A Schab'il Carta San Pedro 1:2 - Chuj San Sebastian Bible

² Ya' cab' Dios swach'c'ojlal yet' sjunc'ojlal 'ayx ta', yujto eyojc xo Dios cha, yet' Cajlil Jesucristo.

Chuj San Mateo Bible

² Yac'ocab' svach'c'olal yed' sjunc'olal Dios d'ayex, yujto eyojtacxo yed' Cajal Jesucristo.

A Schab'il Carta San Pedro 1:2 Referans Kwoze

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.

A Scarta San Pablo D'a Eb' Aj Filipos 3:8

Jantcn̈ej jun tzo'n̈ tas wa'jnac 'och yipc in c'ojol, may jac yel'ch 'a in sat ticnec. Yujto 'ay junx yel xo wach' tzin b'o'o, to tzwojquej 'el Cristo Jesús, atn Cajlilec. Yuj Cristo tic, c'uxn satnc 'el smasnil jun tzo'n̈ wa'jnac 'och yipc in c'ojl cha. Ax ticnec, 'icha c'alem xoj yaj 'a in sat, yujto tzin nib'j tzwique'ej Cristo 'a jun 'ejmn̈ej.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.

San Judas 1:2

'O'ch cab' sc'ojl Dios 'ayex. Ya' cab' sjunc'ojlal yet' schamc'ojlal 'ayx ta'.

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Lc 10:22

Xlajw cha, xyaln pax 'ixtc 'a eb' 'anma 'ayc' ta': A 'in Mam, ya'jnac 'och smasnil tas 'a yol in c'ab'. May junc mach 'ojtnacn an Yunnaln tic, cojxn in Mam 'ojtnac in. An̈jtona', may mach tzcomn 'ojcan 'el in Mam, cojxn in an Yunnaln tic wojtac, yet' pax eb' tzin nib'j tzwac' 'ojcanc 'eli, xchi 'a eb'.

Dn 4:1

'Ix yaln win rey Nabucodonosor jun tzo'n̈ spaxti tic 'ixtc 'a smasnil eb' chon̈b' 'ay 'a yol smacb'en: An reyn tic, tzwac' stzatzl e c'ojl e masnil ex chon̈ab', ex nacion̈, wach'xam chucchc e ti tzeyala, ex to cajn ex 'a sat smasnil lum lum tic.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

A Schab'il Carta San Pedro 2:20

A 'a yic ca'nec 'och qui c'ojl 'a Cajlil Jesucristo qui Colmal, ata colchjnacn̈ec 'elt 'a yol sc'ab' jun tzo'n̈ maysch'olnil 'a yolyib'n̈q'uinl tic. Palta toto tzat ca'c 'och qui b'a 'a yol sc'ab' jun tzo'n̈ chi jun 'ejm xo, toto tzon̈ canc 'a yaln̈ yu'uj, yel xo wal caw maysch'olnil quiquec 'icha 'a yic yaln̈taxi.

A Schab'il Carta San Pedro 1:8

Toto yel xo tzqui wach' b'ojec jun tzo'n̈ tic 'a junjn c'u, toto 'ixta', caw 'ay copisoec yuj Dios. Man̈ nab'an̈ejoc xcojquejec 'el Cajlil Jesucristo.

A Schab'il Carta San Pedro 1:3

'Ay jun tzo'n̈ tas 'ay tz'och cujec, yic tzqui chanec qui q'uinl 'a jun 'ejmn̈ej, yic tzca'nec pax 'och qui nab'en 'a Dios. Yujn̈ej spoder, c'uxn xyac' jun tzo'n̈ chi 'ayn̈ec, yujto xyac' cojcoquec 'el Jesucristo. A 'awtjnacn̈ec 'och yico'oc, yujto caw niwn yel'chi, man̈ jantcoc swach'il.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

Dn 6:25

Xlajw cha, stz'ib'n 'at win rey Darío scarta 'a smasnil eb' 'anma 'a junjn nacion̈, yet' 'a junjn ti'al, xyaln 'at win 'ixtic: Tic tzwa't stzatzl e c'ojol, 'ay cab' e junc'ojlal.

A Schab'il Carta San Pedro 1:5

Yuj cha, man̈ cojnoc tzca'c 'och qui c'olj 'a 'a. Yowlal tzca'c pax 'ip qui tojlb'tzan qui b'eyb'al, caw qui cuyc sjelnal Dios.