A Ch'an̈ Schab'il Libro Yic Yab'ixal Eb' Rey 22:17 - Chuj San Sebastian Bible

¹⁷ Yujn̈ej to in yactj can eb' in chon̈b' tic, 'ix sn̈usntz'a eb' incienso 'a jun tzo'n̈ comn dios, 'ix tzuntzj cot eb' yowl in c'ojol, yuj jun tzo'n̈ sdiosal eb' sb'ojnac; yuj wal cha, 'ix cot yowl in c'ojl 'a jun lugar tic, matz tup yowl in c'ojl cha.

Chuj San Mateo Bible

¹⁷ Yujto ix in yactejcan eb' anima tic, ix sn̈usan incienso eb' d'a juntzan̈ comon dios, ix stzuntzancot yoval in c'ol eb' yuj juntzan̈ sdiosal eb' ix sb'o chi'. Yuj val chi' ix cot voval d'a jun lugar tic. Man̈xo ol sicb'ilaj voval chi', xchi Jehová.

A Ch'an̈ Schab'il Libro Yic Yab'ixal Eb' Rey 22:17 Referans Kwoze

A Ch'an̈ Schab'il Libro Yic Yab'ixal Eb' Rey 21:22

'Ix yactj can win Jehová, atn sDiosal eb' smam yicham, ma'ix sb'eylb'ej win schecnb'il Jehová.

1 Ts 2:16

A yic tzcaln 'el 'ab'x 'a eb' man̈ israeloc on̈, sec tzcolchj eb', palta ax eb' israel, caw matz chaj eb' cal-l on̈. Yuj cha, yel xo wal tzwach' niwtj smul eb' 'a Dios. Yuj cha, a ticnec tox xya'ch jun niwn yailal 'a yib'n̈ eb' 'a jun 'ejmn̈ej yuj yowl sc'ojol.

Sofonías 1:18

A wal 'a jun c'u yic 'oj ya'nc Jehová yowl sc'ojl cha, caw ma'oj colchjoc 'el eb' 'anma yuj q'uen oro, mto yuj q'uen plata, yujto yuj yowl sc'ojl cha, 'oj satl smasnil nacion̈. Wal 'a yajn̈ej ax slajw 'el smasnil 'anma 'a yolyib'n̈q'uinl tic, 'icha tz'aj junc tas satl yuj c'ac'.

Miqueas 5:13

'Oj in satl jun tzo'n̈ e diosal, yet' jun tzo'n̈ q'uen q'uen 'aj tzex leslwi, sec wach' man̈x 'oj eyac' 'emmquilal 'a jun tzo'n̈ e diosal xe b'o cha.

Jeremías 17:27

Palta toto an̈ja eyi'n 'oxt eyictz 'a spuertail chon̈b' tic 'a jun c'ul cha, 'icha to may yel'ch jun c'ul chi 'a e sat. To 'ixta', 'oj wa'ch c'ac' 'a spuertail chon̈b' tic. A jun c'ac' chi 'oj satnc 'el smasnil yatut eb' rey 'ay 'a Jerusalén tic, man̈x 'a mach 'oj stac' sma'n tupoc, xchi Dios, xa chi, xchi 'ayin.

Jeremías 7:20

Yuj cha, an Jehová in, Yajl in, an tzwala, to 'oj wa' cot wal yowl in c'ojl 'a yib'n̈ jun lugar tic, 'a yib'n̈ eb' 'anma', 'a yib'n̈ no noc', 'a yib'n̈ te te', yet' 'a yib'n̈ smasnil 'awb'en. Lajn wal 'oj 'aj jun tic 'icha junc c'ac' to man̈x 'a tz'aj stupi, xchi Dios.

Is 33:14

A eb' maysch'olnil sb'eyb'al 'ayc' 'a Sión, caw tz'ib'x eb' yuj xiwlal, ax eb' may yel'ch Dios 'a sat, caw tzxiw pax eb', tzyaln eb' 'ixtic: ¿Mach junc on̈ec tztechj qui can cajn 'a scal jun c'ac' tzsatn 'el smasnil tas, atn jun c'ac' tzn̈ilchj 'a smasnil tiempo? xchi eb'.

2 Cr 36:16

Palta ton̈j 'ix tzetzx eb' schecb' Dios chi yuj eb', may yel'ch tas 'ix yal eb' chi 'a sat eb', tzb'uchwj pax eb' 'a eb' schecb' Dios cha, masnto xjaw yowl sc'ojl Jehová 'a yib'n̈ schon̈ab', man̈xtzac stac' yoch wa'an.

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.

Ex 32:34

Ax ticnec 'an, 'ixic, 'ij 'at eb' chon̈b' tic 'a jun lugar 'aj xwal 'ayach. A jun wángel 'oj b'ab'ljoc eyu'uj, a 'oj e jucb'tzani. Palta 'ay jun c'ual, 'oj wac' syailal eb' 'anma tic yuj smul 'ix 'och 'ayin, xchi Dios.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Jeremías 22:9

Ax sta'w jun tzo'n̈ xo eb' chi 'ixtc 'a eb': Yujto xyactj can eb' jun strato 'ix sb'o yet' Jehová sDiosal, ax 'a jun tzo'n̈ xo comn dios 'aj 'ix yal sb'a eb', 'oj schic eb' 'a eb', xchi Dios.

Jeremías 36:7

Toq'ue 'oj yal sb'a eb' chon̈b' tic 'a Jehová, ax yactn can eb' smaysch'olnilal. Yujto caw wal niwquil yowl sc'ojl Dios snalb'ej ya'n cot 'a yib'n̈ jun chon̈b' tic, xin chi 'a 'a.

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

Dt 32:23

'Oj wa' cot smasnil yailal 'a yib'n̈ eb', ax wa'n cot smasnil jun tzo'n 'icha simj 'a yib'n̈ eb'.

2 Cr 28:25

An̈jtona', 'ix sb'on pax jun tzo'n̈ macsej 'a smasnil chon̈b' 'a yol yic Judá, yic tzya'n tz'a incienso 'a jun tzo'n̈ comn dios. 'Ixtnta xyutj stzuntzn cot yowl sc'ojl Jehová sDiosal yet' eb' smam yicham.

Zacarías 1:2

An Jehová in, tztac' wuj smasnil, caw xcot wowl si'mb'il 'a eb' a mam echam, yuj cha, a ticnec a tas tzwal 'aych tic, al 'a eb' in chon̈ab'. An Jehová in, to an tzwal 'ixtic: Meltzjan̈c 'ayin yic tzeyaln pax e b'a, ax in cha colwj pax 'ayex.