A Ch'an̈ Schab'il Libro Yic Yab'ixal Eb' Rey 9:25 - Chuj San Sebastian Bible

²⁵ Xlajw cha, 'ix yaln Jehú 'ixtc 'a jun scapitan̈ Bidcar sb'i: —¡'Ij 'elta! Tzlajw cha, tz'at 'a julnc can 'el 'a sti 'el slum can Nabot win 'aj Jezreel cha. Yujto tzat in na coti to ach tic ajun ach wet'oc, yic tza'n on̈ 'a spatquil scaruaje Acab, atn smam jun winc tic, yic yaln can Jehová 'a yib'n̈ 'ixtic:

Chuj San Mateo Bible

²⁵ Ix lajvi chi' ix yalan vin̈aj Jehú chi' d'a vin̈aj Bidcar, vin̈ scolvaj yed'oc: —Iq'uelta vin̈ d'a yol scarruaje chi', tza yumancanb'at vin̈ d'a yol smacb'encan vin̈aj Nabot aj Jezreel, yujto tzato in nacoti to a ach jun ved'nac ach ayic tzac'an on̈ och d'a spatic scarruaje vin̈aj Acab smam jun vin̈ tic, ayic yalannaccan jun lolonel tic Jehová d'a yib'an̈ vin̈aj Acab chi' icha tic:

A Ch'an̈ Schab'il Libro Yic Yab'ixal Eb' Rey 9:25 Referans Kwoze

A Ch'an̈ B'ab'el Libro Yic Yab'ixal Eb' Rey 21:19

'At al 'a win 'ixtic: 'Ixtc wal xyutj Jehová yaln 'ayach: Yujto 'ix a mil win Nabot, 'ix a to'n 'ec' slum winac, yuj cha, a wal 'aj 'ix le'x schic'l win Nabot yuj e no tz'i', a pax ta 'oj slec' e no ec jun xo, xchi Dios, xchi Elías cha.

Is 13:1

'Aycto yaln can Dios 'a win Isaías, win yunnal Amoz, tas jun tzo'n̈ 'oj jawc 'a yib'n̈ chon̈b' Babilonia, yic yaln 'a win 'ixtic:

Mt 11:30

Yujto a jun 'icha 'ictz tzwac' e cuch tic, man̈ 'aloc, man̈ 'ajltacc in eya'n servil, xchi Jesús 'a eb'.

Malaquías 1:1

An Malaquías in tic, schecb' Dios waj 'a chon̈b' Israel.

Nahúm 1:1

An Nahúm in tic, ata cajn in 'a jun aldea tzcuch Elcos. A 'ayn xyal Dios yuj jun tzo'n̈ paxti 'a 'icha waych'il yuj tas 'oj jawc 'a yib'n̈ chon̈b' Nínive.

A Ch'an̈ B'ab'el Libro Yic Yab'ixal Eb' Rey 19:17

A tas 'oj ujoc, toto 'ay mach 'oj 'at 'elc 'a yol sc'ab' Hazael, ax win Jehú chi 'oj milnoc, ax mach 'oj 'at 'elc 'a yol sc'ab' Jehú, ax Eliseo chi 'oj milnoc.

A Ch'an̈ B'ab'el Libro Yic Yab'ixal Eb' Rey 21:1

'Ay jun win 'aj Jezreel, Nabot sb'i winac, 'ay jab' slum win 'aj 'ay yawb'en uva 'a stz'ey 'aj 'ay sdespacho win Acab, win rey 'a chon̈b' Samaria.

A Ch'an̈ Schab'il Libro Yic Yab'ixal Eb' Rey 9:26

'Icha wal 'ix wil smilx cham Nabot yet' eb' yunnal 'ewi, 'ixta wal pax 'oj wutc wa'n spac 'aych 'a jun lugar tic, xchi Jehová. Yuj cha, 'ij 'elta, tz'at a julnc can 'at 'a lum slum can Nabot, yujto 'ixta yutjnac Jehová yalni, xchi Jehú.

Ez 12:10

Al 'a eb' to an tzwac' a b'o jun tic yic tz'och ch'oxnb'ilal 'a eb' yuj tas 'oj 'aj win sreyl Jerusalén, yet' smasnil eb' et israelal cajn 'a jun chon̈b' cha.

A Ch'an̈ Schab'il Libro Yic Yab'ixal Eb' Rey 15:12

'Ixtnta 'ix 'aj yel'ch tas 'ix yal Jehová 'a win rey Jehú, yic 'ix yalni, to a eb' yin̈tl 'oj 'em wocn 'a sdespacho ya'n reyl 'a chon̈b' Israel, masnto 'a schan̈ macn̈il yin̈til.