A Ch'an̈ Schab'il Libro Yic Yab'ixal Eb' Rey 24:7 - Chuj San Sebastian Bible

⁷ Man̈xtoc 'ix 'elt sreyl Egipto yet' eb' soldado 'a yol snacion̈, yujto a sreyl Babilonia 'ix 'i'n can 'ec' smasnil tas 'ic'b'il 'ec' yu'uj, tzchaj cot 'a sch'olnal yic Egipto masnto 'a a niwn a Éufrates.

Chuj San Mateo Bible

⁷ Majxo eltalaj vin̈ sreyal Egipto yed' eb' soldado d'a yol smacb'en, yujto a vin̈ sreyal Babilonia ix ic'anxiec' tas ic'b'ilec' yuj vin̈, scot d'a a' eluma' yic Egipto masanto d'a a' Éufrates.

A Ch'an̈ Schab'il Libro Yic Yab'ixal Eb' Rey 24:7 Referans Kwoze

Jeremías 46:2

Yic schan̈l ab'il xo yoch Joacim yunnal Josías reyl 'a Judá, atnta 'ix uj jun tic. A win Necao sreyl Egipto yet' eb' soldado 'ix 'ajx ganar eb' 'a Carquemis 'a stz'ey a niwn a Éufrates yuj win Nabucodonosor sreyl Babilonia yet' soldado. 'Ixtc 'ix yutj Jehová yaln 'ayn yuj eb' soldado yic Egipto:

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

Nm 34:5

Tz'atx 'a Asmón cha, masnto tzc'och 'a a b'eymal a yic Egipto, axta tzlajw c'och 'a sti a Mar Mediterráneo.

Is 27:12

A 'a jun c'ul cha, 'ay wal tas 'oj sb'o Jehová, 'icha wal to 'oj te'wc trigo, 'oj 'atn̈j 'a a Éufrates masnto 'a a b'eymal a yic Egipto; palta ax xo pax ax israel ex tic, junjnal 'oj eyaj eyijx chan̈ yu'uj.

A Ch'an̈ B'ab'el Libro Yic Yab'ixal Eb' Rey 4:21

A Salomón yajl yaj 'a yib'n̈ smasnil jun tzo'n̈ chon̈b' cha, tzchaj cot 'a a Eufrates, masnto tzc'och 'a schon̈b' eb' filisteo, yet' 'a 'aj tzlajw c'och sti smacb'en yic Egipto. A smasnil jun tzo'n̈ eb' cha, 'ix ya'n̈j eb' stojlb'al 'a Salomón, 'ayn̈j 'och eb' 'a yaln̈ schecnb'il winac.

Josué 15:4

tz'elx yich ta', masnto tzc'och 'a Asmón, tz'e'x 'a sti a b'eymal a yic Egipto, axta tzlajw c'och 'a a Mar Mediterráneo. Atn tic x'ochcn smon̈jonalc lum 'ay 'a stojlal sur.

Ez 30:22

Yuj cha, an Jehová in, an tzwal 'ixtic: Caw an tzin 'och 'ajc'ojlal 'a win sreyl Egipto cha. 'Icha to 'oj in mac' wecchjoc junx sc'ab' win cha, sec 'oj 'el sc'ab' win chi schab'il, sec man̈x 'oj stac' syamn win yespada yic owal.

Jeremías 46:6

A wal eb' jeln cob' sb'eyoc, caw man̈xtzac uj s'at eb' 'eloc, 'ixta pax eb' cob' caw 'ay yip, man̈xtzac stac' yel eb', a 'a stojlal norte 'a a niwquil Éufrates, ata tztelw can eb'.

Ez 30:21

Ach 'anma', 'icha to xin mac' wecchjoc jun sc'ab' win sreyl Egipto, a jun sc'ab' cha, man̈x 'oj stac' yoch snipul, man̈x 'oj stac' yan̈txi, yic tztac' syamn pax win yespada.