A Ch'an̈ Schab'il Libro Yic Yab'ixal Eb' Rey 5:26 - Chuj San Sebastian Bible

²⁶ Palta 'ix 'och tecn Eliseo 'a 'a, 'ix yaln 'ixtic: —A yic 'ix 'emt jun winc chi 'a yol scaruaje, 'ix wul ach schanoc, ¿'icha to 'ayn 'ec' et' ta'? Man̈ smojc 'ixta tzcutj qui chan tumin, pichul, olivo, uva, calnelu, mam wacax, ewin checab', yet' eb' 'ix checab'.

Chuj San Mateo Bible

²⁶ Palta ix yalan vin̈aj Eliseo chi' d'a vin̈ icha tic: —Ayic ix emta jun vin̈ vinac d'a yol scarruaje ix cot vin̈ ul ach scha'a, ¿tocval maj yil in pixan jun chi' tza na'a? A ticnaic, man̈ smojoc co chaan tumin yed' pichul. Man̈ smojoc pax co manan te' avb'en te', icha te' olivo yed' te' uva, noc' calnel, ma noc' vacax, ma eb' vin̈ checab' yed' eb' ix checab'.

A Ch'an̈ Schab'il Libro Yic Yab'ixal Eb' Rey 5:26 Referans Kwoze

A Scarta San Pablo D'a Eb' Aj Colosas 2:5

Wach'xam man̈ in 'ayc 'ec' eyet' ta', palta 'icha to caw 'ayn 'ec' eyet'oc. Yuj cha, caw tzin tzalji, yic tzwab'ni to junn̈j tzeyutj e b'a ta', te'n tzeyutj eya'n 'och e c'ojl 'a Cristo.

1 Co 5:3

An xo tic, wach'xam man̈ in 'ayc 'ec' eyet' ta', palta 'icha wal to caw 'ayn 'ec' eyet'oc. Yuj cha, tox xin b'eyc'ojlej jun win tzb'on maysch'olnil cha, yujto 'icha wal to 'ayn 'ec' eyet' ta'.

A Ch'an̈ Schab'il Libro Yic Yab'ixal Eb' Rey 6:12

'Ix yaln jun win schecb' chi 'a 'ixtic: —May mamin rey. Palta a Eliseo win schecb' Dios 'ayc' 'a chon̈b' Israel cha, a tzaln yab' win rey cha, yuj smasnil tas tzala, wach'xam c'ultacl tzal 'a yol atut, xchi 'a 'a.

A Tas Sc'ulejnac Eb' Schecab' Jesús Hechos 20:35

Smasnil tiempo xin ch'ox 'ayex, chajtlto yowlal 'ixta tzcutjec qui b'on qui munljel, sec tztac' tzon̈ colwjec 'a eb' 'ay tas 'ay tz'och yu'uj. Yowlal tzqui nac cot spaxti Cajlil Jesús, yic yaln can 'ixtic: A eb' 'ela', yel xo wal wach' yic eb' 'a yib'n̈ eb' tzchan siylab', xchi. 'Ixta yutjnac yaln can Cajlil, xchi Pablo 'a eb' anciano cha.

Mt 10:8

A eb' ya'ay yuj lepra, tz'ec' eyac' b'oxc eb'. Yet' pax jun tzo'n̈ xo eb' ya'ay, tzeyac' b'oxc sc'ojl pax eb'. Tzeya'n pax pitzwc eb' chamnac. An̈jtona', tz'ec' laj eyi'nc pax 'el ewin demonio 'a eb' 'anma'. Xe chaj jun e poder tic 'a nab'an̈ej, yuj cha, 'oj e colwj pax yet' 'a nab'an̈ej jun xo.

Pr 12:22

Tzchacl Jehová eb' 'a'm 'es, ax eb' matz 'ixtn yit 'anma'il, caw tzalj yet' eb'.

Pr 12:19

A eb' tzpaxtin wal 'a yel, may b'a'n̈ 'oj satl eb'; ax eb' 'a'm 'es, yajn̈j wal cha, tzsatl eb'.

Salmos 63:11

Palta an xo an reyn tic, 'oj wac' tzaljoc in c'ojl 'ayach. 'Oj b'itnc smasnil eb' tzb'inan a b'i 'a 'aj tzyac' eb' sti'. Ax eb' 'a'm 'es, sictac 'oj 'aj eb'.

A Ch'an̈ Schab'il Libro Yic Yab'ixal Eb' Rey 5:16

Palta 'ix ta'w Eliseo 'a 'ixtic: —Tzwac' in ti 'a yojltac jun mach 'aj 'ayn 'ec' tic, atn Jehová, to matz in cha'aj, xchi. —Wach'xam 'ix tew 'och Naamán yic tzchani, palta ma'ix yal xon sc'ojl schani.

Gn 14:23

to a 'a scal smasnil tas 'ay 'ayach, ma'oj stac' wi'n 'at jab'oc, man̈oc jac ch'al, man̈oc pax junc sc'ab' xan̈ab', sec ma'oj ala', to o'oj ax woch ricoal.

A Tas Sc'ulejnac Eb' Schecab' Jesús Hechos 20:33

An tic, may 'aj xin nib'j 'och stumn junc 'anma', yet' pax spichul.

A Tas Sc'ulejnac Eb' Schecab' Jesús Hechos 5:9

Yuj cha, xyaln pax Pedro 'ixtc 'a 'ix: —¿Tas yuj xe molalej, xeya'lni cob' eya'n prowal Yespíritu Cajlilec? A ewin xit' mucnoc win echmil, ab' sjaw ewin 'a sti n̈a. Wal ach wul yi'nc pax ewin tic, xchi 'a 'ix.

Jeremías 45:5

Caw man̈ smojc a c'ann tas tzach 'aj a q'ue'ch ricoal. Man̈ a c'ana', yujto 'oj wa' cot yailal 'a yib'n̈ smasnil 'anma'. Palta an Jehová in, an tzwala, to yaln̈j 'ajtil 'oj eq'ui, ma'oj ach in cha milxoc chamoc, xchi Dios, xin chi 'a Baruc.

Hageo 1:4

Palta ax xo tic, tze b'o eyatut man̈x jantcoc swach'l tz'aji, tze comn cajni, ya' sb'a ax watut lan̈chjnac can 'ejmi, ¿tom wach' 'ixta tze na'a?