A Ch'an̈ Schab'il Libro Yic Yab'ixal Eb' Rey 22:10 - Chuj San Sebastian Bible

¹⁰ An̈jtona', 'ix yaln pax win 'ajtz'ib' Safán chi 'a win rey chajtlto a win Hilcías 'ix yac' win jun ch'an̈ libro 'a 'a. 'Ix yawtn win yab' win rey cha.

Chuj San Mateo Bible

¹⁰ An̈ejtona' ix yalanxi vin̈ to ix ac'ji jun ch'an̈ uum d'a vin̈ yuj vin̈aj sacerdote Hilcías, yuj chi' ix yavtej ch'an̈ vin̈ yab' vin̈ rey chi'.

A Ch'an̈ Schab'il Libro Yic Yab'ixal Eb' Rey 22:10 Referans Kwoze

Jeremías 36:21

Xlajw cha, 'ix checx 'at win Jehudí yuj win rey yic tz'at yi'nc win ch'an̈ un̈ chi 'aycn 'a yatut win Elisama cha. Ax yic xjaw win yet' ch'an̈ un̈ cha, 'ix syamn 'och win yawtn ch'an̈ 'a sat win rey, yet' 'a sat smasnil eb' 'ay yopiso oyn 'och smaclni yab'i'.

Jeremías 36:15

'Ix yaln eb' 'ixtc 'a 'a: —'Emn̈ wocan, tzawtn ch'an̈ un̈ chi cab'i', xchi eb'. Xlajw cha, 'ix yawtn Baruc ch'an̈ un̈ cha.

Jeremías 36:6

Yuj cha, a yic 'oj jawc jun c'u yic c'ajb'c'ojlal jun 'ejm xo, tzach 'at 'a yamq'uil yatut Jehová, ata 'oj awtc ch'an̈ un̈ tic 'ix wac' 'a tz'ib'c tic, sec wach' a smasnil eb' chon̈ab' yet' smasnil eb' 'anma cajn 'a yol yic Judá tzjaw 'a tic, 'oj yab' eb' spaxti Jehová.

Jeremías 13:18

'Ix yaln Jehová 'ixtc 'ayin: Al 'a win rey yet' 'a 'ix snun winac, to an tzwal 'ixtic: 'Emn̈ect 'a e despacho. Tzlajw cha, ax 'a sat lum tzex 'em wocan, yujto a jun e corona man̈x jantcoc swach'l yilxi, caw 'oj 'ijxoc 'el 'a e jolom.

Nehemías 13:1

A 'a yic jun tiempoal cha, 'ix 'awtx ch'an̈ libro yic Moisés yab' eb' chon̈ab'. X'ilchj 'a ch'an̈ chajtlto a eb' amonita yet' eb' moabita, may b'a'n̈ tztac' yoch eb' 'a scal eb' schon̈b' Dios

Nehemías 8:18

'Ix yawtj Esdras ch'an̈ libro yic ley 'a junjn c'u, schaj 'el 'a b'ab'l c'u masnto 'aj tzlajw uque c'u niwn q'uin̈ cha. Ax 'a junx c'u, 'ix syamn pax sb'a eb' yic tz'och eb' 'emmquilal 'a Jehová, 'icha yaln ley cha.

2 Cr 34:18

An̈jtona', a Hilcías cha, 'ix yac' jun ch'an̈ libro 'ayin, xchi. Xlajw cha, 'ix yawtn Safán ch'an̈ 'a yojltac win rey cha.

A Ch'an̈ Schab'il Libro Yic Yab'ixal Eb' Rey 22:9

Yajn̈j cha, 'ix 'at Safán 'at yal jun tic 'a win rey, 'ix yaln 'ixtic: —Tox 'ix syam sb'a q'uen tumn yuj eb' a checab', 'ix yac' eb' q'uen 'a eb' 'aych 'a yib'n̈ yiln snipx yatut Jehová cha, xchi 'a 'a.

A Ch'an̈ Schab'il Libro Yic Yab'ixal Eb' Rey 22:11

A yic 'ix yab'n win rey tas tzyal ch'an̈ slibroal ley cha, 'ix stzilnjat win spichul.

Jeremías 36:13

'Ix yaln Micaías smasnil tas 'ix yab' yaln win Baruc, yic 'ix yawtn win ch'an̈ un̈ 'a sat eb' chon̈ab'.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Is 66:5

'Ab'tec wal spaxti Jehová, ex to tze chaj eyab' tas tzyala, a tzaln 'ixtc 'ayex: 'Ay jun tzo'n̈ eb' eyit chon̈b' tzchichn 'och 'ayex, tzex spech b'eyc'oc eb', yujto a 'ayn tzeyal e b'a; yuj cha, tzlaj yaln eb' 'ixtic: Sch'ox cab' Jehová chi stzictznil quilnoc, tzqui nib'j tzquila tas tzex 'aj e tzalji, xchi eb' 'ayex. Palta a eb' cha, 'oj q'uixwoc can 'el eb', xchi.