A Ch'an̈ Schab'il Libro Yic Yab'ixal Eb' Rey 3:4 - Chuj San Sebastian Bible

⁴ A win Mesá sreyl Moab, cajm calnelu win yet' smasnil eb' 'anma cajn 'a jun chon̈b' cha. Yowlal tzyac' win stojlb'al 'a win sreyl chon̈b' Israel, 100 mil no quelm calnelu, yet' slanail 100 mil no mam calnelu tzyac' a' junjn ab'il.

Chuj San Mateo Bible

⁴ A vin̈aj Mesa sreyal Moab, molum calnel vin̈ yed' masanil anima ay d'a yol smacb'en chi'. Yuj chi' a noc' syac' vin̈ yic stupan vin̈ d'a vin̈ sreyal Israel chi', 100 mil noc' yunetac calnel yed' pax 100 mil noc' ch'ac calnel yed' slanail syac' vin̈.

A Ch'an̈ Schab'il Libro Yic Yab'ixal Eb' Rey 3:4 Referans Kwoze

A Ch'an̈ Schab'l Libro Samuel 8:2

An̈jtona', xya'n ganar David eb' moabita. Xya'n 'em n̈ojn eb' 'a sat lu'um, xlajw cha, xyechtan yet' jun ch'an̈ tz'echtan lu'um. A jantc mach tzcan 'a yojl chab' ch'an̈il, tzcham eb', ax eb' tzcan 'a yojl yoxl ch'an̈il, matz cham eb'. 'Ixta 'ajnc yochcn eb' moabita 'a yaln̈ schecnb'il David, x'ochcn eb' yac' stojlb'al 'a 'a.

Salmos 60:8

A Moab 'icha in palagan yaji a 'aj tzin b'ic woc yet' in c'ab'. A 'a yib'n̈ Edom, ata tzwa'cn 'at in xan̈ab'. 'Oj 'el waw yuj tzaljc'ojlal 'a yic 'oj wa'noc ganar eb' filisteo, xchi.

Job 42:12

'Ix ya'n pax Dios niwtjoc tas 'ay 'a Job, 'ec'b'al 'ix yutj ya'n pax 'icha xon tas 'ay 'a win 'a yic yalan̈. Yujto 'ix q'uexc'och sb'isl scalnelu win 'a chan̈lajn̈e mil, waque mil scameyo, jun mil mojn̈ smam swacax, jun mil no 'axna.

2 Cr 26:10

Sb'on pax jun tzo'n̈ cuartel chi 'a lum cusltac lu'um. Caw niwn jun tzo'n̈ c'ob'a sjoyo, yujto caw niwn scajb'en noc' 'ay 'a lum pan̈n 'a'lic, yet' pax 'a yich eb' lum witz. An̈jtona', caw 'ay eb' smunljum tzmunlj 'a 'awj uva, yet' 'a jun tzo'n̈ xo 'awb'ente 'ay 'a lum jolm witz. Caw wal pitz'n 'och 'a sc'ojl smunlji.

1 Cr 18:2

An̈jtona', 'ix 'ajx pax ganar eb' moabita, 'ix can eb' 'a yaln̈ schecnb'il, tzya'n pax eb' stojlb'al.

Gn 13:2

A Abram, caw rico, til wal oro 'a 'a, yet' plata, til wal no noc' cajb'il yu'uj.

A Ch'an̈ Schab'l Libro Samuel 8:6

Yajn̈j wal cha, xya'n 'och David eb' soldado yet' scamplamento 'a yol yic Damasco cha, 'ixta x'ajcn eb' sirio chi scan 'a yaln̈ schecnb'il David, syamn 'och eb' ya'n stojlb'al 'a 'a. Ax Jehová a tz'a'n yac' ganar David owal, yaln̈j 'ajtil tz'ati.