A Ch'an̈ Schab'il Libro Yic Yab'ixal Eb' Rey 20:19 - Chuj San Sebastian Bible

¹⁹ —A jun paxti 'ix al 'ayn yuj Jehová, caw wal wach', xchi Ezequías cha. 'Ix yal 'ixta', yujto a snani to 'ay junc'ojlal yic 'ayt 'och 'a yopiso cha.

Chuj San Mateo Bible

¹⁹ Ix yalan vin̈aj rey Ezequías chi' d'a vin̈aj Isaías chi': —A jun lolonel ix al d'ayin yuj Jehová tic te vach', xchi vin̈. Ix yal vin̈aj Ezequías chi' icha chi', yujto ix sna' vin̈ to ay junc'olal yacb'an pitzanto vin̈.

A Ch'an̈ Schab'il Libro Yic Yab'ixal Eb' Rey 20:19 Referans Kwoze

A Ch'an̈ B'ab'el Libro Samuel 3:18

'Ix yaln Samuel smasnil tas 'ix alx chi 'a 'a, may tas 'ix sc'ub'j can 'eli. Yuj cha, xyaln Elí 'ixtc 'a 'a: —Atn ton wal Jehová 'ix alni, sb'o cab' 'icha tas tznib'ej, xchi.

Lc 2:14

¡Alx cab' wach' paxti 'a Dios 'a satcha'an̈! ¡Ax 'a yolyib'n̈q'uinl tic, 'ay cab' junc'ojlal 'a eb' 'aj tzch'ox swach'c'ojlal! xchi eb'.

Lc 2:10

Palta xyaln jun ángel chi 'a eb' 'ixtic: —Man̈ ex xiwoc, yujto 'ay jun wach' 'ab'x tzwul wal 'ayex. Yu'uj caw 'oj jawc stzaljc'ojlal smasnil 'anma'.

Zacarías 8:19

A c'ajb'c'ojlal tzeyac' 'a yic schan̈l 'uj, 'a yic yol 'uj, 'a yic yucl 'uj yet' 'a yic slajn̈il 'uj, 'oj meltzjoc can 'och jun tzo'n̈ chi 'a q'uin̈al, yet' 'a tzaljc'ojlalil 'a eb' yin̈tl Judá. Yuj cha, 'a'c 'och e b'a 'a stojlal yet' 'a junc'ojlal.

Lm 3:39

¿Tas yuj tzcot cowlec 'a Dios, toto yuj qui mulec tz'och qui yailal?

Lm 3:22

Yujn̈ej schamc'ojlal Jehová, yuj cha, matz on̈ satc 'eli, yujto tz'o'chn̈ej sc'ojl 'ayn̈ec.

Jeremías 33:6

Palta 'ay jun c'ual to 'oj wan̈tc pax eb', ax wa'n stzatzl eb' jun 'ejm xo. 'Oj wac' 'aj cajn eb' 'a junc'ojlal, man̈x 'a tas 'oj 'i'nc eb'.

Salmos 39:9

'Icha to matz tac' in paxtini, 'ixta xwutj in b'a, may tas xwala, yujto ach xa'ch jun tzo'n̈ yailal tic 'ayin.

Job 1:21

'Ix yaln win 'ixtic: —May xon jac tas wet'i yic in 'alj 'el 'a yolyib'n̈q'uinl tic, may pax jac tas 'oj wic' yic 'oj in meltzj paxi. A Jehová a x'a'n smasnil tas 'ayin, a pax x'i'n 'ec' jun 'ejm xo; alx cab' wach' paxti 'a 'a, xchi Job.

Ester 9:30

Xlajw cha, xya'n 'at eb' ch'an̈ 'a smasnil eb' yit israelal cajn 'a 127 niwc chon̈b' 'ay 'a yol smacb'en win rey cha. 'Ix 'ajx 'at stzatzl sc'ojl eb' yet' jun tzo'n̈ paxti to caw yel.

Lv 10:3

Xlajw cha, xyaln Moisés 'a Aarón 'ixtic: —Yuj jun tic, x'el'ch tas yaljnac Jehová 'ayin yic yaln 'ixtic: A eb' tzin 'a'n servil, yowlal 'ay cab' wel'ch 'a sat eb'. 'Oj in ch'oxli to niwn wel'ch 'a smasnil eb' israel, xchi Dios, xchi Moisés. Ax Aarón man̈x 'a tas 'ix yala.

A Ch'an̈ Schab'il Libro Yic Yab'ixal Eb' Rey 20:20

Ax jantc to yab'xil Ezequías, yet' jun tzo'n̈ niwn yel'ch 'ix 'el sb'oni, 'icha yuj jun tanque, yet' tasm 'ix yutj yi'n 'och a a 'a yol chon̈ab', a jun tzo'n̈ cha, ata tz'ib'b'il can 'a ch'an̈ libro 'aj tz'ib'b'il can yab'xil eb' sreyl Judá.

A Ch'an̈ B'ab'el Libro Yic Yab'ixal Eb' Rey 2:38

—Caw wach' 'ix al 'ayn mamin rey. 'Oj in b'o 'icha tas tzala, xchi Simei cha. Najtl 'ix 'ec' cajn Simei 'a Jerusalén.

A Ch'an̈ B'ab'el Libro Yic Yab'ixal Eb' Rey 11:12

Palta yuj wal in chamc'ojlal 'a David atn a mam, yuj cha, mant 'oj wi'c opiso tic ya' sb'a pitzn ach to; palta a 'a jun onnal, ata 'oj wi'cq'ui.

A Ch'an̈ Schab'il Libro Yic Yab'ixal Eb' Rey 22:20

Yuj cha, 'oj a mucx 'a junc'ojlal 'a 'aj mucn eb' a mam echam, man̈x 'oj el smasnil yailal 'oj wa' cot 'a yib'n̈ jun lugar tic, xchi Dios, xchi 'ix Hulda cha. 'Ix meltzj eb' schecb' win rey cha, yic tzwul yalnoc eb' 'a winac tas chi xit' yab' eb'.