Biblia Todo Logo
Bib sou entènèt

- Piblisite -




A Ch'an̈ Schab'il Libro Yic Yab'ixal Eb' Rey 21:22 - Chuj San Sebastian Bible

22 'Ix yactj can win Jehová, atn sDiosal eb' smam yicham, ma'ix sb'eylb'ej win schecnb'il Jehová.

Gade chapit la Kopi

Chuj San Mateo Bible

22 Icha chi' ix aj spaticanel Jehová Dios vin̈, aton sDiosal eb' smam yicham vin̈. Maj sc'anab'ajejlaj schecnab'il Jehová vin̈.

Gade chapit la Kopi




A Ch'an̈ Schab'il Libro Yic Yab'ixal Eb' Rey 21:22
9 Referans Kwoze  

Yujn̈ej to in yactj can eb' in chon̈b' tic, 'ix sn̈usntz'a eb' incienso 'a jun tzo'n̈ comn dios, 'ix tzuntzj cot eb' yowl in c'ojol, yuj jun tzo'n̈ sdiosal eb' sb'ojnac; yuj wal cha, 'ix cot yowl in c'ojl 'a jun lugar tic, matz tup yowl in c'ojl cha.


Yujto in yactj can Salomón, ax 'a jun tzo'n̈ comn dios, ata xyac' 'emmquilal, atn 'a Astarté 'ix sdiosal eb' sidonio, yet' 'a Quemós sdiosal eb' moabita, yet' pax 'a Milcom sdiosal eb' amonita. Caw man̈x wach'c tas tzb'o 'a in sat, man̈xtzac syiclj in ley yet' in checnb'il, 'icha yutjnac syiclni David, atn smam.


Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.


A eb' tzlaj 'och tza'n yuj jun tzo'n̈ yechl tzalx 'och diosal, tzpatquilj can 'el eb' a wach'c'ojlal.


Ax in chon̈b' ex tic, x'och chamacn̈ e mul. An tic, lajn in 'icha a a tzpaq'ui, palta in eyactj cani. Mun xoj xe b'o e diosal. A jun e diosal cha, lajn 'icha junc c'ob'a oln yich, matz can a 'a yojol, xchi Dios.


Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.


A sb'eyb'al smam chi sb'eylb'ej, 'ix ya'n 'och sb'a 'emmquilal 'a jun tzo'n̈ yechl 'aj tz'och smam chi 'emmquilal.


Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.


Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.


Swiv nou:

Piblisite


Piblisite