A Ch'an̈ Schab'il Libro Yic Yab'ixal Eb' Rey 9:17 - Chuj San Sebastian Bible

¹⁷ Ax win stan̈mal chon̈b' Jezreel 'ayc' 'a storreal chon̈b' cha, 'ix yiln winac to wan sjaw Jehú yet' nan̈l eb' soldado, 'ix 'el yaw, 'ix yaln 'ixtic: —¡Wan sjaw nan̈l eb' soldado! xchi winac. Xlajw cha, 'ix yaln rey Joram chi 'ixtic: —Checc 'at junc soldado 'a yib'n̈ chej 'at yil mach jun tzjaw cha, tzc'anb'n 'a 'a, man̈toc am 'a'j owl tzjawi, xchi.

Chuj San Mateo Bible

¹⁷ Ayic ix yilanb'at vin̈ ayq'ue d'a chaan̈ stan̈vej chon̈ab' Jezreel chi' to van sjavi vin̈aj Jehú yed' jun n̈ilan̈ eb' soldado, ix el yav vin̈, ix yalan vin̈: —Ay juntzan̈ eb' soldado van sjavi, xchi vin̈. Yuj chi' ix yal vin̈aj Joram chi' icha tic: —B'atocab' junoc vin̈ soldado d'a yib'an̈ chej, yic b'at yil vin̈ mach jun sjavi chi', sc'anb'anpax d'ay, tom d'a ac'anc'olal sjavi, xchi vin̈.

A Ch'an̈ Schab'il Libro Yic Yab'ixal Eb' Rey 9:17 Referans Kwoze

A Ch'an̈ B'ab'el Libro Samuel 16:4

'Ix syiclni Samuel sb'on tas xyal Jehová. Ax yic xc'och 'a Belén, 'ix 'elt eb' yichmtac wincal chon̈b' chi scha sc'och yet' xiwc'ojlal, 'ix yaln eb' 'ixtic: —¿Tas tzwul a b'o'? ¿Tzaljc'ojlal mto cusc'ojlal? xchi eb' 'a 'a:

Is 62:6

Ex 'aj Jerusalén, xwa'cn 'och e tan̈mal 'a yib'n̈ smuroal e chon̈ab', sec sc'ual yac'wlil stew eb' eyu'uj. Ax tzex tew 'a Jehová cha, man̈ 'och cab' wan eyaln e b'a 'a 'a.

Is 56:10

yujto a eb' stan̈mal in chon̈ab', 'icha to man̈xtzac uj yiln eb', man̈xtzac uj snan eb' tas tzb'o'o. Lajn xoj tzyutj sb'a eb' 'icha no tz'i matz chiwj xoni, teln 'ec' eb' swayi tz'ec' c'u, cojxn wayl chi tzc'an eb' sb'o'.

A Ch'an̈ Schab'il Libro Yic Yab'ixal Eb' Rey 9:19

Yajn̈j cha, 'ix schecn 'at win rey junx soldado 'a yib'n̈ chej, 'ix c'och 'a eb', 'ix yaln 'ixtic: —A win rey tzin checn wul in c'anb'c 'ayach, man̈toc am 'a'j owl tzach jawi, xchi. —Ach tic, may aln ec 'a jun tic. ¡Cojn to tzach 'och tza'n wu'uj! xchi Jehú cha.

A Ch'an̈ Schab'il Libro Yic Yab'ixal Eb' Rey 7:14

Yuj cha, 'ix si'n 'elt eb' chab' caruaje yet' no chej. 'Ix checx 'at eb' tz'i'n b'ey caruaje chi yuj win rey 'a scamplamento eb' sirio. 'Ix yaln win 'a eb' 'ixtic: 'Ixquec, 'at 'iltec quila', xchi winac.

A Ch'an̈ B'ab'el Libro Yic Yab'ixal Eb' Rey 2:15

—'In ojc ach tic, to a jun 'opiso yic reyal, wic xon yaji, ax smasnil eb' quit israelal tan̈b'il yuj eb', b'a'n̈ tzin 'och reyal. Ax ticnec, a ni wu'tac 'ix 'och reyal, yujto a Jehová a 'ixta 'ix 'utni.

A Ch'an̈ Schab'l Libro Samuel 18:24

A David wocn 'ejm 'a snan̈l chab' spuertail sti chon̈ab', ax win 'ilwjum 'ay q'ue 'a span̈nil sjolm smuroal chon̈b' 'a stojlal q'ue yib'n̈ spuertail chon̈b' cha. Ax xyiln 'at winac, caw carela sjaw jun winc 'a najt sch'ocoj.

A Ch'an̈ Schab'l Libro Samuel 13:34

Ya' sb'a cha, ax Absalón 'ix 'at 'eloc. Ax win 'aych can macwjoc cha, 'ix yilni to 'ay nan̈l eb' 'anma tz'eml 'a spa'nil lum switzl Horonaím, 'ix wul yalnc 'a win rey cha.

A Ch'an̈ B'ab'el Libro Samuel 17:22

Yajn̈j cha, xya'n can David 'ab'enal tastc yet' chi 'a yol sc'ab' jun win tztan̈wni tastc 'ayc' 'a scamplamento cha. Caw carela x'at 'a 'aj 'ay eb' soldado cha. Ax yic xc'och 'a eb', 'ix sc'anb'n 'a eb' yu'tac cha, yic tzyab'ni toto wach' sc'ojl eb'.

A Ch'an̈ Schab'il Libro Yic Yab'ixal Eb' Rey 9:11

A yic 'ix 'elx c'ochx Jehú 'a 'aj yamn eb' yit capitan̈il yic win rey cha, 'ix sc'anb'n eb' 'ixtc 'a 'a: —¿Tas xchi, wach' ama? ¿Tas yuj tzach wul yil jun tzcot 'a sjolm cha? xchi eb'. —Ax tic eyojc winac, eyojc xon tas tzyaln̈j eb' schecb' Dios cha, xchi Jehú.

A Ch'an̈ Schab'il Libro Yic Yab'ixal Eb' Rey 9:16

Xlajw cha, 'ix 'och Jehú 'a yol scaruaje yic owal, 'ix 'at 'a Jezreel 'a 'aj wan yan̈tn sb'a rey Joram. Ata 'ayc' pax Ocozías sreyl Judá.

A Ch'an̈ Schab'il Libro Yic Yab'ixal Eb' Rey 9:18

'Ix 'at jun soldado yet' schej chi 'at yila', 'ix yaln 'a 'a: —A win rey tzin checn cot wul in c'anb'c 'ayach, man̈toc am 'a'j owl tzach jawi, xchi 'a winac. 'Ix ta'w Jehú, 'ix yalni: —Ach tic may aln ec 'a jun tic. ¡Cojn to tzach 'och tza'n wu'uj! xchi. Xlajw cha, 'ix yaln win stan̈mal chon̈b' 'ixtic: A win checb' cha, 'ix c'och 'a 'aj tzjaw eb' cha, palta mantzac 'ilx smeltzj winac, xchi winac.