A Ch'an̈ Schab'il Libro Yic Yab'ixal Eb' Rey 3:25 - Chuj San Sebastian Bible

²⁵ Xlajw cha, 'ix sma'n 'ejm lan̈chjoc eb' schon̈b' eb', 'ix b'ut'j 'el sat slum eb' yuj q'uen q'uen 'aj tzb'o smunljel, 'ix st'ocn lan̈chjoc eb' israel smasnil a spac'b'a', 'ix stzu'n pax 'ejm eb' smasnil te 'awb'ente tzsatni. Cojxn̈ej chon̈b' Kir-hareset 'ix cani. Palta ax eb' tzjulwj yet' mejech', 'ix 'och oyn eb' 'a spatquil jun chon̈b' cha, 'ix sjuln 'at eb' q'uen 'a yib'an̈, yic tzlan̈chj 'ejm snan eb'.

Chuj San Mateo Bible

²⁵ Ix lajvi chi', ix sjuanem lan̈naj schon̈ab' eb' moabita chi' eb', ix sb'ud'an lum luum eb' d'a q'uen q'ueen, aton lum te yax sat yic munlajel. Ix smucan sjajtac a a' eb', ix sch'acanel masanil te' avb'en te' eb' te vach'. Axon̈ej chon̈ab' Kir-hareset ixto cani, palta axo eb' sjulvaj yed' ch'an̈ mejmeech, ix oymaj eb' d'a spatictac chon̈ab' chi', ix yac'an ganar jun chon̈ab' chi' eb'.

A Ch'an̈ Schab'il Libro Yic Yab'ixal Eb' Rey 3:25 Referans Kwoze

Jeremías 48:36

'Icha wal yoc' te 'amay tz'utz'x yuj cusc'ojlal, 'ixta wal woc' yuj eb' 'aj Moab, atn yuj eb' 'anma 'ay 'a Kir-hares, yujto a wal sricoal eb' smolb'tzej, caw sat 'ejmi.

Jeremías 48:31

Yuj wal cha, tzin 'oq'ui, tzin cus yuj eb' 'aj Moab, yuj pax eb' 'anma 'a Kir-hares.

Is 16:7

Yuj wal cha, smasnil eb' 'aj Moab 'oj 'oc' eb' yuj snacion̈ cha, ax scus eb' smasnil yuj te tacn̈ sat uva tzcot 'a Kir-hareset 'a pecti'.

A Ch'an̈ Schab'il Libro Yic Yab'ixal Eb' Rey 3:19

Ax e ma'n 'ejm lan̈chjoc schon̈b' eb' to wach' yajch smuroal, yet' jun tzo'n̈ niwc chon̈b' to wach' yilxi, tze tzu'n 'ejm yawb'ente eb' to tzyac' sat, tze t'ocn lan̈chjoc smasnil 'aj tzpac' yal eb', yet' slum eb' 'aj tzmunlji, tze juln can 'at q'uen 'a sat slum eb' cha, xchi Dios, xchi Eliseo.

Is 16:11

Yuj cha, caw wal tzcus in c'ojl yuj tas 'oj 'aj slajw 'el eb' 'aj Moab yet' eb' 'aj Kir-hareset.

Is 15:1

A jun tzo'n̈ paxti tic 'ix alx can 'el 'a yib'n̈ eb' 'aj Moab: A 'a jun 'ac'wl 'aj 'oj satl chon̈b' Ar yet' jun 'ac'wl 'aj 'oj satl chon̈b' Kir 'a yol yic Moab, a yic cha, 'icha wal to a Moab chi tzsatli; caw 'oj can 'a sictaquil.

2 Cr 32:4

Xlajw cha, caw niwn eb' 'anma 'ix syam sb'a, c'uxn st'oc lan̈chjoc eb' smasnil a spac'b'a', yet' a tzb'ey 'a sla'nil cha, sec wach' a yic tzjaw eb' syajlil Asiria, man̈x 'oj 'ilchjoc a yuj eb'.

A Ch'an̈ Schab'l Libro Samuel 8:2

An̈jtona', xya'n ganar David eb' moabita. Xya'n 'em n̈ojn eb' 'a sat lu'um, xlajw cha, xyechtan yet' jun ch'an̈ tz'echtan lu'um. A jantc mach tzcan 'a yojl chab' ch'an̈il, tzcham eb', ax eb' tzcan 'a yojl yoxl ch'an̈il, matz cham eb'. 'Ixta 'ajnc yochcn eb' moabita 'a yaln̈ schecnb'il David, x'ochcn eb' yac' stojlb'al 'a 'a.

Jueces 9:45

Smasnil c'u 'ix yac' Abimelec owl 'a chon̈b' Siquem yet' eb' soldado, masnto xyac' ganar eb' yoch 'a yol chon̈b' cha. 'Ix lajw can 'el jun chon̈b' chi yuj eb', smiln can eb' smasnil eb' 'anma cha. 'Ix secn 'ejm 'atz'm 'a yib'n̈ jun chon̈b' cha.

Dt 2:9

Yuj cha, xyaln Jehová 'ayn 'ixtic: Man̈ e tzuntzc eb' moabita yujto yin̈tl can Lot eb', may xon jac slum eb' 'oj wac' 'ayex. To an xwac' smasnil lum Ar 'a eb'.

Gn 26:18

Sjoyn pax win a 'uc'b'il a joyb'il can yuj Abraham 'a pecti', atn jun smucjnac eb' filisteo 'a yic chamnc xo Abraham cha. A sb'i a 'aycn 'och yuj smam cha, an̈ja a 'ix yac' Isaac chi sb'ioc.

Gn 26:15

Yic pitznto smam Isaac cha, atn Abraham, 'ix sjoyn can eb' schecb' jun tzo'n̈ 'uc'b'il a 'aj tzyu'j no scajb'en noc' a'. Ax ewin filisteo 'ix mucn can pax yet' lu'um.

A Ch'an̈ Schab'il Libro Yic Yab'ixal Eb' Rey 3:24

Palta a yic 'ix c'och eb' 'a scamplamento eb' israel, ax eb' israel cha, 'ix 'elt eb' yac' owl yet' eb', 'ix 'at eb' moabita chi 'eloc. Palta 'ix 'at eb' israel 'a spatquil eb', 'ix milx cham eb' yuj eb'.

A Ch'an̈ Schab'il Libro Yic Yab'ixal Eb' Rey 3:26

A yic 'ix yiln sreyl chon̈b' Moab, chajtlto 'ix 'ajx ganar eb' yuj owal, 'ix yi'n cot uque ciente eb' soldado to jeln ya'n owl yet' espada, 'ix sjacn eb' jun b'e 'aj 'ayc' sreyl chon̈b' Edom snani, palta ma'ix stac' yuj eb'.