A Ch'an̈ Schab'il Libro Yic Yab'ixal Eb' Rey 19:4 - Chuj San Sebastian Bible

⁴ Comnoc wal 'ix yab' Jehová qui Diosalec jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj on̈, yuj jaywn̈ on̈ to tzon̈ cani, xchi Ezequías, xchi eb'.

Chuj San Mateo Bible

⁴ Comonoc val ix yab' Jehová co Diosal tas ix yal jun vin̈ schecab' vin̈ sreyal Asiria ayic ix b'uchvaj vin̈ d'a co Diosal pitzan. Comonoc tz'ac'jioch yaelal d'a yib'an̈ vin̈ yuj Jehová, yuj tas ix yal chi'. Lesalvan̈ cuuj mach on̈ ayon̈ to ec' tic, xchicot vin̈aj Ezequías, xchi eb' vin̈.

A Ch'an̈ Schab'il Libro Yic Yab'ixal Eb' Rey 19:4 Referans Kwoze

A Ch'an̈ Schab'l Libro Samuel 16:12

Lemb'il 'oj in yil cot Jehová yet' in cusc'ojlal tic, ax 'oj 'ajoc, to 'oj yac' swach'c'ojlal 'a wib'n̈ yuj tas tzalx 'ayn tic, xchi.

Ro 9:27

Palta yaljnac can Isaías yab'xil eb' quit israelal chi 'ixtic: A eb' wit israelal, wach'xam caw niwn 'oj 'aj sb'isl eb' 'icha sb'isl yarenail sti a mar, palta jaywn̈n̈ej eb' 'oj colchjoc.

Ez 36:37

An Jehová Yajl in, an tzwal 'ixtic: A tas 'oj e c'an 'ayin, 'oj wa'x 'ayex, ax wa'n niwtjoc e b'isl 'icha no calnelu.

Josué 14:12

Yuj cha, tzin c'an 'aych ticnec, to tzac' lum jolmctac witz tic 'ayin, 'icha yutjnac yaln can Jehová. Ab'jnac ach tic 'a yic jun tiempoal cha, chajtlto ata cajn eb' niwc winac, eb' yin̈tl can win Anac; caw niwc yaj schon̈b' eb' sb'oni, wach' pax yajch smuroal schon̈b' eb' cha. Palta an tic, caw tzwa'ch Jehová yipc in c'ojol, to 'oj colwjoc wet'oc yic 'oj wi'nc 'el eb' ta', 'icha yaj yaln cani, xchi Caleb.

Jeremías 33:3

C'anb'j 'ayin, 'oj wal jun tzo'n̈ tas caw niwn yel'ch 'ayach, to satjub'tac yalxi, atn jun tzo'n̈ to mant ojcoc.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 1:9

A Jehová tztac' yuj smasnil, 'ix 'el 'a sc'ojol, on̈ yactj can jaywn̈ on̈c tic. Q'uinloc ma'ay, 'icha am 'ajnc satl Sodoma yet' Gomorra, 'ixta on̈ 'ajec.

Salmos 74:18

Mamin Jehová, na coti chajtlto a eb' 'ajc'ojl yajch 'ayach, caw tzach stzuntzj eb', tzlaj yal eb' tu paxti 'ayach, tzach sb'uchn pax eb'.

Salmos 50:21

Atn smasnil e mul tic, an xo ton̈j tzin 'och q'ueln 'ayex. Am wal e nani to lajn in eyet'oc. Q'uelc'mb'a 'oj waj eyet'oc, ax waln 'och e mul 'a e sat.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

2 Cr 32:20

Yuj jun tzo'n̈ paxti cha, yuj cha, 'ix leslwi rey Ezequías, yet' Isaías schecb' Dios, yunnal Amós, yic tzc'ann eb' scolwal Jehová 'a satcha'an̈.

A Ch'an̈ Schab'il Libro Yic Yab'ixal Eb' Rey 19:22

¿Mach jun 'aj tu 'ix ala, 'ix a xib'tn paxi?. ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxni.

A Ch'an̈ Schab'il Libro Yic Yab'ixal Eb' Rey 18:13

A yic schan̈lajn̈il ab'il xo yoch Ezequías reyl 'a Judá, 'ix ya'n Senaquerib sreyl Asiria owl yet' jun tzo'n̈ chon̈b' 'aych smuroal 'a yol yic Judá, 'ix 'ajx ganar eb' yu'uj.

A Ch'an̈ B'ab'el Libro Samuel 17:45

'Ix ta'w David 'a win 'ixtic: —Ach tic, tzach cot 'ayn yet' espada, yet' a lanza yet' pax a cotc lanza, yic tzwul a'nc owl wet'oc, palta an xo tic, tzin 'at wac' owl et' 'a sb'i Jehová jun tzta'n̈j yuj smasnil, atn jun qui Diosal an̈ soldado Israel on̈ tic on̈, atn 'aj ach b'uchwji.

A Ch'an̈ B'ab'el Libro Samuel 14:6

Xyaln Jonatán 'a win 'et'jnac syamc'ab' yic owl chi 'ixtic: —Cotan̈, 'e'con̈ 'a junx c'axp 'ec' cha, ax qui c'och 'a 'aj 'ay yet'l eb' chuc schon̈b' cha. Toq'ue 'oj colwjoc Jehová quet'oc, yujto a Jehová, may yajltacl on̈ scolni, wach'xam niwn qui b'eyi, mto jaywn̈ej qui b'eyi, xchi.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Gn 22:14

Xlajw cha, xya'n can Abraham sb'ic jun lugar chi 'ixtic: A Jehová, a tz'a'n tasto yowlal tznib'xi, xchi. Yuj cha, an̈ja 'ixta yaln eb' 'anma ticnec: A 'a lum witz yic' Jehová, ata tzyac' tas yowlal tznib'xi, xchi eb'.

Ro 11:5

An̈jtona', 'ixta pax ticnec. 'Ay eb' yic xon Dios 'a scal eb' wit israelal. Atn eb' sic'b'il can 'el yuj Dios yuj swach'c'ojlal.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

A Ch'an̈ Schab'il Libro Yic Yab'ixal Eb' Rey 19:3

'Ix yaln eb', to a win rey Ezequías 'ix aln 'ixtic: A ticnec 'ayn̈ 'och 'a cusc'ojlal, 'a yailal, 'a q'uixwc'ojlal. 'Icha junc 'ix 'ix wan yalj yune tz'elcn yip, 'ixta cajc ticnec.

A Ch'an̈ Schab'il Libro Yic Yab'ixal Eb' Rey 19:5

A yic xyab'n Isaías tas 'ix yal eb' schecb' win rey Ezequías cha,

A Ch'an̈ Schab'il Libro Yic Yab'ixal Eb' Rey 19:16

Mamin Jehová, comnoc wal tza maclj ab'i', tzel wal jun tic yet' a sat. Mamin Jehová tzab'n tas 'ix yal cot Senaquerib 'ayin, caw tu 'ix yal 'ayach, ach qui Diosal on̈, pitzn ach.

A Ch'an̈ Schab'il Libro Yic Yab'ixal Eb' Rey 19:30

A jaywn̈ocx ex tzex can 'a Judá, lajn 'oj eyaj 'icha junc te te tz'emx schan̈l yib' 'a yol lu'um, tzwolni, tzlajw cha, tzya'n sat muc'uc.

Jeremías 23:36

Palta man̈xtzac yal junc paxti 'ixtic: Schecnb'il Jehová jun tic, man̈ xchioc. Toto tzyal jun paxti cha, mun a jun spaxti chi 'oj meltzjoc 'och 'a 'a. Yujto 'ix yixtj 'el eb' 'anma tic 'a tas 'ix wala, an ton tic Dios in, pitzn in, an Jehová in, tztac' wuj smasnil, e Diosal in paxi.

Jeremías 42:9

'Ix waln 'a eb' 'ixtic: A Jehová qui Diosalec an̈ israel on̈c tic jun 'aj in eyac' tewc yuj tas 'ix eyal 'ayin, a tzaln 'ixtic:

Josué 3:10

A yuj tas 'oj ch'oxxoc eyila', ax snachj 'el eyu'uj, to a jun Dios pitzan a 'ayc' 'a qui calec. A 'oj 'i'noc 'el jun tzo'n̈ eb' 'anma 'ay 'a jun tzo'n̈ lugar 'aj 'oj queq'uec: atn eb' cananeo, eb' hitita, eb' heveo, eb' ferezeo, eb' gergeseo, eb' amorreo yet' eb' jebuseo.

A Ch'an̈ B'ab'el Libro Samuel 17:10

A wal 'a yic jun c'u tic, tzwaln eyab' ex israel: ¡Checc cot junc winc 'a e cal cha, yic tzwul ya'nc owl wet'oc! xchi.

A Ch'an̈ Schab'il Libro Yic Yab'ixal Eb' Rey 19:23

'Ix a'n yal eb' a checb' tu paxti'al 'ayn an Jehová in, 'ix cob' aln 'ixtic: Til wal sb'isl in caruaje yic owl wet'i, yic in q'ue'ch 'a sjolm eb' lum witz caw 'ay't 'a chan̈ 'a yol yic Líbano. 'Ix wa'n ch'acxoc te c'ute niwc ste'il yet' te taj wach' yilxi. 'Ixta to b'i'an, in q'ue'ch 'a lum jolmctac witz 'ay't 'a cha'an̈, xlaj wiln jun tzo'n̈ lum lum caw wach' yilx yet' sb'a'al.

A Ch'an̈ Schab'il Libro Yic Yab'ixal Eb' Rey 19:31

Ax jaywn̈ocx tzex can 'a Jerusalén yet' 'a tzaln Sión, 'oj e niwtj pax 'eli, ax e b'ut'n pax 'el e chon̈ab'. 'Ixta 'oj yutc Jehová jun cha, yujto 'ay schamc'ojlal 'ayex.