A Ch'an̈ Schab'il Libro Yic Yab'ixal Eb' Rey 21:6 - Chuj San Sebastian Bible

⁶ Xya'n win tz'a yunnal xajmb'alil, scuyn sb'a win 'a jun tzo'n̈ xo b'eyb'al tic; atn wayjlil, 'ajchumal, tzc'umn win spixn eb' chamnac. Yel xo caw tu 'ix 'el sb'on 'a sat Jehová, caw 'ix tzuntzj cot yowl sc'ojl Dios chi 'a yib'an̈.

Chuj San Mateo Bible

⁶ An̈ejtona' ix sn̈usanpaxtz'a yuninal vin̈ silab'il d'a junoc sdiosal chi'. Ix sc'anb'an sb'a vin̈ d'a eb' ajb'aal, d'a eb' ajchum, d'a eb' naumel lolonel. Ix sc'anb'anpax sb'a vin̈ d'a eb' tz'avtan spixan eb' chamnac. Te chuc tas ix sc'ulej vin̈, yuj chi' ix stzuntzejcot yoval sc'ool Jehová vin̈ d'a yib'an̈.

A Ch'an̈ Schab'il Libro Yic Yab'ixal Eb' Rey 21:6 Referans Kwoze

A Ch'an̈ Schab'il Libro Yic Yab'ixal Eb' Rey 17:17

An̈jtona', 'ix ya'n eb' tz'a yunnal yet' yisl xajmb'al-l 'a jun tzo'n̈ comn dios cha, scuyn sb'a eb' snan 'el junc paxti', yet' 'ajchumal, 'ix swach' 'a'j 'at sb'a eb' 'a scal maysch'olnil 'a sat Jehová. 'Ixtnta 'ix yutj eb' stzuntzn cot yowl sc'ojl Dios 'a yib'an̈.

Lv 19:31

Man̈ e c'anb'c e b'a 'a eb' tzyal jelnal sb'a, mto 'a eb' 'ajchum, sec wach' matz ex juw 'el yuj eb'.

Lv 18:21

An Jehová in, an tzwala. May cab' mach tzyac' yunnal xajmb'al-l 'a jun comn dios tzcuch Moloc. Toto tzyac' yunnal chi xamb'alil, tz'och smul 'ayin.

A Ch'an̈ Schab'il Libro Yic Yab'ixal Eb' Rey 16:3

Palta an̈j sb'eyb'al eb' sreyl chon̈b' Israel 'ix sb'eylb'ej, 'ix sn̈ustz'a yunnal xajmb'alil. Lajn 'ix yutj sb'a 'icha stu sb'eyb'alil jun tzo'n̈ xo nacion̈ to pechb'il 'el yuj Jehová 'a 'aj c'ochnc eb' israel.

Lv 19:26

Man̈ e chi no chib'j matz 'el schiq'uil. Man̈ e cuy e b'a e nan 'el paxti', mto 'ajchumal.

2 Cr 33:6

'Ix ya'n pax tz'a yunnal xajmb'al-l 'a lum pan̈n 'a'lic yic Ben-hinom, scuyn sb'a 'a jun tzo'n̈ xo b'eyb'al tic: atn wayjlil, 'ajchumal, b'almil, yet' c'umj spixn eb' chamnac. Caw wal maysch'olnil tas 'ix sb'o 'a sat Jehová, 'ix tzuntzj cot yowl sc'ojl Dios 'a yib'an̈.

A Tas Sc'ulejnac Eb' Schecab' Jesús Hechos 16:16

Ax 'a jun 'el, yic wan qui 'at 'a 'aj tzleslwi eb' 'anma on̈, 'ix c'och jun cob's 'ix 'ayn̈ on̈. 'Aych jun demonio 'a 'ix, yuj cha, wayjl 'ix. Jun 'ejmn̈ej 'aych 'ix ya'malc servil jun tzo'n̈ winac. A eb' cha, til wal tumn xyac' ganar eb' 'a spatquil 'ix, yujto tzyal 'ix, to yojcn̈ej 'ix tastc tot 'oj jawoc.

Miqueas 6:7

¿'Oj tzaljoc am chan̈ Jehová, toto tzca'c junc mil no mam calnelu xajmb'alil, mto junc lajn̈e mil ch'ub' aceite? ¿Mto tzca'c eb' qui b'ab'l 'unnal xajmb'al-l 'a yuj qui mulec? xchi eb'.

Is 19:3

'Oj wac' somchjoc 'el snab'en eb', man̈x 'oj nachjoc 'el yuj eb' tas 'aj tzc'och eb'. Yuj cha, ax sc'anb'n sb'a eb' 'a eb' comn dios, 'a eb' wayjel, 'a eb' tzc'umn spixn eb' chamnac yet' 'a eb' 'ajchum.

Is 8:19

'Oj laj yal eb' 'anma chi 'ayx 'ixtic: C'anb'jec eyab' 'a eb' tz'acn snab'en, 'a eb' tzc'umn spixn eb' chamnac, atn 'a eb' tzsajsni sc'umn sb'a sch'ocoj, 'oj schic eb'. Ax eyaln 'a eb': ¿Tas yuj man̈oc 'a sDiosal jun tzo'n̈ 'anma tic tzc'anb'j sb'a? ¿tas yuj a 'a eb' chamnc chi tzc'anb'j sb'a eb' pitzan?

2 Cr 28:3

'Ix ya'n tz'a incienso 'a lum pan̈n 'a'lic yic Ben-hinom. Ata xyac' tz'a yunnal xajmb'alil, 'icha stu b'eyb'alil jun tzo'n̈ nacion̈ satjnac 'el Jehová 'a yic mantzac tzc'och eb' israel 'a lu'um.

1 Cr 10:13

'Ixta 'ix 'aj scham Saúl yuj smaysch'olnilal. 'Ix 'och smul yujto ma'ix syiclj schecnb'il Jehová. An̈jtona', a pax 'a jun 'ix 'ix tzc'umn spixn eb' chamnc 'anma', ata xit' sc'anb'c snab'en, man̈oc 'a Jehová sc'anb'ej. Yuj cha, 'ix smiln chamoc, ax 'a David yunnal Isaí, ata 'ix 'ajx can jun yopiso Saúl cha.

Gn 13:13

A 'a jun chon̈b' cha, caw maysch'olnil sb'eyb'al eb' 'anma', til wal maysch'olnil tzb'o eb' 'a sat Jehová.

A Ch'an̈ Schab'il Libro Yic Yab'ixal Eb' Rey 23:24

An̈jtona', c'uxn 'ix yac' Josías satl smasnil eb' 'ajchum, eb' tzc'umn spixn eb' chamnac, eb' comn dios 'ay 'a yoltc n̈a, yet' pax smasnil jun tzo'n̈ to yajb'il yuj Jehová 'ay 'a Judá yet' 'a Jerusalén. 'Ixta xyutj yiclni jun tzo'n̈ ley tz'ib'b'il can 'a ch'an̈ libro 'ix 'ilchj yuj Hilcías ya'mal 'och sti eb' 'anma 'a Dios 'a yatut Jehová.

Is 66:4

Yuj cha, tox xin na'a tas yailal 'oj wac' jawc 'a yib'n̈ eb', a tas c'un xiw eb' yu'uj, a chi 'oj wac' jawc 'a yib'n̈ eb'. Yujto xcob' wawtc eb', palta ma'ix ta'w eb' 'ayin. In cob' 'awjoc 'a eb', palta ma'ix stz'ac eb' yab'i'; a tas matz in nib'ej, a chi sb'o eb', xchi Dios.

Jeremías 19:4

Yujto in eyactjcani, xeya'n can 'och jun lum tic slumoc jun tzo'n̈ chuc diosal. 'Ix eya'n tz'a incienso 'a jun tzo'n̈ comn dios cha, jun tzo'n̈ to man̈ eyojcoc, an̈jtona eb' e mam eyicham, yet' pax eb' e reyal, man̈ yojcoc pax eb'. Caw niwn eb' 'anma may smul xe mil chamoc.

Dt 32:16

Caw 'oj e tzuntzc cot yowl sc'ojl Dios, yujto 'oj eyac' 'ejm e b'a 'a jun tzo'n̈ yechl comn dios to yajb'il 'el yuj Jehová.

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

Jeremías 19:5

An̈jtona', xe b'on pax jun tzo'n̈ yet'l xajmb'al 'a 'aj tzeyac' tz'a eb' eyunnal xajmb'al-l 'a comn dios Baal, tze b'on wal tas to man̈oc in 'ix wac' e b'o', may xon pax tas tz'ec' 'a in nab'en to 'ixta tzeyutj e b'a.