A Ch'an̈ Schab'il Libro Yic Yab'ixal Eb' Rey 17:8 - Chuj San Sebastian Bible

⁸ sb'eylb'ej eb' sb'eyb'al jun tzo'n̈ nacion̈ 'ix 'ijx 'el 'a sat lum lum yuj Jehová, yet' jun tzo'n̈ xo b'eyb'al 'ix sb'eylb'ej jaywn̈ eb' sreyl eb'.

Chuj San Mateo Bible

⁸ sb'eyb'alannac sb'eyb'al juntzan̈ nación eb', aton juntzan̈ yic'naquel Jehová d'a yichan̈ eb' yed' juntzan̈ b'eyb'al b'aj ix cuchb'aj eb' yuj juntzan̈ eb' vin̈ sreyal.

A Ch'an̈ Schab'il Libro Yic Yab'ixal Eb' Rey 17:8 Referans Kwoze

A Ch'an̈ Schab'il Libro Yic Yab'ixal Eb' Rey 16:3

Palta an̈j sb'eyb'al eb' sreyl chon̈b' Israel 'ix sb'eylb'ej, 'ix sn̈ustz'a yunnal xajmb'alil. Lajn 'ix yutj sb'a 'icha stu sb'eyb'alil jun tzo'n̈ xo nacion̈ to pechb'il 'el yuj Jehová 'a 'aj c'ochnc eb' israel.

Dt 18:9

A yic 'oj e c'och 'a lum lum 'oj yac' Jehová qui Diosalec eyico'oc, man̈ e b'eylb'oc sb'eyb'al eb' 'anma 'ayc' 'a jun tzo'n̈ chon̈b' cha.

Lv 18:3

Man̈ e b'eylb'oc sb'eyb'al eb' 'aj Egipto, atn jun nacion̈ 'aj 'e'nc ex cajan. Man̈ e b'eylb'oc pax sb'eyb'al eb' 'aj Canaán, atn 'aj wan ex wi'n 'ati.

Miqueas 6:16

Yujto tzeyiclj tas tzyal win Omri yet' Acab atn win 'unnab'il, tze b'eylb'an sb'eyb'al eb'. Yuj cha, 'oj wac' jawc yailal 'a eyib'an̈, yet' pax b'uchwal paxti'. 'Ixta 'oj eyutc eyab'n syal q'uixwelal 'a sat eb' nacion̈, xchi Dios.

Os 5:11

A chon̈b' Efraín cha, tox 'ix jaw 'a yib'an̈. Man̈x 'a tas 'ay 'a 'a, yujto 'ix ya'ch wal 'a sc'ojl yoch tza'n yuj jun tzo'n̈ comn dios.

Jeremías 10:2

A tzaln 'ayx 'ixtic: Man̈ e b'eylb'oc sb'eyb'al jun tzo'n̈ xo nacion̈, man̈ ex xiw 'a jun tzo'n̈ tas tzch'ox sb'a 'a satcha'an̈, 'icha tzyutj sb'a jun tzo'n̈ nacion̈ cha.

Salmos 106:35

A yic eb' to scalj sb'a eb' yet' eb' chuc chon̈b'al cha. 'Ix sb'eylb'an eb' sb'eyb'al eb',

A Ch'an̈ Schab'il Libro Yic Yab'ixal Eb' Rey 21:2

Palta caw maysch'olnil x'el sb'on 'a sat Jehová, yujto 'ix sb'eylb'ej smasnil stu b'eyb'alil jun tzo'n̈ nacion̈ yijnac 'el Jehová 'a yojltac eb' israel.

A Ch'an̈ Schab'il Libro Yic Yab'ixal Eb' Rey 17:19

Palta ma'ix syiclj pax eb' yin̈tl Judá chi schecnb'il Jehová sDiosal. A yic eb' to 'ix sb'eylb'ej eb' 'icha wal tas sb'eylb'ej eb' yit israelal eb' cha.

A Ch'an̈ Schab'il Libro Yic Yab'ixal Eb' Rey 16:10

Xlajw cha, 'ix 'at rey Acaz 'a chon̈b' Damasco 'at scha win Tiglat-pileser sreyl chon̈b' Asiria. Ata 'ix yil jun yet'l xajmb'al. Xlajw cha, 'ix ya'n cot win yechl jun yet'l xajmb'al chi 'a win Urías ya'mal 'och sti eb' 'anma 'a Dios 'a Jerusalén, sec 'icha wal yaj jun cha, 'ixta tz'aj sb'o junc chi yuj winac.

A Ch'an̈ B'ab'el Libro Yic Yab'ixal Eb' Rey 21:26

Caw wal yajb'entac xyutj sb'a winac, yic 'ix ya'n 'ejm sb'a win 'a jun tzo'n̈ yechl comn dios. Lajn wal xyutj sb'a win 'icha tzyutj sb'a eb' amorreo, atn eb' 'ic'b'il 'el yuj Jehová 'a yojltac eb' israel.)

A Ch'an̈ B'ab'el Libro Yic Yab'ixal Eb' Rey 12:28

A yic xlajw spaxtin win rey chi yet' eb' 'aych yajlil yet'oc, 'ix ya'n win b'o yechl chawn̈ quelm wacax, nab'a oro x'aji. 'Ix yaln 'a eb' 'anma 'ixtic: Ex wit israelal caw 'ajltac e 'atn̈j 'a Jerusalén. A ticnec yaj eb' qui diosalec on̈ 'i'nec 'elt 'a Egipto, xchi win 'a eb'.

Ez 5:6

Caw wal 'ix 'och eb' 'aj Jerusalén chi 'ajc'ojlal 'a in ley yet' 'a jun tzo'n̈ in checnb'il, yel xo wal tu xyutj sb'a eb' 'a yib'n̈ jun tzo'n̈ xo nacion̈ oyn 'och 'a stz'ey, ma'ix syiclj eb' in ley yet' in checnb'il.

Ex 23:24

Man̈ e b'eylb'oc sb'eyb'al jun tzo'n̈ 'anma cha, man̈ ex 'em cumn 'a yojltac sdiosal eb'; man̈ eyal e b'a 'a 'a. A jun tas tze b'o'o, to tze mac' poj smasnil sdiosal eb' cha, yet' q'uen q'uen 'aj tzleslwi eb'.

Lv 26:1

'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

A Ch'an̈ Schab'il Libro Yic Yab'ixal Eb' Rey 17:40

Palta a jun tzo'n̈ 'anma cha, ma'ix schaj xon eb' yab'i'; a yic eb' to 'ix wach' 'atcn eb' 'a scal yichm b'eyb'al; wach'xam tzcob' yaln sb'a eb' 'a Jehová yalni, palta an̈ja yaln sb'a eb' 'a jun tzo'n̈ sdiosal cha. 'Ixta pax eb' yin̈tl eb', 'ix sb'eylb'ej eb' 'icha sb'eyb'al eb' smam yichm eb' cha, an̈jan̈ej to sb'eylb'an eb'.