A Schab'il Carta San Pedro 3:17 - Chuj San Sebastian Bible

¹⁷ Ax xo ex chamc'ojlb'il wu'uj, 'aycto xeyab'ni tastc 'oj jawoc, yuj cha, caw tzeyil wal e b'a 'a eb' maysch'olnil xwal tic, sec ma'oj e somchj 'el yuj jun tzo'n̈ chuc cuynb'ilal cha. Toto ma'ay, caw 'oj juwc e nab'en, ax sat 'ejm e te'nal.

Chuj San Mateo Bible

¹⁷ A exxo, xajanab'il ex vuuj, ayocto ix eyab'ani tastac ol javoc. Yuj chi', tzeyil val e b'a d'a eb' chuc ix val tic, yic vach' man̈ ol ex somchajel yuj juntzan̈ sch'oc c'ayb'ub'al eb' chi'. Tato maay, ol juvoquel e pensar, axo satxiel e tec'anil chi'.

A Schab'il Carta San Pedro 3:17 Referans Kwoze

A Ch'an̈ Carta D'a Eb' Hebreo 3:14

Yujto yictax b'ab'el, ca'jnaquec 'och yipc qui c'ojol. Toto an̈ja te'n tzcutjec qui b'a ca'n 'och yipc qui c'ojol, masnto 'a slajub', to 'ixta', 'ay calnec quic yet' Cristo.

A Scarta San Pablo D'a Eb' Aj Colosas 2:8

Tzeyil wal e b'a. Man̈ e cha juwc 'el e nab'en yuj jun tzo'n̈ eb' jeln tzyutj yaln yico'. Caw jeln eb' ya'n 'es, palta may jac yel'ch tas tzyal eb' cha, yujto man̈oc 'a Cristo tzcot jun yic eb' cha. An̈j sb'eyb'al yic smam yichm eb' tzyala, yet' jun tzo'n̈ xo cuynb'il yic yolyib'n̈q'uinl tic.

Ef 4:14

Yujto tznib'ej, man̈xtoc lajn on̈ 'icha eb' 'unn c'un somchj snab'en. A ticnec, 'ay eb' lajn 'icha junc barco ton̈j tz'eytz'n 'ec' yuj 'ic', yujto ton̈j tzsomchj snab'en eb' yuj jun tzo'n̈ chuc cuynb'ilal tzalx 'a eb'. Ton̈j tz'ixtx paxti eb' yuj jun tzo'n̈ eb' jeln ya'n 'es. A eb' cha, tznib'j eb' tzon̈ yij 'at 'a junc comn b'eyb'al.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

1 Co 10:12

Yuj cha, a mach tznani to caw tec'an, yowlal tzyac' cuenta sb'a, yujto 'ay smay tzjuw 'eli.

Mt 7:15

'Ay eb' tzcob' yalch sb'a schecb'oc Dios, caw tzeyil wal e b'a 'a eb', yujto a yic 'oj c'och eb' 'ayex, caw manso 'oj cob' yutc sb'a eb' 'icha junc calnelu. Palta ax snab'en eb', caw tu', 'icha junc 'ocs caw ow.

Ro 16:18

Yujto a eb' cha, man̈oc Cajlil Jesucristo tzyac' servil eb', an̈j jun tzo'n̈ tas tznib'j 'och sniwnal eb', an̈j tzyac' servil eb', caw tzyixtj paxti eb' jun tzo'n̈ eb' mantzac nachj 'el yu'uj. C'un tzcob' yutc eb' yalni, 'icha to wach' cob' chi tzyal eb', palta man̈ wach'oc.

Pr 1:17

May yopiso junc yal tzb'o'i, toto tzyil sb'a no ch'ic 'a 'a,

2 Ti 4:15

An̈jtona 'ach, tzel a b'a 'a winac, yujto caw tzchichn 'och win 'a jun 'ab'x tzcal-li.

2 Co 11:3

Palta tzin xiwi, toq'ue 'icha 'ajnc 'ix Eva yixtx paxti yuj sjelnal jun ya'jnac 'och sb'a chanil, toq'ue 'ixta tzex 'aj eyixtx paxti jun xo. Lemb'il yuj cha, ax eyi'n 'el e nab'en 'a Cristo. Lemb'il man̈x tojloc 'oj eyutc e b'a 'icha tznib'ej.

Mt 16:6

'Ix yaln Jesús 'ixtc 'a eb': —'Ab'ec, tzeyil wal e b'a. A wal yich span ewin fariseo yet' yich span pax ewin saduceo, caw 'ay smay tzex juw 'el yu'uj, xchi 'a eb'.

A Tas Sc'ulejnac Eb' Schecab' Jesús Hechos 2:42

Caw xya'ch eb' snab'en 'a jun tzo'n̈ cuynb'il xyac' eb' schecb' Jesús. Junxn̈ej xlaj yutc eb' snab'en smasnil. Tzyamn sb'a eb', yic tzleslwi eb'. Tzwan eb' 'ixm pan, yic snanb'il cot Cajlil.

Mt 16:11

A yic xwaln 'ayx yuj yich span ewin fariseo yet' yich span ewin saduceo, ¿tas yuj ma'ix nachj 'el eyu'uj, tas tzyal 'el'chi? A e nani to a jun tzo'n̈ caw pan xwala, xchi 'a eb'.

Apoc 2:5

Yuj cha, nac coti chajtl eyaj 'a yic mantzac juw 'el e nab'en. Nac e b'a, b'oc e b'eyb'al 'icha 'a yic yalan̈. Toto matz e na e b'a, 'oj in c'och 'ayx muc'uc, ax wi'n 'el e cantil 'a yet'ul.

A Sb'ab'el Carta San Pedro 5:9

Caw te'n tzcutjec qui coln qui b'a 'a 'a. Te'n tzcutjec ca'n 'och qui c'ojl 'a Dios. Yujto cojquec xo, to a eb' quit creyenteal 'a yolyib'n̈q'uinl tic, wan yab'n pax eb' syal 'icha 'on̈c tic.

A Scarta San Pablo D'a Eb' Aj Colosas 2:5

Wach'xam man̈ in 'ayc 'ec' eyet' ta', palta 'icha to caw 'ayn 'ec' eyet'oc. Yuj cha, caw tzin tzalji, yic tzwab'ni to junn̈j tzeyutj e b'a ta', te'n tzeyutj eya'n 'och e c'ojl 'a Cristo.

A Scarta San Pablo D'a Eb' Aj Filipos 3:2

Caw tzeyil wal e b'a 'a jun tzo'n̈ eb' 'anma tu snab'en. Caw maysch'olnil tzyutj sb'a eb', yujto tznib'j eb' tzpol-l jac stz'umal e niwnal. A sb'eyb'al eb' cha, lajn 'icha no tz'i', caw yajb'entac tzyutj sb'a eb'.

Jn 16:4

Tzwalcn jun tzo'n̈ tic 'ayex, sec a yic 'oj jawc jun tiempoal cha, 'oj e na coti, to waljnacx can 'ayex. Ma'ix wal jun tzo'n̈ tic 'ayx 'a yic yalan̈, yujto 'aynto 'ec' eyet' ta'.

Gl 5:4

Ax xo tze na'a, to wach'x 'a sat Dios, yujto yiclum ex 'a jun ley cha, ax 'a Cristo, toxn man̈x 'a jac eyaln eyic 'a 'a. Man̈x 'a swach'c'ojlal Dios 'oj e cha'.

A Schab'il Carta San Pedro 2:7

Cojxn wal win Lot colchjnac 'el 'a scal eb', yujto tojl yutjnac snab'en. Yic 'ayt 'ec' eb', caw 'ochnc pitz'n cusc'ojlal 'a spixn yuj eb'.

A Schab'il Carta San Pedro 3:1

Ex chamc'ojlb'il wu'uj, a jun in carta tic, schab'l xo junx tic tzin tz'ib'j 'at 'ayex. Tic an̈ja tzwac' e na paxt jun tzo'n̈ cuynb'il eyojc xoni, sec 'oj wach' b'o wal e nab'en si'mb'il.