 'a c'ajb'c'ojlal yet' 'a cusc'ojlal yuj eb' xcham cha.

A Ch'an̈ B'ab'el Libro Samuel 31:6

'Ixta 'ix 'aj xcham Saúl yet' pax 'oxwn̈ eb' yunnal 'a jun c'u cha. 'Ix cham pax win schecb' 'et'jnac syamc'ab' yic owal, yet' pax smasnil eb' soldado ajun yet'oc.