A Ch'an̈ Schab'il Libro Yic Yab'ixal Eb' Rey 20:3 - Chuj San Sebastian Bible

³ Tzin tew 'aych Mamin Jehová, to tza na coti chajtlto wach' 'ix wutj ach wa'n servil, xin b'on tas tzchaj a c'ojol, xchi 'a slesal. 'Ix 'oc' wal si'mb'il.

Chuj San Mateo Bible

³ Mamin Jehová, tzin tevi d'ayach to tzin a nacot yuj tas ix vutej ach vac'an servil yed' in c'anab'ajan d'ayach d'a val yel. Ix in c'ulej tas scha a c'ool, xchi vin̈. Ix oc' val vin̈ sic'lab'il.

A Ch'an̈ Schab'il Libro Yic Yab'ixal Eb' Rey 20:3 Referans Kwoze

Nehemías 13:22

Xlajw cha, xwaln 'a eb' levita to tzsacb'tzej sb'a eb', yic tz'at eb' 'at stan̈wc puerta cha, sec wach' matz tz'ixtx 'el sc'ul 'iljelal. Yuj cha, xwaln 'ixtc 'a in lesal: Ach in Diosal, nan cot yuj jun tzo'n̈ tic, 'o'ch cab' 'a c'ojl 'ayn yuj a wach'c'ojlal, xin chi.

Nehemías 13:14

Xwaln 'ixtc 'a in lesal: Ach in Diosal, na cot jun tzo'n̈ tas xin b'o tic. Man̈ 'at satc'ojlal o'oj, atn jun tzo'n̈ tas xin b'o yet' in chamc'ojlal 'a atut, 'a 'aj tz'och 'emmquilal 'ayach, xin chi.

Nehemías 5:19

In leslwi 'ixtic: Ach in Diosal, nan cot yuj smasnil tas xin b'o 'a jun chon̈b' tic yic tza'n spac 'ayin, xin chi 'a 'a.

Nehemías 13:31

'Ix waln yuj te c'atzitz, tas c'ul tz'ijx cot te', xwaln pax yuj sb'ab'l sat yawb'en eb' quit chon̈ab', to yowlal tzyij cot eb' 'a yatut Dios. Yuj cha, xwaln 'a in lesl 'ixtic: Ach in Diosal, nan coti, 'o'ch cab' 'a c'ojl 'ayin, xin chi 'a Dios.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

A Ch'an̈ B'ab'el Libro Yic Yab'ixal Eb' Rey 8:61

Yuj cha, cojn cab' 'a Jehová qui Diosalec 'aj tzca'c 'och qui c'ojol, yiclum cab' tzcutjec qui b'a 'a sley yet' 'a schecnb'il, 'icha tzcutjec ticnec, xchi Salomón.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Jn 1:47

Ax 'ix yiln 'at Jesús, wan sc'och Natanael 'a 'a. 'Ix yaln yuj 'ixtic: —A jun tzjaw tic, caw yel israel 'a sat Dios, may 'aj chab'sat tzyutj sb'a, xchi Jesús.

Jeremías 4:2

Toto caw yel tzin e b'inej an Jehová in tic, wal 'a stojlal yet' wal 'a swach'il. To 'ixta', 'oj scha smasnil nacion̈ in yaxilal, ax yi'n chan̈ pax eb' in b'i, xchi Dios.

Is 63:11

Yuj cha, snan cot eb' schon̈b' Dios chi tas ujnc 'a pecti', 'a yol stiempoal Moisés win schecb' Jehová. 'Ix laj yal-lanc eb' 'a 'ixtic: ¿'Ajtil 'ay jun Dios xcoln 'el eb' quit chon̈b' 'a yol a mar yet' eb' yilmal eb' yaji? ¿'Ajtil 'ay jun Dios to caw a Yespíritu xya'ch 'a scal eb'?

Is 38:14

'Icha wal yel yaw no pechul tz'ec' no 'a satcha'an̈, 'ixta yel waw wab'n syail, tzin c'acw 'icha sc'acw no parama. Caw wal tzc'unb' yol in sat in q'ue q'ueln 'a satcha'an̈. Mamin Jehová, caw wal tzin 'ixtx tzwab'i, ta'wan̈ 'ayin.

Salmos 145:18

A eb' tzyal sb'a 'aych 'a smasnil sc'ojol, caw la'n aj 'a stz'ey eb'.

Salmos 119:49

Na cot jun tzo'n̈ a paxti a'jnac 'ayn an a checb' in tic, atn 'a eb' 'aj xwa'ch in nab'en.

Salmos 102:9

A stan̈il c'ac' 'ay q'ue 'a in jolom, a chi tz'em 'a scal tas tzin c'uxu, ax tas tzwuq'uej, caln yaj yet' yal in sat.

Salmos 89:50

Na cot nab'an to an̈ a checb' on̈ tic, til wal tas ya yaln eb' 'anma 'ayn̈ on̈; a jun tzo'n̈ spaxti eb' cha, caw wal ya yajcn 'ayin.

Salmos 89:47

Na cot nab'an to c'ochn yoc jab' in q'uinl 'ix ac'a. An̈ 'anman̈ tic on̈ jab' wal tiempo tzac' quil on̈.

Salmos 32:2

A eb' x'och spaltail, toto man̈xtzac 'och jun chi smulc eb' yuj Jehová, caw wal wach' yic eb', atn eb' man̈xtzac snalb'ej smacn sat yit 'anma'il.

Salmos 25:7

Ax pax jun tzo'n̈ in mul jun, man̈ a na coti, man̈ a na cot jun tzo'n̈ in tu nab'enal 'ix in b'o 'a yic quelm in 'unin. Tzin a na cot yet' a chamc'ojlal, yet' a wach'c'ojlal.

Salmos 6:6

Caw wal tz'el'ch wip woq'ui. Til wal woc' 'a junjn 'ac'wal, caw tzlojx 'el in c'an̈jolm yuj yal in sat.

Job 1:8

Yuj cha, xyaln Jehová 'ixtc 'a winac: ¿May am 'aj 'ix elcn win in checb' Job? May junc xo mach lajn snab'en yet' win 'a yolyib'n̈q'uinal, caw wal yiclum win 'ayin, tojl sb'eyb'al, 'ay xiwc'ojlal, may 'aj tzb'o win tas maysch'olnil, xchi Dios 'a winac.

Job 1:1

A 'a yol smacb'en lum Uz, ata 'ay jun winc Job sb'i, caw wal wach' sb'eyb'al may tas tu tzb'o'o, caw 'ay yel'ch Dios 'a sat, matz ya't sb'a 'a scal maysch'olnil.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

A Ch'an̈ B'ab'el Libro Yic Yab'ixal Eb' Rey 15:14

Wach'xam ma'ix yij 'el win smasnil jun tzo'n̈ macsej 'a 'aj tzyal sb'a eb' 'anma 'a jolmctac witz, palta caw tojl xyutj win Asa chi snab'en 'a sat Jehová.

A Ch'an̈ B'ab'el Libro Yic Yab'ixal Eb' Rey 11:4

A yic x'och Salomón 'ichm wincal, ax eb' 'ix yistl chi x'i'n 'at snab'en 'a jun tzo'n̈ xo comn dios, yuj cha, man̈xtoc xya'ch snab'en si'mb'il 'a Jehová sDiosal, 'icha ya'jnac David, atn smam.

A Ch'an̈ B'ab'el Libro Yic Yab'ixal Eb' Rey 3:6

'Ix ta'w Salomón 'ixtic: Ach tic Mamin, caw 'ay a chamc'ojlal 'a a checb' David, atn in mam, yujto yiclumn̈ej 'ix yutj sb'a 'ayach. Caw tojl 'ix yutj sb'a 'aych 'a smasnil sc'ojol, yuj cha, 'ix 'el 'a a c'ojol to an 'unnab'iln tic, in 'em wocn 'a sdespacho, 'icha ton wan yuj ticnec.

A Ch'an̈ B'ab'el Libro Yic Yab'ixal Eb' Rey 2:4

sec wach' 'oj 'el'choc tas alb'il can yuj Jehová 'ayin, yic yaln 'ixtic: Toto tzyac' cuenta sb'a eb' en̈tl yet' sb'eyb'al, toto tojl 'oj yutc sb'a eb' 'a wojltac 'a smasnil sc'ojol, yet' 'a smasnil snab'en, to 'ixta', ma'oj yac' palta eb' en̈tl yoch reyl 'a chon̈b' Israel tic, xchi 'ayin.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

Gn 8:1

Ax Noé yet' eb' yico', yet' smasnil no noc' 'aych yet' 'a yol barco cha, nann̈ej eb' yuj Dios, yuj cha, 'ix ya'n cot Dios jun niwquil 'ic' 'a yib'n̈ a a cha, sec wach' tztup 'ejm a'.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

A Ch'an̈ B'ab'el Libro Yic Yab'ixal Eb' Rey 9:4

Yuj cha, wach'n̈j cab' tzotj a b'a yet' smasnil a c'ojol, 'icha yujtnac sb'a David, atn a mam. Tzin a'n 'och yipc a c'ojol, tzach b'ey wal 'a stojlal, tza yiclni smasnil tas 'ix wac' a b'o', tza yiclni pax jun tzo'n̈ in ley yet' jun tzo'n̈ in checnb'il.

A Ch'an̈ Schab'il Libro Yic Yab'ixal Eb' Rey 20:2

Xlajw cha, 'ix meltzj 'och q'ueln Ezequías 'a sat yich n̈a cha, 'ix leslwi 'ixtc 'a Jehová:

A Ch'an̈ Schab'il Libro Yic Yab'ixal Eb' Rey 20:4

Ax x'aji, mantzac 'el'ch Isaías 'a spacl snan̈l yamq'uil sdespacho win rey cha, 'ix yaln pax Jehová 'ixtc 'a 'a:

Salmos 26:1

Mamin Jehová alcn 'eli to may in mul, yujto wach'n̈j tas tzin b'o'o. Caw 'aych 'och yipc in c'ojol, may xon in chab'c'ojlal 'ayach.

Salmos 26:3

Yujto may 'aj tzwac' sat in c'ojl 'a a chamc'ojlal, caw yiclumn̈ej tzwutj in b'a 'ayach.

A Ch'an̈ B'ab'el Libro Yic Yab'ixal Eb' Rey 8:23

xyaln 'ixtic: Mamin Jehová, ach qui Diosal an̈ Israel on̈ tic on̈, may junc xo Dios lajn et' 'a satcha'an̈ yet' 'a sat lum tic, yujto tzac' 'el'choc a trato, tza ch'oxn pax a wach'c'ojlal 'a mach tzyiclni yet' smasnil sc'ojl 'a tas tzala.

Job 4:6

Ach tic, caw wal yiclum ach 'a Dios, caw tojl a b'eyb'al alni. ¿Tas pax yuj tzsomchj chan̈ a nab'en ticnec?

Job 16:20

Ex in wach'c'ojol, 'in ton̈j tzex b'uchwj 'ayin, an xo tic, tzin 'o'n̈j 'a yojltac Dios.

Salmos 6:7

Smulyujoc eb' 'ajc'ojl yajch 'ayin, xmal yol in sat woq'ui, man̈xtzac stac' wilni.

Salmos 39:13

'Ij 'el a c'a'lc'ojlal 'a wib'an̈, 'ac' jacx in tzaljc'ojlal ya' sb'a mantzac in chami.

Salmos 119:26

'Ix wal 'ayach tas wal yilx in b'eyb'al, yuj cha, in a ta'wni. Ax ticnec, cuyn 'a jun tzo'n̈ a checnb'il tic.

Am 5:4

Meltzjan̈c 'ayin, sec ma'oj e chami.