A Ch'an̈ Schab'il Libro Yic Yab'ixal Eb' Rey 22:13 - Chuj San Sebastian Bible

¹³ —'Ixquec, 'at c'anb'jec 'a Jehová wu'uj, yuj eb' chon̈ab', yet' pax yuj smasnil eb' 'aj Judá, tas yel'ch tas tzyal ch'an̈ libro 'ix chax cha. Caw am 'ay cot yowl sc'ojl Jehová 'a quib'n̈ec, yujto ma'ix schaj eb' qui mam quichmec yab' tas tzyal ch'an̈, xchi winac.

Chuj San Mateo Bible

¹³ —Ixiquec e c'anb'ej d'a Jehová vuuj, yuj eb' chon̈ab', yuj pax masanil eb' aj Judá, tas syalelc'och ch'an̈ ley tic. Ay am cot yoval sc'ol Jehová chi' d'a quib'an̈, yujto maj sc'anab'ajej eb' co mam quicham tas syal ch'an̈, xchi vin̈.

A Ch'an̈ Schab'il Libro Yic Yab'ixal Eb' Rey 22:13 Referans Kwoze

Apoc 6:17

'Ixta x'aj eb', yujto xjaw jun c'u caw niwn yel'chi, yic tzya'n cot Dios yowl sc'ojl 'a yib'n̈ eb'. ¿Tom 'ay junc mach 'oj techjoc yuj 'a jun c'u cha?

Ro 7:9

A 'a yic mant wojcoc jun ley cha, pitzn in 'a sat Dios in nani. Ax yic 'ix wojcan 'eli, 'ix nachj 'el wu'uj, to caw may in ch'olnil. 'Ixta to b'i'an, 'ix wojcan 'eli, to chamnc in 'a sat Dios yu'uj.

Ro 4:15

Yujn̈ej jun ley cha, tz'ajx cot yailal 'a yib'n̈ eb' 'anma'. Q'uinloc may jun ley chi ticnec, toto 'ixta', may am mach tztenn 'ec' jun ley cha.

Ro 3:20

May junc mach wach' 'a sat Dios, yujn̈ej tzyiclj tas tzyal jun ley cha. Yujto a jun ley cha, cojn 'ay yopiso sch'oxni to 'ajmul on̈c qui masnil.

Nahúm 1:6

May junc mach tztac' ste'wtzan sb'a 'a yowl sc'ojl Dios. May mach tztac' stenn 'och wa'an. A yowl sc'ojl cha, caw lajn sn̈ilchj 'icha te c'ac', tzpoj q'uen niwc tenm 'a yojltac.

Am 3:7

An̈jtona', toto 'ay tas tzb'o Jehová Dios, yowlal tzyalcn 'a eb' schecb' b'ab'el.

Dn 9:10

Mamin Jehová, ach qui Diosal, man̈ on̈ yiclumoc 'ayach, ma'ix qui chaj cab' a checnb'il 'ix ac' yal eb' a checb' 'ayn̈ on̈.

Lm 5:7

A eb' qui mam quichm on̈, a eb' 'ochnc smul, palta chamnc xo eb'. Ax ticnec, a 'a quib'n̈ tzjaw yailal yuj smul eb' cha.

Jeremías 44:17

'Oj qui b'eylb'oc n̈ej tas 'ix qui nalb'ej qui b'oni. 'Oj ca'n̈j incienso yet' yal uva xajmb'al-l 'a 'ix syajlil satcha'an̈, 'icha wal tas wan qui b'on ticnec, 'icha pax ya'jnac eb' qui mam quicham yet' eb' qui reyal, yet' pax eb' syajlil chon̈b' 'a yol yic Judá yet' 'a yoltc scayeal Jerusalén. Yujto a 'a yic yaln̈taxi, caw 'ay tas tzqui c'uxu, wach'n̈j yec' cu'uj, may junc yailal xjaw 'a quib'an̈.

Jeremías 37:17

Ax win rey Sedequías chi in 'a'n 'ijxoc 'at 'a sdespacho. A yic in c'och 'a yojltac win rey cha, 'ix sc'ultac c'anb'n win 'ixtc 'ayin: —¿'Aym junc spaxti Jehová tzal wab'i'? xchi winac. In ta'w 'ixtc 'a winac: —N', 'ay toni, 'ixtc wal yaln 'ixtic: Ach tic mamin rey, 'oj ajx 'och 'a yol sc'ab' win sreyl Babilonia, xin chi.

Jeremías 16:12

Ax xo pax ax tic, yel xo wal maysch'olnil xeyutj e b'a 'a yib'n̈ eb' e mam eyichm cha. Junjn ex, tzlaj e b'o tas tu tzjaw 'a e nab'en, man̈xtzac eyiclj tas tzwala.

Pr 3:6

Na cot Jehová yet' smasnil tas tzlaj a b'o', sec a 'oj e'n 'at 'a jun wach' b'eyb'al.

Salmos 106:6

Lajn wal x'aj yoch qui mul 'icha ya'jnac eb' qui mam quichm 'a pecti 'on̈; on̈ 'ec' wal 'a yib'n̈ on̈, xqui b'on maysch'olnil.

Salmos 76:7

Yel xo wal caw 'ay a may. ¿Toc 'ay mach 'oj stac' yoch lin̈n 'a ojltac, yic tox 'ix cot owal?

Salmos 25:14

A eb' a wach'c'ojl a b'a yet'oc, atn eb' 'ay xiwc'ojlal 'ayach, tzac' pax 'el'choc a trato 'a eb'.

Nehemías 9:3

Ya' sb'a lin̈n chan̈ eb' 'a yet'l cha, 'oxe hora 'ix 'awtx ch'an un̈ yic sley Jehová Dios 'a sat eb', ax 'a junx 'oxe hora, ata xyal q'uet eb' smul, xyaln sb'a' eb' 'a Jehová.

2 Cr 34:21

Xyaln win 'a eb' 'ixtic: —'Ixquec, 'at c'anb'jec 'a Jehová wu'uj, yet' yuj smasnil eb' cannc 'a yol yic Israel yet' 'a yol yic Judá, yuj tas tzyal ch'an̈ libro 'ix 'ilchj tic; yujto caw niwquil yowl sc'ojl Jehová 'ay cot 'a quib'n̈ec, yujn̈ej to ma'ix syiclj eb' qui mam quichmec spaxti Jehová, ma'ix sb'eylb'ej pax eb' smasnil tas tz'ib'b'il 'a ch'an̈ libro tic, xchi.

2 Cr 29:6

Yujto a eb' qui mam quichmec, tenmtac yutjnac sb'a eb' 'a Jehová qui Diosalec, caw maysch'olnil sb'ojnac eb' 'a sat, yujto yactjnac can eb'. Yijnac 'el eb' snab'en 'a yatut, man̈x nanoc Jehová yuj eb'.

A Ch'an̈ Schab'il Libro Yic Yab'ixal Eb' Rey 3:11

'Ix yaln Josafat 'ixtic: —¿May am junc schecb' Jehová 'ayc' 'a tic, yic tzc'anb'n 'a Jehová cujec? xchi. 'Ix ta'w jun 'a eb' soldado sreyl chon̈b' Israel, 'ix yaln 'ixtic: —'Ayc' Eliseo 'a tic, win yunnal Safat, atn win 'ochnc schecb'oc Elías 'a yic yaln̈taxi, xchi.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Is 5:25

Yuj wal jun tzo'n̈ mul cha, ax ya'n cot Jehová yowl sc'ojl 'a yib'n̈ schon̈ab', ax ya'n 'och syailal eb' 'anma cha. A eb' lum niwc witz, c'uxn 'oj 'ib'xoc eb' lum 'a yet'ul, ax eb' 'anma cha, t'octac 'oj 'ajcn eb' scham 'a yol caye. Palta man̈ yujoc cha, 'oj 'ec' yowl sc'ojl Dios, 'ipn ya'n 'och syailal eb'.

Jeremías 36:7

Toq'ue 'oj yal sb'a eb' chon̈b' tic 'a Jehová, ax yactn can eb' smaysch'olnilal. Yujto caw wal niwquil yowl sc'ojl Dios snalb'ej ya'n cot 'a yib'n̈ jun chon̈b' tic, xin chi 'a 'a.

Lv 26:14

Palta toto ax tic, matz eyiclj tas tzwala, matz e b'eylb'ej in checnb'il smasnil.

Dt 27:26

Catb'tzaxc cab' eb' to matz yiclni jun tzo'n̈ checnb'il tic, yet' pax eb' matz b'eylb'ani, xchi eb' levita. 'Ixta cab' tz'aji, 'oj xchic eb' chon̈ab'.

A Ch'an̈ Schab'il Libro Yic Yab'ixal Eb' Rey 23:26

Wach'xam to 'ixta x'aji, palta yuj tas tu sb'ojnac Manasés yuj cha 'ayt cot yowl sc'ojl Jehová 'a Judá.

Salmos 76:8

A wal 'a satcha'an̈, ata xa ch'oxcn 'elt a b'eyc'ojlal, ax eb' 'anma 'ay 'a sat lum lu'um, caw sictac x'aj eb' yuj xiwlal.