A Schab'il Carta San Pedro 3:13 - Chuj San Sebastian Bible

¹³ Palta an̈ec xo tic, wan qui tan̈wniec junx 'ac' satcha'an̈, yet' junx 'ac' yolyib'n̈q'uinal, yujto 'ixta yaj ya'n can Dios sti'. A wal eb' 'oj c'och ta', tojl xoj 'oj 'aj snab'en eb'.

Chuj San Mateo Bible

¹³ Palta a on̈xo tic, van co tan̈van jun satchaan̈ ac'to yed' sat luum ac'to, yujto icha chi' aj yac'annaccan sti' Dios. An̈ej eb' tojol ol cajnaj ta'.

A Schab'il Carta San Pedro 3:13 Referans Kwoze

Is 65:17

'Ab'ec, 'oj in b'o junx 'ac' satcha'an̈ yet' junx 'ac' yolyib'n̈q'uinal. A jun 'ayc' tic, 'oj 'ec'oc, man̈x 'a mach 'oj nanc coti, 'oj 'atcn 'a satc'ojlal.

Apoc 21:1

Xlajw cha, xwiln jun 'ac' satcha'an̈, yet' jun 'ac' yolyib'n̈q'uinal. Yujto a jun b'ab'l satcha'an̈, yet' jun b'ab'l yolyib'n̈q'uinal, satnc 'eli. An̈jtona a mar, man̈x 'a a'.

Is 66:22

Yujto 'icha wal yilx jun 'ac' satcha'an̈ yet' jun 'ac' yolyib'n̈q'uinl 'oj in b'o', to 'oj cann̈j 'a jun 'ejmn̈ej, 'ixta 'oj 'aj e b'inax yet' eyin̈tl 'a smasnil tiempo.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 65:25

An Jehová in, an tzwala to a no 'oques yet' no calnelu, junn̈j 'oj 'ec' say wa sb'a e no', ax no león yet' no wacax, a te c'ultc 'oj slo e no', a no chan a lum pococ 'oj slec' no'. May junc tas 'oj stac' yixtn jun tzo'n̈ noc' chi 'a lum tzaln to wicn̈ej yaji, xchi Dios.

Ro 8:21

yujto smasnil jun tzo'n̈ chi 'oj colchjoc 'eli, sec man̈x 'a tas 'oj 'i'noc eb'. 'Icha 'oj cajc qui colchj 'el an̈ yunnaln̈ec xo Dios, ax cajc 'a swach'il, 'ixta 'oj 'aj scolchj pax 'el jun tzo'n̈ xo eb' cha.

A Schab'il Carta San Pedro 1:4

Yuj spoder cha, ya'jnac can sti 'ayn̈ec. A jun tzo'n̈ tas yaljnac can cha, caw niwn yel'chi, til wal swach'il. Yuj jun tzo'n̈ cha, tztac' tzon̈ colchjec 'el 'a yol sc'ab' jun tzo'n̈ maysch'olnil tznib'j 'och eb' 'anma 'a yolyib'n̈q'uinl tic. Toto 'ixta tzon̈ 'ajec, caw lajnn̈ej tz'aj qui nab'enec yet' Dios, yuj jun tzo'n̈ tas yaljnac can cha.