A Ch'an̈ Schab'il Libro Yic Yab'ixal Eb' Rey 22:15 - Chuj San Sebastian Bible

¹⁵ 'ix ta'w 'ix 'a eb' 'ixtic: —'Ixtc 'ix yutj Jehová yalni, atn qui Diosalec an̈ israel on̈ec tic: Alc 'a jun winc chi ex checn cot wul e c'anb'c 'ayin,

Chuj San Mateo Bible

¹⁵ ix tac'vi ix d'a eb' vin̈ icha tic: —A Jehová co Diosal a on̈ israel on̈ tic, a tz'alan icha tic: Alec d'a vin̈ ix ex checancot e c'anb'ej tic d'ayin

A Ch'an̈ Schab'il Libro Yic Yab'ixal Eb' Rey 22:15 Referans Kwoze

Jeremías 23:28

An Jehová in, an tzwala: Toto 'ay junc checb' chi 'ay tas tzwaychej, yal cab'i', to swayich. Toto a 'in paxti 'oj scha jun, to 'ixta', tz'acn cab' tzyutj yaln 'eli. Matz tac' scalx 'ixm sat trigo yet' stzapil. 'Ixta in paxti', caw man̈ smojc scalx yet' wayich.

A Ch'an̈ Schab'il Libro Yic Yab'ixal Eb' Rey 1:16

'Ix yaln 'ixtc 'a 'a: —'Ixtc 'ix yutj Jehová yalni: Yujto 'ix a checb't eb' a checb' 'a Baal-zebub sdiosal Ecrón, yic tz'at a c'anb'noc a b'a 'a 'a, 'icha to may Dios yet' spaxti 'a a chon̈b' Israel tic, yic tza c'anb'n a b'a 'a 'a. Yuj cha, man̈x 'oj a q'ue wan 'a a waynub', palta to 'oj a chami, ma'oj 'ec'oc, xchi Dios, xchi Elías.

A Ch'an̈ Schab'il Libro Yic Yab'ixal Eb' Rey 1:6

'Ix ta'w eb' 'ixtc 'a winac: —Yujto 'ay jun winc 'ix qui chaj qui b'a yet' 'a yol b'e on̈, a 'ix aln 'ixtc 'ayn̈ on̈: Meltzjan̈c 'a win rey ex checn coti, tzeyaln 'a win to a Jehová tzyaln 'ixtic: ¿Tom may Dios 'a chon̈b' Israel, yuj cha, ax 'a Baal-zebub sdiosal Ecrón ata tz'at ac' c'anb'xoc? Yuj wal jun cha, man̈x 'oj a q'ue wan 'a a waynub' 'aj t'ocn ach 'eq'ui, cojn to 'oj a chami, ma'oj 'ec'oc, xchi Dios, xchi jun winc chi 'ayn̈ on̈, xchi eb'.

A Ch'an̈ Schab'il Libro Yic Yab'ixal Eb' Rey 22:14

Xlajw cha, 'ix 'at Hilcías chi yet' eb' tic, atn Ahicam, Acbor, Safán, yet' Asaías yic tz'at sc'umnoc eb' 'ix schecb' Dios, atn 'ix Huldá yistzil Salum, win yunnal Ticva, yixchicn Harhas. A Salum cha, a scuenta smoln pichl 'a yatut Jehová. Ax 'ix Hulda cha, ata cajn 'ix 'a jun macn xo q'ue'ch chon̈b' tot b'onc 'a Jerusalén cha. A yic 'ix paxtin eb' 'a 'ix,

A Ch'an̈ Schab'il Libro Yic Yab'ixal Eb' Rey 22:16

to a Jehová a tzaln 'ixtic: An 'oj wa' cot yailal 'a yib'n̈ eb' 'anma cajn 'a jun chon̈b' tic, atn tas tzyal ch'an̈ libro 'ix yawtj jun sreyl Judá cha.

Jeremías 42:9

'Ix waln 'a eb' 'ixtic: A Jehová qui Diosalec an̈ israel on̈c tic jun 'aj in eyac' tewc yuj tas 'ix eyal 'ayin, a tzaln 'ixtic: