A Ch'an̈ Schab'il Libro Yic Yab'ixal Eb' Rey 7:16 - Chuj San Sebastian Bible

¹⁶ Xlajw cha, 'ix 'elt smasnil eb' 'anma', 'ix 'at yi'nc eb' smasnil tastc 'ay 'a yol scamplamento eb' sirio. 'Ix 'el'ch 'icha 'ix yutj Jehová yalni, to tztac' smanx junc 'almu 'ixm harina mto chab'oc 'almu 'ixm cebada yet' junc tumn plata.

Chuj San Mateo Bible

¹⁶ Ix lajvi chi' ix elta masanil eb' anima d'a yol chon̈ab' chi', ix yic'anelta masanil tastac ay d'a yol scampamento eb' sirio chi' eb', ix yic'ancot eb'. Ix elc'och icha ix aj yalan Jehová, a jun almul ixim harina, jun ciclo plata stojol ixim. Chab' almul pax ixim cebada d'a jun ciclo plata chi'.

A Ch'an̈ Schab'il Libro Yic Yab'ixal Eb' Rey 7:16 Referans Kwoze

A Ch'an̈ Schab'il Libro Yic Yab'ixal Eb' Rey 7:1

Xlajw cha, 'ix yaln Eliseo 'ixtic: —'Ab'c wal spaxti Jehová. 'Ixtc 'ix yutj yalni: Yab'n 'icha hora tic q'uic'an, a 'a sti spuertail chon̈b' Samaria tic, a junc 'almu 'ixm harina mto chab'oc 'almu 'ixm cebada, jun jab' yune tumn plata 'oj stojloc, xchi Dios, xchi.

Is 33:23

Ax ticnec, a qui chon̈ab' lajn xoj 'icha junc barco matz tac' sto'x n̈ac'wc jun tzo'n̈ smantiadoil 'a yoyal, may 'aj 'oj yic' yip jun tzo'n̈ sch'an̈l cha. Palta 'ay jun c'ual, 'oj qui'c can 'ec' smasnil tas 'ay 'a eb' 'ajc'ojl cha, ax qui pojnec 'eq'ui, 'oj locchjoc c'och to eb' coxo yi'n yico'.

Is 33:4

'Icha wal tzyutj no c'ulb' satn 'el te 'awb'ente', 'ixta wal 'oj 'aj yijx 'ec' sricoal eb' chon̈b' 'ajc'ojl yajch 'ayach.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Is 44:26

Palta an tic, tzwac' 'el'choc tas tzyal eb' in checab', sec wach' tz'aj 'el'ch tas tzyal eb' cha. An 'oj walxi ax scajx pax Jerusalén jun 'ejm xo, ax eb' lum chon̈b' juwnac can 'a yol yic Judá, 'oj 'ajxoc b'o eb' jun 'ejm xo. An 'oj wala', ax sb'ox eb' jun 'ejm xo 'a yet'l 'aj juwnac cha.

Is 33:1

'Oltacch wal ach satm 'el 'anma', a ticnec mant 'a mach tzach satn 'eli, ach macm sat 'anma', mant 'a mach tzmacn a sat 'a junc tas. At 'a yic 'oj 'och wan a satn 'el eb' 'anma', atta 'oj a satx 'eli, at 'a yic 'oj 'och wan a macn sat eb' 'anma', atta 'oj macxoc a sat.

Salmos 68:12

A eb' rey caw tz'at eb' 'elc yet' soldado, ax eb' 'ix 'ix xlaj can 'a yatut, wan spojn 'ec' eb' 'ix tas x'at to'xoc can 'ec' 'a eb' 'ajc'ojl cha,

2 Cr 20:25

Xlajw cha, 'ix 'at Josafat yet' eb' soldado ajun yet'oc, yic tz'at si'nc chan̈ eb' tastc xcan yuj eb' 'ajc'ojl xcham cha. 'Ix 'ilchj yamc'ab', pichul, yet' tas to chan̈ stojl yuj eb'. Yuj cha, til wal tas 'ix yij cot eb'. Palta 'ayt jun tzo'n̈ xo tas ma'ix tza'wni eb' yi'n coti. A jantcn̈ej tastc 'ix yij cot eb' cha, 'oxe c'u 'ix yac' eb' smolb'tzani, yujto caw niwan.

A Ch'an̈ B'ab'el Libro Samuel 17:53

A yic xlajw spechn eb' israel chi eb' filisteo cha, 'ix meltzj can pax eb', 'ix 'ec' yi'nc 'elt eb' smasnil tas 'ay 'a yol scamplamento eb' 'ajc'ojl cha.

Nm 23:19

A Dios man̈ lajnoc 'icha eb' 'anma'. Matz yac' 'es, matz jel snab'en. Toto 'ay junc tas tzyala, tz'el'chn̈ej yu'uj. May 'aj tz'ec' tas tzyala.

A Ch'an̈ Schab'il Libro Yic Yab'ixal Eb' Rey 7:15

'Ix 'at eb' 'a spatquil eb' sirio, masnto 'ix c'och eb' 'a a Jordán. Ax 'ix yiln eb', lan̈n can spichl eb' 'a yol b'e sjuln can 'eli yet' tastc 'ay 'a eb', yuj s'at eb' 'eloc. Yajn̈ej 'ix meltzj eb' checb' chi wul yac' yojcoc 'el win rey tas chi xit' yil eb'.

Salmos 68:13

atn jun tzo'n̈ yechl no 'uch 'u'nc sc'axl yuj q'uen plata yet' q'uen oro. ¿Tas yuj 'ayx ma'ix eyactj eyiln no e calnelu yic tzex 'at eyac' owal? xchi eb' 'ix.