A Ch'an̈ Schab'il Libro Yic Yab'ixal Eb' Rey 23:25 - Chuj San Sebastian Bible

²⁵ May wal junc xo rey 'ix sjel snab'en yic tzya'n 'och sb'a 'a yol sc'ab' Jehová 'a smasnil sc'ojol, 'a smasnil snab'en yet' 'a smasnil yip, yujto yiclum 'ix yutj sb'a Josías tic 'a tas 'aycn 'a ch'an̈ ley yic Moisés.

Chuj San Mateo Bible

²⁵ Malaj junocxo rey ec'nacxo ix sq'uex spensar yic syac'anoch sb'a d'a yol sc'ab' Jehová d'a smasanil sc'ool, d'a smasanil spensar yed' d'a smasanil yip, icha ix yutej sb'a vin̈aj Josías chi', yujto ix sc'anab'ajej vin̈ tas alb'ilcan d'a ley Moisés. Man̈xalaj pax junocxo rey icha chi' ix yutej sb'a.

A Ch'an̈ Schab'il Libro Yic Yab'ixal Eb' Rey 23:25 Referans Kwoze

A Ch'an̈ Schab'il Libro Yic Yab'ixal Eb' Rey 18:5

Ax Ezequías cha, a Jehová sDiosal Israel, a xya'ch yipc sc'ojol. A 'a scal smasnil eb' sreyl Judá 'a yaln̈taxi, mto 'a spatquil to, may junc xo mach lajn yet'oc.

Jeremías 29:13

An Jehová in, an tzwala to a yic 'oj e jaw 'ayin, 'oj in ch'ox in b'a 'ayex, yujto yet' wal smasnil e c'ojol, ax eya'n 'och e b'a 'a yol in c'ab'.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

A Ch'an̈ Schab'il Libro Yic Yab'ixal Eb' Rey 23:3

'Ix 'och lin̈n win rey 'a stz'ey jun 'oy, 'ix ya'n sti 'a yojltac Jehová, to 'oj 'och tza'n eb' yu'uj, ax syiclni eb' smasnil schecnb'il yic trato tz'ib'b'il can 'a ch'an̈ libro cha. An̈jtona eb' chon̈b' chi smasnil 'ix yac' eb' sti', to 'oj syiclc pax eb'.

A Ch'an̈ B'ab'el Libro Yic Yab'ixal Eb' Rey 8:48

toto yet' smasnil qui c'ojol, yet' smasnil qui nab'en, tzqui nan qui b'a 'aj 'ayn̈ 'ec' 'a 'icha presoal chi 'on̈, ax qui leslwi 'aych 'a stojlal cot lum lum tic a'jnac 'a eb' qui mam quichm tic on̈, yet' 'a jun chon̈b' sic'b'il 'el oj tic, yet' pax 'a jun n̈a b'ob'il eco'oc tic wu'uj,

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

Jn 7:19

A Moisés, a 'a'jnac can sley Dios 'ayex. Palta 'in may junc ex tzeyiclj tas tzyal jun ley cha. ¿Tas yuj tze nib'j tzin e mila? xchi Jesús 'a eb'.

Malaquías 4:4

Nac cot in checnb'il wa'jnac can 'a in checb' Moisés yic 'ayc' 'a sjolm lum witz Sinaí. A jun tzo'n̈ ley yet' jun tzo'n̈ checnb'il cha, smoj wal to tzeyiclj e masnil ax israel ex tic.

Nehemías 10:29

'Ix syam sb'a eb' yet' eb' syajlil eb' to yicanto sb'a yet'oc. 'Ix yac' eb' sti', to 'oj sb'eylb'oc eb' sley Dios alb'il can yuj Moisés, win schecb' Dios, ax syiclni pax eb' smasnil schecnb'il, scuynb'il Jehová Dios, ax eb' ma'oj yiclnoc jun trato cha, 'oj jawc catb' 'a yib'n̈ eb'.

A Ch'an̈ B'ab'el Libro Yic Yab'ixal Eb' Rey 15:5

yujto a win David cha, caw tojl snab'en win 'a sat Jehová. May 'aj xyij 'el win snab'en 'a tas xyal Jehová 'a 'a, cojn wal smul 'ix 'ochi, yic xya'n milxoc win Urías hitita.

A Ch'an̈ B'ab'el Libro Yic Yab'ixal Eb' Rey 2:4

sec wach' 'oj 'el'choc tas alb'il can yuj Jehová 'ayin, yic yaln 'ixtic: Toto tzyac' cuenta sb'a eb' en̈tl yet' sb'eyb'al, toto tojl 'oj yutc sb'a eb' 'a wojltac 'a smasnil sc'ojol, yet' 'a smasnil snab'en, to 'ixta', ma'oj yac' palta eb' en̈tl yoch reyl 'a chon̈b' Israel tic, xchi 'ayin.

Dt 4:29

Palta toto a yic 'ayx 'ec' ta', ax snan sb'a e c'ojol, ax e c'ann scolwal Jehová qui Diosalec yet' smasnil e c'ojol mto yet' smasnil e nab'en, 'oj colwjoc ton 'ayex.

Jeremías 22:15

¿Tom tza na'a, to yujn̈ej 'aych 'ec' 'a yol junc n̈a nab'a c'ute 'aych 'a 'a, yuj cha, ax a b'inax reyl si'mb'il? A 'a mam, caw 'ix yac' tzaljoc sc'ojol, yujto tojl xyutj sb'a, wach'n̈j tas sb'o'o, yuj cha, wach' 'ix 'aj 'el'chi.

Nehemías 10:30

Yuj cha, xyaln can eb' 'ixtic: Man̈x 'oj ca'c nupnc eb' 'ix quisl yet' eb' chuc chon̈b'al; an̈jtona', man̈x 'oj qui cha nupnc yisl eb' yet' eb' cunnalec.