A Ch'an̈ Schab'il Libro Yic Yab'ixal Eb' Rey 9:36 - Chuj San Sebastian Bible

³⁶ Xlajw cha, 'ix meltzj eb' wul yal 'a Jehú, yuj cha, 'ix yaln Jehú 'ixtic: —Toxn yaljnac can Elías win schecb' Dios 'aj Tisbe, chajtlto a no tz'i 'oj chinc 'ejm sniwnal Jezabel 'a yol yic Jezreel.

Chuj San Mateo Bible

³⁶ Axo ix paxta eb' vin̈, ix yalan eb' vin̈ d'a vin̈aj Jehú tas yaji, ix yalan vin̈: —Icha tic ix aj yelc'och tas schecnac Jehová yal vin̈aj Elías aj Tisbe, vin̈ schecab' to a noc' tz'i' ol chianb'at snivanil ix Jezabel d'a yol yic Jezreel.

A Ch'an̈ Schab'il Libro Yic Yab'ixal Eb' Rey 9:36 Referans Kwoze

A Ch'an̈ B'ab'el Libro Yic Yab'ixal Eb' Rey 21:23

Ax pax yuj 'ix Jezabel, 'ixtc xyutj Jehová yaln yuj 'ix: A e no tz'i 'oj chinc schib'jal 'ix Jezabel 'a yol smacb'en chon̈b' Jezreel, xchi.

Lv 8:36

'Ixta 'ix yutj syiclni Aarón yet' eb' yunnal smasnil tas 'ix yac' Jehová yal Moisés 'a eb'.

A Ch'an̈ Schab'il Libro Yic Yab'ixal Eb' Rey 14:25

'Ix yi'n can pax 'ec' Jeroboam smasnil lum slum chon̈b' Israel 'e'nc yuj jun tzo'n̈ xo nacion̈ 'a yaln̈taxi, schaj 'at 'a 'aj tzon̈ 'och 'a Hamat, masnto 'a a mar yic Arabá, 'icha yutjnac yaln Jehová sDiosal chon̈b' Israel 'a Jonás atn jun schecab', win yunnal Amitai 'aj Gat-héfer.

A Ch'an̈ Schab'l Libro Samuel 12:25

Yuj cha, schecn pax cot Jehová win Natán wul yal 'a David, to chamc'ojlb'il jun 'unn chi yu'uj, yuj cha, to Jedidías tz'ajx sbic yuj David.

A Ch'an̈ Schab'il Libro Yic Yab'ixal Eb' Rey 9:10

Ax pax yuj 'ix Jezabel, a no tz'i 'oj chinc 'ejm 'ix 'a yol yic Jezreel, man̈x 'a mach 'oj mucnoc, xchi Jehová, xchi jun schecb' Dios cha. Ax yic xlajw yaln jun tzo'n̈ tic, xlajwn̈ej cha, 'ix sjacn spuertail jun n̈a cha, 'ix 'at 'eloc.

A Ch'an̈ Schab'il Libro Yic Yab'ixal Eb' Rey 9:35

Palta ax yic x'at eb' 'at smucu', ax xyiln eb', cojxn̈ej sb'acl sjolom, yet' yoc yet' sc'ab' 'ayq'ui.

A Ch'an̈ Schab'il Libro Yic Yab'ixal Eb' Rey 1:17

Ax x'aji, 'ix cham win rey, 'icha 'ix yutj yaln Elías yuj Jehová. Yujto may xon junc yunnal, yuj cha, a jun yu'tac tzcuch Joram, a 'ix 'ochcn reyl sjeloc, atn 'a yic schab'l xo ab'il yoch Joram yunnal Josafat reyl 'a Judá.

A Ch'an̈ Schab'il Libro Yic Yab'ixal Eb' Rey 15:12

'Ixtnta 'ix 'aj yel'ch tas 'ix yal Jehová 'a win rey Jehú, yic 'ix yalni, to a eb' yin̈tl 'oj 'em wocn 'a sdespacho ya'n reyl 'a chon̈b' Israel, masnto 'a schan̈ macn̈il yin̈til.